చిరంజీవి, బి గోపాల్, మణిశర్మలలో ఇంద్ర మూవీ సక్సెస్ క్రెడిట్ ఎవరిది ?.. మెగాస్టార్ మైండ్ బ్లోయింగ్ ఆన్సర్

మెగాస్టార్ చిరంజీవి కెరీర్ లో బిగ్గెస్ట్ హిట్ చిత్రాల్లో ఇంద్ర ఒకటి. అందులో ఎలాంటి సందేహం లేదు. రాయలసీమ ఫ్యాక్షన్ నేపథ్యంలో తెరకెక్కిన ఈ చిత్రం ఇండస్ట్రీ రికార్డులని తిరగరాసింది. 

మెగాస్టార్ చిరంజీవి కెరీర్ లో బిగ్గెస్ట్ హిట్ చిత్రాల్లో ఇంద్ర ఒకటి. అందులో ఎలాంటి సందేహం లేదు. రాయలసీమ ఫ్యాక్షన్ నేపథ్యంలో తెరకెక్కిన ఈ చిత్రం ఇండస్ట్రీ రికార్డులని తిరగరాసింది. ఇంద్ర చిత్రంలో చిరంజీవికి జోడిగా ఆర్తి అగర్వాల్, సోనాలి బింద్రే హీరోయిన్లుగా నటించారు. 

చిరంజీవి చేసిన డ్యాన్సులు, ఫైట్స్, ఇంటర్వెల్ లో ట్విస్ట్ ఇలా ప్రతి ఒక్కటీ హైలైట్ గా నిలిచింది. ఇక మణిశర్మ సంగీతం అయితే నెక్స్ట్ లెవల్ లో ఉంటుంది. మణిశర్మ కెరీర్ లో బెస్ట్ సాంగ్స్, బెస్ట్ బిజియం ఇచ్చారు. అశ్విని దత్ నిర్మాణంలో ఈ చిత్రం తెరకెక్కింది. జగదేక వీరుడు అతిలోక సుందరి, చూడాలని ఉంది లాంటి హిట్ చిత్రాల తర్వాత చిరంజీవి, అశ్విని దత్ కాంబోలో వచ్చిన ఇంద్ర చరిత్రలో నిలిచిపోయే విజయం దక్కించుకుంది. 

ఇంద్ర రిలీజ్ అయి అఖండ విజయాన్ని అందుకున్న తర్వాత చిరంజీవి చిత్ర యూనిట్ కి పార్టీ ఇచ్చారట. రచయిత దర్శకుడు బివిఎస్ రవి ఓ ఇంటర్వ్యూలో ఆ పార్టీలో జరిగిన సంఘటన గురించి ఆసక్తికర వ్యాఖ్యలు చేశారు. సరదాగా పార్టీ జరుగుతోంది. చిత్ర యూనిట్ మొత్తం ఎంజాయ్ చేస్తున్నారు. ఇంద్ర విజయంలో క్రెడిట్ ఎవరికి దక్కుతుంది అనే చర్చ జరిగిందట. ఎక్కువ క్రెడిట్ చిరంజీవి గారిది అని చాలా మంది చెప్పారు. మణిశర్మకి కూడా క్రెడిట్ దక్కుతుందని కొందరు.. కొందరు డైరెక్టర్ బి గోపాల్ కి దక్కుతుంది అని ఇలా చర్చ జరుగుతూ ఉంది. 

కానీ చిరంజీవి గారు ఒకే ఒక్కరికి ఇంద్ర మూవీ క్రెడిట్ మొత్తం ఇచ్చేశారట. ఆయన ఎవరో కాదు రచయిత చిన్ని కృష్ణ. ఇంద్ర ఇంత విజయం సాధించింది అంటే అందుకు ప్రధాన కారణం చిన్ని కృష్ణ అందించిన కథే అని చిరంజీవి అన్నారట. దీనితో అంతా షాక్ అయి ఒక్కసారిగా చప్పట్లు కొట్టినట్లు బివిఎస్ రవి తెలిపారు. చిన్ని కృష్ణ కథ ఇవ్వకపోతే అసలు ఇంద్ర చిత్రమే లేదు అనేది చిరంజీవి అభిప్రాయం. 

చిరంజీవి.. చిన్ని కృష్ణకి అంతటి ప్రాధాన్యత ఇచ్చారు. అయినప్పటికీ చిన్ని కృష్ణ తర్వాతి రోజుల్లో రాజకీయ కారణాలతో చిరంజీవిని దూషించిన సంగతి తెలిసిందే. చిరంజీవి తనకి ఏనాడూ పిలిచి విస్తరి వేయలేదు అంటూ చిన్ని కృష్ణ తీవ్రమైన వ్యాఖ్యలు చేశారు. ఆ తర్వాత మళ్ళీ తన తప్పు తెలుసుకుని క్షమాపణ చెప్పారు. ఇంద్ర రీ రిలీజ్ అయినప్పుడు చిరంజీవి మరోసారి చిత్ర యూనిట్ ని చిన్నికృష్ణతో సహా ఇంటికి పిలిచి సన్మానించిన సంగతి తెలిసిందే.