ముఖ్యమైన రోజు కూడా పక్కన లేదు.. ఆమెను తలుచుకొని ఎమోషనల్ అయిన శ్రీజ భర్త కళ్యాణ్ దేవ్ 

శ్రీజ-కళ్యాణ్ దేవ్ విడిపోయారనే ప్రచారం చాలా కాలంగా జరుగుతుంది. దీనిపై అధికార సమాచారం మాత్రం లేదు. వారి సోషల్ మీడియా పోస్ట్స్ అందుకు సాక్ష్యంగా నిలుస్తున్నాయి.

Kalyan Dev-Sreeja

2016లో చిరంజీవి చిన్న కుమార్తె శ్రీజ కళ్యాణ్ దేవ్ ని వివాహం చేసుకున్నారు. శ్రీజకు ఇది రెండో వివాహం. ఓ ఐదేళ్లు వీరి ప్రయాణం సాఫీగానే సాగింది. వివాహమైనప్పటికీ శ్రీజ తండ్రి వద్దే ఉండేవారు. దీంతో భర్త కళ్యాణ్ దేవ్ సైతం అక్కడే ఉండేవారని సమాచారం. 

Sreeja Kalyan dev

చిరంజీవి అల్లుడి హోదాలో కళ్యాణ్ దేవ్ హీరోగా మారాడు. ఆయన మొదటి చిత్రం విజేత ఓ మోస్తరు విజయాన్ని నమోదు చేసింది. 2021లో శ్రీజతో కళ్యాణ్ దేవ్ కి విభేదాలు తలెత్తాయి. శ్రీజ తన సోషల్ మీడియా అకౌంట్స్ నుండి కళ్యాణ్ దేవ్ పేరు తొలగించారు. కళ్యాణ్ దేవ్ చిరంజీవి ఇంటి నుండి తల్లిదండ్రుల వద్దకు వెళ్ళిపోయాడు.

శ్రీజతో విడిపోయాక కళ్యాణ్ దేవ్ కెరీర్ ని మెగా ఫ్యామిలీ పట్టించుకోలేదు. సూపర్ మచ్చి, కిన్నెరసాని చిత్రాలకు ఎలాంటి ప్రమోషన్స్ కల్పించలేదు. దాంతో ఆ రెండు చిత్రాలు నిరాదరణకు గురయ్యాయి. తాము విడిపోయినట్లు శ్రీజ, కళ్యాణ్ దేవ్ ఎలాంటి అధికారిక ప్రకటన చేయలేదు. సోషల్ మీడియా పోస్ట్స్ ద్వారా ఒక స్పష్టత అయితే ఇచ్చారు.

శ్రీజ-కళ్యాణ్ దేవ్ లకు ఒక పాప ఉంది. 2018లో పుట్టిన ఆ పాప పేరు నవిష్క. శ్రీజ వద్దే నవిష్క పెరుగుతుంది. కోర్ట్ ఆదేశాల మేరకు శ్రీజ గార్డియన్షిప్ శ్రీజకు దక్కినట్లు సమాచారం. ఈ క్రమంలో నవిష్కను కళ్యాణ్ దేవ్ బాగా మిస్ అవుతున్నాడట. ఆ విషయం తన సోషల్ మీడియా పోస్ట్స్ ద్వారా తెలియజేస్తున్నాడు. 

ఫిబ్రవరి 11న కళ్యాణ్ దేవ్ బర్త్ డే. ఈ సందర్భంగా కూతురు నవిష్కతో తన జ్ఞాపకాలను కళ్యాణ్ దేవ్ గుర్తు చేసుకుంటూ ఒక ఎమోషనల్ వీడియో పోస్ట్ చేశాడు. నవిష్కను చాలా మిస్ అవుతున్నట్లు మనసులు కదిలించే సందేశం రాశారు. కళ్యాణ్ దేవ్ ఇంస్టాగ్రామ్ పోస్ట్ కలచివేసేదిగా ఉంది. శ్రీజతో విడిపోయాక ఒకటి రెండు సందర్భాల్లో నవిష్క కళ్యాణ్ దేవ్ తో కనిపించారు.

అయితే కూతురిని కళ్యాణ్ దేవ్ కలిసి చాలా కాలం అవుతున్నట్లు సమాచారం. అందుకే తన బర్త్ డే రోజు పాపను గుర్తు చేసుకొని ఎమోషనల్ అయ్యాడు. కాగా శ్రీజ మరో వివాహం చేసుకుంటారని ఆ మధ్య పుకార్లు లేచాయి. అలాగే కళ్యాణ్ దేవ్ కూడా చుట్టాలమ్మాయిని వివాహం చేసుకోబోతున్నట్లు కథనాలు వెలువడ్డాయి.