Peddi Controversy: రామ్ చరణ్ పెద్ది లో.. వివాదాస్పద సీన్లకు కత్తెర, కట్ చేసిన సన్నివేశాలివే?

పెద్ది సినిమాలో హీరోయిన్‌ను అసభ్యంగా చూపించారంటూ వచ్చిన విమర్శలతో చివరికి ఆ సీన్లను తొలగించారు. వివాదానికి బ్రేక్ వేసేందుకు సీన్స్ కట్ చేసినా, జరగాల్సిన నష్టం జరిగిపోయిందని జాన్వీ కపూర్ అభిమానులు మండిపడుతున్నారు. ఇంతకీ ఏ సీన్లు కట్ చేశారంటే?

Image Credit : Instagram

పెద్దిలో వివాదాస్పద సీన్లకు కత్తెర..

గత కొన్ని రోజులుగా పెద్ది వివాదం నడుస్తున్న సంగతి తెలిసిందే. ఈ సినిమాలో హీరోయిన్ జాన్వీ కపూర్‌ను మరీ ఎక్కువ రొమాంటిక్ గా చూపించారనే ఆరోపణలు ఇండస్ట్రీలో పెద్ద దుమారమే రేపాయి. ఈ విషయంపై దర్శకుడు బుచ్చిబాబు సానా క్షమాపణ కూడా చెప్పారు. ఇప్పుడు ఫైనల్‌గా, ‘పెద్ది’లో హీరోయిన్‌ను తప్పుగా చూపించారంటూ విమర్శలు ఎదుర్కొన్న ఆ సీన్లకు కత్తెర వేశారు.

Image Credit : T-Series Malayalam

జాన్వీ కన్నీళ్లు.. డైరెక్టర్ క్షమాపణ..?

పెద్ది సినిమా గురించి దాని కథ కన్నా ఎక్కువగా, అందులో హీరోయిన్ జాన్వీని చూపించిన తీరుపైనే పెద్ద చర్చ జరిగింది. దర్శకుడు బుచ్చిబాబు హీరోయిన్‌ను ఒక కామ దేవతలా, రొమాన్స్ కు మాత్రమే అన్నట్టుగా.. ఒక వస్తువులా చూపించారని ప్రేక్షకుల నుంచి తీవ్ర ఆగ్రహం వ్యక్తమైంది. 

ఈ గొడవ జరుగుతుండగానే, సినిమా షూటింగ్ టైంలోనే తనకు చాలా ఇబ్బందిగా అనిపించిందని, ఈ విషయం గురించి కన్నీళ్లు కూడా పెట్టుకున్నానని జాన్వీ తన సన్నిహితులతో పంచుకున్న చాట్స్ కూడా వైరల్ అయ్యాయి.ఇంత రచ్చ అయ్యాక, దర్శకుడు బుచ్చిబాబు సోషల్ మీడియా ద్వారా జాన్వీకి, సినీ ప్రియులకు క్షమాపణలు చెప్పారు. అంతేకాదు, ఇప్పుడు సినిమాలోని వివాదాస్పద సన్నివేశాలను కూడా తొలగించారు.

Image Credit : X

పెద్ది నుంచి ఆ రెండు హాట్ సీన్లు కట్..

పెద్ది సినిమా రిలీజ్ అయ్యాక ముఖ్యంగా రెండు సీన్లు తీవ్ర చర్చకు దారితీశాయి. అచ్చియమ్మ (జాన్వీ పాత్ర), పెద్ది మధ్య రొమాంటిక్ సీన్లు ప్రేక్షకులకు ఇబ్బంది కలిగించేలా ఉన్నాయనే టాక్ వచ్చింది. హీరోయిన్‌కు ఇష్టం లేకపోయినా హీరో బలవంతంగా ప్రేమను వ్యక్తపరిచే సీన్లు, అన్నింటికన్నా ముఖ్యంగా కరెంటు పోయినప్పుడు హీరోయిన్‌కు బలవంతంగా ముద్దు పెట్టే సీన్‌పై మహిళా ప్రేక్షకులు, సినీ అభిమానులు తీవ్ర అసంతృప్తి వ్యక్తం చేశారు. హీరోయిన్ వ్యక్తిత్వానికి, ఆమె భావనలకు విలువ ఇవ్వకుండా, కేవలం ఒక గ్లామర్ బొమ్మలా చూపించారని నెటిజన్లు ఫైర్ అయ్యారు.

Image Credit : Mythri Movie Makers

మండిపడుతున్న జాన్వీ కపూర్ అభిమానులు..

కమర్షియల్ సినిమాల పేరుతో ఇలాంటి బలవంతపు సీన్లను గొప్పగా చూపించడం ఎంతవరకు కరెక్ట్ అనే ప్రశ్న గట్టిగా వినిపించింది.ఇంత వివాదం తర్వాత, మొత్తానికి ఆ సీన్లకు కత్తెర పడింది. ప్రస్తుతానికి సీన్స్ కట్ చేసి వివాదానికి ఫుల్‌స్టాప్ పెట్టారు. కానీ, ‘పరువు పోయాక ఏం చేసినా లాభం లేదు’ అన్నట్టు, ఇప్పుడు ఆ సీన్లు తీసేస్తే ఏం ప్రయోజనం అని జాన్వీ కపూర్ అభిమానులు మండిపడుతున్నారు.