నయని పావని ఔట్.. విష్ణు ప్రియను మళ్ళీ కాపాడిన ఫ్యాన్స్.. ఎలిమినేషన్ లో బిగ్ ట్విస్ట్..

బిగ్ బాస్ హౌస్ లో ఎప్పటికప్పుడు ట్విస్ట్ ల మీద ట్విస్ట్ లు ఇస్తూనే ఉన్నారు. ఎలిమినేషన్ విషయంలో ఊహించని పరిణామాలు చోటు చేసుకుంటున్న క్రమంలో.. ఈసారి కూడా అనూహ్యంగా ఒకరు అనుకుంటే మరొకరు బిగ్ బాస్ హౌస్ ను విడిచి వెళ్ళారు. 

Bigg boss telugu 8

బిగ్‌బాస్ తెలుగు సీజ‌న్ 8 రోజు రోజుకు  రసవత్తరంగా మారుతోంది.ఇప్పటికే 50 రోజులకు పైగా నడుస్తున్న బిగ్ బాస్ ఎప్పటికప్పుడు కొత్తగానే కనిపిస్తోంది. అంతే కాదు వైల్డ్ కార్డ్స్ ఎంట్రీతో సీన్ మొత్తం మారిపోయింది. గేమ్ అంతా తారుమారు అయ్యింది. ఇక ఇప్పటికే బిగ్ బాస్ హౌస్ ను 8 మంది వీడి బయటకు వెళ్ళిపోయారు. ఇక తాజా ఎలిమినేష్ కు సంబంధించి పెద్ద ట్వీస్ట్ బయటపడింది. 

 వీకెండ్ వచ్చింది కాబట్టి ఈ వారం ఎవరు ఎలిమినేట్ అవుతారన్నది ఆసక్తి గా మారింది. ఈ వారంలో మొత్తం ఆరుగురు నిఖిల్, పృథ్వీ, ప్రేరణ, విష్ణుప్రియ, మెహబూబ్, నయని పావని లు నామినేష‌న్స్ లో ఉన్నారు. వీరికి శుక్రవారం అర్ధరాత్రి వరకు కూడా ఓటింగ్ జరిగింది.

ఎనిమిదో వారం ఓటింగ్‌లో నిఖిల్ టాప్ ప్లేస్‌లో ఉన్న‌ట్లు తెలుస్తోంది. అలాగే ప్రేర‌ణ రెండో స్థానంలో కొన‌సాగుతోంది. ఇక టాప్ కంటెస్టెంట్, కొత్త మెగా చీఫ్ విష్ణు ప్రియ మూడో స్థానంలో కంటిన్యూ అవుతోంది. అలాగే పృథ్వీ నాలుగో ప్లేస్ లో ఉన్నట్లు సమాచారం.

అయితే చివరి రెండు స్టానాల్లో మెహబూబ్ , నయనీపావని ఉన్నట్టు తెలుస్తోంది. ఇక మెహబూబ్ కంటే నయనికి తక్కువ ఓట్లు పడటంతో.. ఆమె బిగ్ బాస హౌస్ ను వీడిబయటకు వెళ్ళిపోయినట్టు తెలుస్తోంది. అందరూ ఈవీక్ విష్ణు ప్రియ బయటు వెళ్ళిపోతుందేమో అనుకున్నారంతా. పృధ్వీతో ఇంకా అంటకాగాలని చూస్తున్న విష్ణు ప్రియ ఈసారి డేంజర్ జోన్ లో ఉంటుంది అనుకున్నారు. కాని విష్ణు ప్రియ ఓటింగ్ లో మూడో ప్లేస్ లో ఉన్నట్టు తెలుస్తోంది. సో ఇప్పుడైనా విష్ణు ప్రియ గేమ్ పై దృష్టిపెడుతుందేమో చూడాలి. 

ఇక నయనీపావని ఎలిమినేషన్ విషయానికి వస్తే..  నయని గత సీజన్‌లో కూడా వైల్డ్ కార్డ్ ఎంట్రీలో వచ్చి కేవలం ఒక్క వారంలోనే హౌస్ నుంచి ఎలిమినేట్ అయి వెళ్ళిపోయింది. ఇక ఈ సీజన్‌లో కూడా నయని పావని తాను నామినేషన్స్‌లోకి వచ్చినా ఫస్ట్ వీక్ లోనే బయటకువెళ్లిపోతుంది.

అయితే ఈ సారి ఒక వారం నామినేషన్స్ షీల్డ్ వల్ల సేవ్ అయితే మరో వారం నయని నామినేషన్స్‌లోకి రాలేదు. కానీ ఈ వారం ఇలా వచ్చిందో లేదో అలా బయటికి వెళ్లిపోతోంది. ఈలెక్కన చూసుకుంటే.. ముందు వారంలోనే ఆమె నామినేషన్ లో ఉండి ఉంటే బయటకు వెళ్లిపోయేదేమో. 

ఈసారి చాలా స్ట్రాంగ్ ఆడతానని.. ఎలాగైనా చివరి వరకూ ఉంటానంటూ హౌస్‌లోకి వెళ్లేముందు నయని చెప్పింది. పైగా వచ్చేటప్పుడు సీతను క్రై బేబీ అని లోపలికి వెళ్లాకా నయని అంతకంటే ఎక్కువే ఏడ్చింది. ఇక టాస్కుల్లో కూడా పెద్దగా నయనికి ఆడే స్కోప్ రాలేదు. ఇక ఈ వారం ఒక్క టాస్కులో కూడా నయనికి ఛాన్స్ రాలేదు. దీంతో పెద్దగా ఫుటేజి కూడా లేదు. ఇంకేముంది నామినేషన్స్‌లో స్ట్రాంగ్ కంటెస్టెంట్లు కూడా ఉండటంతో నయని పావని ఈ వారం ఎలిమినేషన్ కాక తప్పలేదు.

ఇక సెప్టెంబర్ 1న అట్టహాసంగా ప్రారంభమైన ఈ సెలబ్రిటీ గేమ్ షో ఇప్పుడు ఎనిమిదో వారం ఎండింగ్ కు వచ్చేసింది. ఇక మొత్తం 14 మంది కంటెస్టెంట్స్ అడుగు పెట్టగా గత ఏడు వారాల్లో ఏకంగా ఎనిమిది మంది ఎలిమినేట్ అయ్యారు. బేబక్క, శేఖర్ భాషా, అభయ్, సోనియా, ఆదిత్య, నైనికా, సీత, మణికంఠ బిగ్ బాస్ హౌస్ నుంచి బయటకు వెళ్లిపోయారు. ఇక ఆరోవారంలో మరో ఎనిమది మంది కంటెస్టెంట్స్ వైల్డ్ కార్డ్ ఎంట్రీతో హౌస్ లోకి అడుగు పెట్టారు. మొత్తానికి పాత, కొత్త కంటెస్టెంట్లతో గతంలో కంటే మరింత ఎంటర్ టైనింగ్ గా మారింది బిగ్ బాస్ హౌస్.