దీపికా పదుకొనె కే హైయిస్ట్ రెమ్యనరేషన్, మిగతా హీరోయిన్లకి ఎంతిస్తున్నారో తెలుసా ?

హీరో మన వాడైనా హీరోయిన్ మాత్రం నార్త్ ఇండియాకు చెందినదై ఉండాలి. అది మన తెలుగు సినిమా అవలంభిస్తున్న రూల్. అక్కడ యావరేజ్ అనిపించుకున్నవాళ్ళు, ఫెయిల్యూర్ అయిన వాళ్లు కూడా తెలుగులో హీరోయిన్స్ వెలిగారు.వెలుగుతున్నారు. మధ్య మధ్యంలో రష్మిక,  సమంత, కీర్తి సురేష్, సాయి పల్లవి, త్రిష, నయనతార వంటి సౌత్ ఇండియన్స్ కనపడుతున్నా...బాలీవుడ్ హీరోయిన్స్ దే హవా.  ఈ క్రమంలో అసలు ఏ బాలీవుడ్ హీరోయిన్ ఎక్కువ రెమ్యునరేషన్ తీసుకుంటుందో చూద్దాం.

బాలీవుడ్ మీడియా నుంచి అందుతున్న సమాచారం మేరకు దీపికా పదుకోని బాలీవుడ్ లో హైయిస్ట్ పెయిడ్ హీరోయిన్. త్వరలో తల్లి కాబోతున్న ఆమె రీసెంట్ గా ప్రభాస్ కల్కిలో కనిపించింది. ఆమె సినిమాలో తనకు ఎన్ని సీన్స్ ఉంటాయి. ఎంత ప్రయారిటీ ఉంటుంది. బ్యానర్ ఏమిటనేదాన్ని బట్టి రెమ్యునరేషన్ తీసుకుంటుంది. ఆ క్రమంలో ఆమె సినిమాకు  20 కోట్ల దాకా వసూలు చేస్తోందని తెలుస్తోంది. 
 

దీపికా పదుకోని తర్వాత ఆ స్దాయిలో ఎక్కువ రెమ్యునరేషన్ తీసుకునేది అలియా భట్. ఆమె ఆర్.ఆర్.ఆర్ చిత్రంలో సీతగా చేసింది. ఆమెకు 12 నుంచి 15 కోట్లు దాకా పే చేస్తున్నారని తెలుస్తోంది. ఆమె తమ సినిమాలో ఉంటే ఖచ్చితంగా మంచి బిజినెస్ అవుతుందని నిర్మాతలు నమ్ముతున్నారు. ఆమె ఎంచుకునే సినిమాలు కూడా అలాగే ఉంటున్నాయి.
 

దీపిక,అలియా భట్ తర్వాత ఎక్కువ రెమ్యునరేషన్ తీసుకునే హీరోయిన్ కరీనా కపూర్. ఆమె బాలీవుడ్ హైయిస్ట్ పెయిడ్ హీరోయిన్స్ లో ధర్డ్ ప్లేస్ లో ఉంటుంది. ఆమె 8–11 కోట్లు దాకా వసూలు చేస్తుంది. ఆమె ఈ మధ్యన క్రూ సినిమాలో చేసింది. ఆ సినిమా వరల్డ్ వైడ్ గా 157 కోట్లు వసూలు చేసింది. సింగమ్ ఎగైన్ సినిమాలోనూ ఆమె కనిపించనుంది. 
 

ఆ తర్వాత లిస్ట్ లో బాలీవుడ్ హీరోయిన్స్ జాహ్నవి కపూర్, సారా అలీ ఖాన్, అనన్యా పాండే, భూమి పడ్నేకర్, దిశా పటాని, విద్యా బాలన్, జాక్విలిన్ ఫెర్నాండెజ్, రకుల్ ప్రీతి సింగ్ ఉన్నారు. వీరందా దాదాపు 5 కోట్లు దాకా వసూలు చేస్తారు. అయితే ఆ ప్రాజెక్టు బట్టి ఆ రేటు డిమాండ్ చేయటం అనేది ఆధారపడి ఉంటుంది. 
 

మన హీరోయిన్స్ విషయానికి వస్తే సమంత ఇక్కడ మంచి ఫామ్ లో ఉంది. అనారోగ్యం వల్ల ప్రస్తుతం సినిమాల నుంచి కాస్త విరామం తీసుకున్నప్పటికీ ఖుషి సినిమాతో సమంత పలకరించింది.  సిటాడెల్, చెన్నై స్టోరీస్ తో ఆడియన్స్ ముందుకు రాబోతోంది. ఒక్కో సినిమాకు సమంత రూ.4కోట్ల రెమ్యునరేషన్ తీసుకుంటుంది. 
 

తెలుగు, తమిళంలో స్టార్ హీరోయిన్ నయనతార హీరోల కన్నా ఎక్కువ రెమ్యునరేషన్ తీసుకుంటుంది.   ఆమె జవాన్ తో బ్లాక్ బస్టర్ హిట్ కొట్టింది. ఈ సినిమాలో నటించినందుకు నయన్ ఏకంగా రూ. 10 కోట్ల పారితోషికం తీసుకుంది. ఈ ముద్దుగుమ్మ చేసే తదుపరి చిత్రాలకు రెమ్యునరేషన్ ను భారీగా పెంచి అడుగుతోంది.
 

సుమారు 21 సంవత్సరాలుగా దక్షిణాదిలో ఓ వెలుగు వెలుగుతోంది త్రిష. నాలుగు పదుల వయసులోనూ బ్యాక్ టూ బ్యాక్ లతో ప్రేక్షకులను ఈ అమ్మడు అలరించడమేకాదు.. రెమ్యూనరేషన్ ను కూడా భారీగా పెంచేసింది. ఒక్కో సినిమాకు దాదాపు రూ.5 కోట్లు తీసుకుంటోంది. 
 

తమన్నా కూడా భారీగానే తీసుకుంటుంది. ప్రస్తుతం ఈ మిల్క్ బ్యూటీ రూ. 7 కోట్లు డిమాండ్ చేస్తోంది. కీర్తి సురేష్ కూడా భారీగానే తీసుకుంటుంది. ప్రస్తుతం ఆమె సినిమాకు రూ.3 కోట్లు తీసుకుంటోంది. 
 

సౌత్ హీరోయిన్ల రెమ్యునరేషన్ జాబితా పరిశీలిస్తే వీరందరిలో నయనతార టాప్ ప్లేస్ లో నిలుస్తోంది. స్టార్ హీరోకు సమానంగా ఆమె పారితోషికం ఉంటుంది. జవాన్ తర్వాత పారితోషికాన్ని మరింత పెంచింది. రూ.12 కోట్లు అడుగుతున్నట్లు తెలుస్తోంది.