ప్రభాస్ ని అంటావా? , ‘మంగళవారం’డైరక్టర్ కి మండింది

ప్రపంచవ్యాప్తంగా రీసెంట్ టైమ్స్ లో తెలుగు నుంచి సూపర్ హిట్ అయిన  సినిమా ఏదీ అంటే కల్కి అని మొహమాటం లేకుండా చెప్పేయచ్చు. ప్రభాస్ హీరోగా నటించిన ఈ సినిమా, ఇండియాలో ఈ ఏడాది బిగ్గెస్ట్ హిట్ గా నిలవడమే కాకుండా, ఎన్నో విభాగాల్లో ఆల్ టైమ్ హిట్స్ లో ఒకటిగా నిలిచింది. అయితే అందరూ మెచ్చుకున్న  ఈ సినిమాపై వివాదాస్పద వ్యాఖ్యలు చేసి వార్తలకెక్కాడు బాలీవుడ్ నటుడు అర్షద్ వార్సి.

అర్షద్ వార్సి మాట్లాడుతూ ...నాగ్ అశ్విన్ దర్శకత్వంలో తెరకెక్కిన కల్కి సినిమా తనకు అస్సలు నచ్చలేదని ప్రకటించాడు అర్షద్. అక్కడితో ఆగకుండా “నాకు చాలా బాధగా ఉంది. అతడు సినిమాలో ఎందుకు జోకర్ లా కనిపించాడు. నేను మ్యాడ్ మ్యాక్స్ చూడాలనుకున్నాను. ఓ మెల్ గిబ్సన్ ను ఊహించుకున్నాను. అతడ్ని ఎందుకు అలా తయారుచేశారు. ప్రభాస్ ను ఎందుకలా చేశారో నాకు అర్థం కాలేదు.”.

ఓ పాడ్ కాస్ట్ లో అర్షద్ వార్సి చేసిన  ఈ వివాదాస్పద వ్యాఖ్యలు  క్లిప్ సోషల్ మీడియాలో వైరల్ అవుతోంది. ప్రభాస్ ఫ్యాన్స్ అంతా అర్షద్ పై ఆన్ లైన్ వార్ ప్రకటించారు.  తాజాగా దర్శకుడు అజయ్ భూపతి ఈ విషయమై ట్వీట్ చేసారు. ఆ ట్వీట్ లో ఏముందంటే... "#Prabhas ప్రభాస్ ఇండియన్ సినిమాని వరల్డ్ సినిమాకు తీసుకెళ్లటం కోసం ఏదైనా చేస్తాడు..ఎంతైనా ఇస్తాడు, అతను మన జాతికి గర్వ కారణం ."

అలాగే "నీ కళ్లలో ఆ సినిమాపై అసూయ కనపడుతోంది. ఎందుకంటే నువ్వు ఫేడ్ అవుట్ అయ్యిపోయావు. నిన్నుఎవరూ పట్టించుకోవటం లేదు.  ప్రతీ దానికి ఓ పద్దతి, లిమిట్ అనేది ఉంటుంది, కానీ నువ్వు అవన్నీ అతిక్రమిస్తూ మాట్లాడావు," అన్నట్లుగా ట్వీట్ చేసారు. ఈ ట్వీట్ ని ప్రబాస్ అభిమానులు వైరల్ చేస్తున్నారు. 

మరో ప్రక్క  నిర్మాత అభిషేక్ అగర్వాల్‌ (Abhishek Agarwal) కూడా స్పందించారు. ఒక సినిమాను సమీక్షించడం లేదా విమర్శించడం మంచిదేనని, కానీ మాట్లాడే మాటలు సరైనవిగా ఉండాలన్నారు. ‘‘మాస్‌ ప్రేక్షకులు మెచ్చిన చిత్రం.. బాక్సాఫీస్‌ వద్ద రూ.1100 కోట్లు వసూలు చేసింది.. ప్రేక్షకులతో ప్రేమగా ‘డార్లింగ్‌’ అని పిలిపించుకునే నటుడు చేసిన మూవీకి ‘జోకర్‌’ అనే ముద్రవేశారు. సినిమాను రివ్యూ చేయొచ్చు లేదా విమర్శించవచ్చు. కానీ, మిస్టర్‌ అర్షద్‌ వార్సీ మాట్లాడిన మాటలు నిర్మాణాత్మకమైన విమర్శలుగా లేవు. కొంచెం ఆలోచించి మాట్లాడి ఉంటే బాగుండేది. ప్రభాస్‌ గారిపై దాడి చేయడం కన్నా ఆయన తన కెరీర్‌పై దృష్టి పెడితే మంచిది. అంతేకాదు, భారతీయ సినిమా మరింత అభివృద్ధి చెందేలా ఏం చేయాలో చెబితే బాగుంటుంది’’
 

‘‘ప్రభాస్‌ ‘బాహుబలి’ సిరీస్‌తో దేశం గర్వపడేలా సినిమా తీసి, అంతర్జాతీయ వేదికపై మనల్ని నిలబెట్టారు. ప్రస్తుతం భారతీయ సినిమా పరిశ్రమ హాలీవుడ్‌కు దీటుగా పనిచేస్తోంది. ‘కల్కి 2898 ఏడీ’ అదే బాటలో పయనించింది. ఇలాంటి వెక్కిరింపుల మాని, ఆ చిత్ర బృందానికి మనం మద్దతుగా నిలవాలి. మాకు ‘సర్క్యూట్‌’ (మున్నాభాయ్‌ ఎంబీబీఎస్‌లో అర్షద్‌ వార్సీ పాత్ర) కావాలి. ‘షార్ట్‌ సర్క్యూట్‌ కాదు’’ అని ఎక్స్‌ వేదికగా అభిషేక్‌ అగర్వాల్‌ పోస్ట్‌ చేశారు.