`ఛావా` సినిమా చేయాల్సిన తెలుగు స్టార్‌ హీరో ఎవరో తెలుసా? పాపం మూడో బ్లాక్‌ బస్టర్‌ మిస్‌ !

Chhaava Movie Telugu Hero:విక్కీ కౌశల్‌, రష్మిక మందన్నా జంటగా నటించిన `ఛావా` మూవీ బాక్సాఫీసుని షేక్‌ చేస్తుంది. భారీ కలెక్షన్ల దిశగా వెళ్తుంది. అయితే ఈ సినిమా చేసే అవకాశాన్ని ఓ తెలుగు స్టార్‌ హీరో మిస్‌ చేసుకున్నారట. 

Chhaava Movie Telugu Hero: హిందీలో రూపొందిన `ఛావా` మూవీ బాక్సాఫీసు వద్ద దుమ్ములేపుతుంది. మరాఠా వీరుడు, ఛత్రపతి శివాజీ కొడుకు శంబాజీ మహారాజ్‌ జీవితం ఆధారంగా చేసుకుని రూపొందించిన ఈ చిత్రం విజయవంతంగా రన్‌ అవుతుంది. ఇందులో విక్కీ కౌశల్‌, రష్మిక మందన్నా జంటగా నటించగా, లక్ష్మణ్‌ ఉటేకర్‌ దర్శకత్వం వహించారు.

ఈ సినిమా మొదటి వారంలో రెండు వందల కోట్లు దాటింది. భారీ కలెక్షన్ల దిశగా వెళ్తుంది. సౌత్‌లోనూ ఈ మూవీకి డిమాండ్‌ పెరుగుతుంది. త్వరలోనే డబ్‌ చేసి తెలుగు, తమిళంలో విడుదల చేసే అవకాశాలున్నాయి. 

`ఛావా` సినిమాలో శాంబాజీ మహారాజ్‌గా విక్కీ కౌశల్‌ ఇరగదీశాడు. అద్భుతమైన నటనతో మెస్మరైజ్‌ చేశాడు. ఆడియెన్స్ ని సర్‌ప్రైజ్‌ చేశారు. ఆయన కెరీర్‌కి మరో బిగ్గెస్ట్ హిట్‌ పడిందని చెప్పొచ్చు.

అంతేకాదు బాలీవుడ్‌ సినిమాలు ఇటీవల వంద కోట్ల వద్ద కొట్టుమిట్టాడుతుండగా, ఇప్పుడు `ఛావా` రెండు వందల కోట్లు దాటింది. మూడు వందల కోట్ల దిశగా వెళ్తుంది. బాలీవుడ్‌కి ఊపిరిపోతుంది. ఇంతటి విజయానికి దర్శకుడి టేకింగ్‌ ఓ కారణమైతే, విక్కీ కౌశల్‌ నటన మరో కారణమని చెప్పొచ్చు. 

అయితే ఈ సినిమాలో హీరోగా నటించాల్సిన మొదటి ఆప్షన్‌ విక్కీ కౌశల్‌ కాదు. ఓ తెలుగు స్టార్‌ హీరోని అనుకున్నారట. ఆ స్టార్‌ ఎవరో కాదు మహేష్‌ బాబు. దర్శకుడు లక్ష్మణ్‌ ఉటేకర్‌ మహేష్‌ని కలిసి స్క్రిప్ట్ నెరేట్‌ చేశాడట. కానీ ఆయన రిజెక్ట్ చేసినట్టు సమాచారం.

అంతేకాదు కొంత కాలం పాటు మహేష్‌ కోసం వెయిట్‌ కూడా చేశాడట. అయినా ఆయన మనసు మారలేదు, తాను చేయలేనని చెప్పాడట. దీంతో చేసేదేం లేక విక్కీ కౌశల్‌కి కథ చెప్పగా, ఆయన వెంటనే ఓకే చేసినట్టు సమాచారం. 

మరి మహేష్‌ బాబు వద్దకు ఈ స్క్రిప్ట్ ఎందుకు వెళ్లిందనేది చూస్తే, అందుకు కారణం సూపర్‌ స్టార్‌ కృష్ణ. ఆయన శివాజీ పాత్రలో నటించడమే కారణం. `చంద్రహాస్‌` అనే సినిమాలో కృష్ణ ఛత్రపతి శివాజీ పాత్రలో కాసేపు మెరిశాడు.

దీంతో ఆయన కొడుకు మహేష్‌ బాబు ఛత్రపతి శివాజీ కొడుకు శంబాజీగా   బాగా సూట్‌ అవుతుందని భావించి మహేష్‌కి ఈ కథ చెప్పారట దర్శకుడు.కానీ తాను ఇది చేయలేనని సూపర్‌ స్టార్‌ రిజెక్ట్ చేశారట. అలా మరో పెద్ద బ్లాక్‌ బస్టర్‌ని ఆయన మిస్‌ చేసుకున్నారు మహేష్‌. బిగ్గెస్ట్ పాన్‌ ఇండియా చిత్రాలను ఆయన వరుసగా వదులుకుంటున్నారు.

అంతకు ముందు `పుష్ప`, `యానిమల్` చిత్రాలను కూడా మహేష్‌ చేయాల్సిందనే వార్తలు వచ్చిన విషయం తెలిసిందే. ఇప్పుడు `ఛావా` విషయంలోనూ అదే జరిగింది. మంచి సినిమాలను మహేష్‌ బాబు వదులుకున్నారని ఫ్యాన్స్ విచారం వ్యక్తం చేస్తున్నారు. 

కానీ మహేష్‌ బాబు పాన్‌ ఇండియా సినిమాలు కాదు, ఏకంగా గ్లోబల్‌ ఫిల్మ్ ని టార్గెట్‌ చేశారు. అంతర్జాతీయ స్థాయిలో ఇప్పుడు సినిమా చేస్తున్నారు. రాజమౌళి దర్శకత్వంలో ఆయన మూవీ చేస్తున్న విషయం తెలిసిందే. ఇటీవలే ఈ మూవీ షూటింగ్‌ ప్రారంభమైంది.

దీన్ని ఇంటర్నేషనల్‌ స్టాండర్డ్స్ లో, అంతర్జాతీయ మార్కెట్‌ని దృష్టిలో పెట్టుకుని రూపొందిస్తున్నారు రాజమౌళి. దీంతో మహేష్‌ డైరెక్ట్ గ్లోబల్‌ స్టార్‌ కాబోతున్నారని చెప్పొచ్చు.