- Home
- Entertainment
- Dacoit Box Office: డెకాయిట్ 15 రోజుల కలెక్షన్లు, ఇంతగా పడిపోయిందా?.. అడవి శేష్కి గట్టి దెబ్బే
Dacoit Box Office: డెకాయిట్ 15 రోజుల కలెక్షన్లు, ఇంతగా పడిపోయిందా?.. అడవి శేష్కి గట్టి దెబ్బే
Dacoit Box Office: అడవిశేష్, మృణాల్ ఠాకూర్ జంటగా నటించిన `డెకాయిట్` మూవీ 15 రోజులు పూర్తి చేసుకుంది. మరి ఈ చిత్రానికి ఇప్పటి వరకు ఎంత కలెక్షన్లు వచ్చాయి? సినిమా హిట్టా ఫట్టా అనేది చూస్తే.
డెకాయిట్ బాక్సాఫీసు రిపోర్ట్
అడవి శేష్, మృణాల్ ఠాకూర్ జంటగా `డెకాయిట్` చిత్రంలో నటించారు. శానిల్ డియో దర్శకత్వం వహించిన ఈ చిత్రం రెండు వారాల క్రితం విడుదలైంది. మిశ్రమ స్పందన రాబట్టుకొని బాక్సాఫీసు వద్ద మాత్రం మంచి వసూళ్లని రాబడుతూ వస్తోంది. రెండో వారంలోనూ సత్తా చాటింది. ఈ క్రమంలో ఈ చిత్రం 15రోజులు పూర్తి చేసుకుంది. మరి ఇప్పటి వరకు ఎంత వసూలు చేసింది. బ్రేక్ ఈవెన్ కావాలంటే ఇంకా ఎంత రావాలి? సినిమా హిట్టా? ఫట్టా అనేది చూస్తే.
డెకాయిట్ 15 రోజుల కలెక్షన్లు
`డెకాయిట్` మూవీ ఇప్పటి వరకు రూ.53కోట్లు రాబట్టినట్టు సమాచారం. ఓవరాల్గా రూ.26కోట్ల డిస్ట్రిబ్యూషన్ షేర్ని సాధించింది. ఇండియా వైడ్గా ఇది రూ.33కోట్ల నెట్ రాబట్టింది. ఓవర్సీస్లో సుమారు రూ.13కోట్లు వసూలు చేసినట్టు సమాచారం. ఈ చిత్రానికి 15వ రోజు 30లక్షల వరకు వసూళ్లు వచ్చినట్టు సమాచారం. మూడో వారంలోనూ ఈ స్థాయిలో కలెక్షన్లు రావడం విశేషమనే చెప్పొచ్చు. ఈ శనివారం, ఆదివారం కూడా మంచి వసూళ్లు రాబట్టే ఛాన్స్ ఉంది. ఓవరాల్గా ఇది లాంగ్ రన్లో రూ.55-58 కోట్ల వరకు వెళ్లే అవకాశం ఉంది.
డెకాయిట్కి నష్టాలు తప్పవా?
ఇక `డెకాయిట్` మూవీకి థియేట్రికల్ బిజినెస్ రూ.31 కోట్లు. బ్రేక్ ఈవెన్ కావాలంటే రూ.32కోట్లు రావాలి. అంటే సుమారు రూ.65కోట్ల వరకు గ్రాస్ వసూలు చేయాలి. కానీ అంత వరకు వెళ్తుందా అనేది సమస్య. ఈ రెండు రోజుల్లో మరో యాభై లక్షల షేర్కి ఛాన్స్ ఉంది. కానీ వచ్చే వారం ఇది థియేట్రికల్గా క్లోజ్ కాబోతుందని చెప్పొచ్చు. ఇదే జరిగితే ఈ మూవీ ద్వారా దాదా ఆరేడు కోట్లు నష్టపోయే అవకాశం ఉంది. ఇలానే అయితే `డెకాయిట్` ఫ్లాప్ జాబితాలో చేరిపోతుంది. మరి ఏం జరుగుతుందో చూడాలి. అయితే నిర్మాతలు మాత్రం ఈ సినిమా విషయంలో సేఫ్గానే ఉన్నారు. రిలీజ్కి ముందే టేబుల్ ప్రాఫిట్ని పొందారు. సినిమాని కొన్న బయ్యర్లే కొంత నష్టపోయే అవకాశం ఉంది. అయితే అడవి శేష్ మూవీ అంటే మినిమమ్ గ్యారంటీ, బయ్యర్లు సేఫ్లో ఉంటారని భావిస్తారు. కానీ మొదటిసారి ఆయన ఈ చిత్రంతో గట్టి దెబ్బతినబోతున్నట్టు తెలుస్తోంది.
డెకాయిట్ ఎలా ఉందంటే
డెకాయిట్ చిత్రంలో అడవిశేష్, మృణాల్తోపాటు అనురాగ్ కశ్యప్, ప్రకాష్ రాజ్, సునీల్ కీలక పాత్రలు పోషించారు. సుప్రియా యార్లగడ్డ నిర్మించారు. ఆమె సొంతంగా నిర్మాతగా మారి తీసిన చిత్రమిది. తాను ఎంతో ప్రేమించిన అమ్మాయి.. తన అన్నయ్య హత్యకేసులో రివర్స్ తిరిగి ప్రియుడినే జైలుకి పంపిస్తుంది. దీంతో ఆమెపై ప్రతీకారం తీర్చుకోవాలని జైలు నుంచి పారిపోయి వచ్చిన హీరో ఆమెలో ఏం చూశాడు? ఆమె కోసం ఎందుకు ప్రాణాలు వదిలేశాడనేది డెకాయిట్ కథ. ఈ మూవీ లవ్ స్టోరీ బాగానే ఉన్నా, యాక్షన్ సీన్లు ఆకట్టుకున్నా, ఎమోషనల్గా అంతగా ఆకట్టుకోలేకపోయింది.
