అనుమానాలకు చెక్.. 'విశ్వంభర' విజృంభణ అంటూ డైరెక్టర్ పోస్ట్
మెగాస్టార్ చిరంజీవి నటించిన విశ్వంభర చిత్రం సంక్రాంతికి ముస్తాబవుతోంది. డైరెక్టర్ వశిష్ఠ అండ్ టీం సంక్రాంతి టార్గెట్ గా పెట్టుకుని సీజీ వర్క్, ఇతర పోస్ట్ ప్రొడక్షన్ కార్యక్రమాలు వేగవంతం చేస్తున్నారు.
మెగాస్టార్ చిరంజీవి నటించిన విశ్వంభర చిత్రం సంక్రాంతికి ముస్తాబవుతోంది. డైరెక్టర్ వశిష్ఠ అండ్ టీం సంక్రాంతి టార్గెట్ గా పెట్టుకుని సీజీ వర్క్, ఇతర పోస్ట్ ప్రొడక్షన్ కార్యక్రమాలు వేగవంతం చేస్తున్నారు. అయితే చిరంజీవి చిత్రంతో పాటు వెంకటేష్, అనిల్ రావిపూడి మూవీ కూడా సంక్రాంతికే వస్తోంది.
బాలయ్య 109, అజిత్ గుడ్ బ్యాడ్ అగ్లీ చిత్రాలు కూడా సంక్రాంతికి రిలీజ్ అయ్యే అవకాశాలు ఉన్నాయి. ఇన్ని చిత్రాలు రిలీజ్ అయితే థియేటర్ల సమస్య తప్పదు. ప్రతి సంక్రాంతికి టాలీవుడ్ లో ఈ రచ్చ ఉంటుంది.
రాంచరణ్ గేమ్ చేంజర్ కూడా డిసెంబర్ లోనే రిలీజ్ అవుతోంది. వినిపిస్తున్న సమాచారం మేరకు గేమ్ ఛేంజర్ రిలీజ్ కి, విశ్వంభరకి గ్యాప్ 20 రోజుల కూడా లేదట. విశ్వంభర చిత్రం జనవరి 10న రిలీజ్ అవుతున్నట్లు ప్రకటించారు. విశ్వంభర సిజి వర్క్ భారీ స్థాయిలో ఉందట.
దీనితో ఈ చిత్రం వాయిదా పడే అవకాశాలు ఉన్నాయని గాసిప్ వైరల్ గా మారింది. వెంటనే ఈ పుకార్లని డైరెక్టర్ వశిష్ఠ చెక్ పెట్టేశారు. 10 జనవరి 2025న విజృంభణం.. విశ్వంభర ఆగమనం అంటూ వశిష్ఠ ట్వీట్ చేసి క్లారిటీ ఇచ్చారు. దీనితో మెగా అభిమానులు ఊపిరి పీల్చుకున్నారు.