నటి ఒంటిపై దుస్తులు చించివేసిన నిర్మాత.. బలవంతంగా ఆ పని చేయమని, వేడుకున్నా వదల్లేదు

చిత్ర పరిశ్రమలో కాస్టింగ్ కౌచ్ వ్యవహారాలు తరచుగా వెలుగులోకి వస్తూనే ఉన్నాయి. నటీమణుల బలహీనతలు, అవసరాన్ని ఆసరాగా చేసుకుని లైంగిక వేధింపులకు పాల్పడుతున్నారు.

చిత్ర పరిశ్రమలో కాస్టింగ్ కౌచ్ వ్యవహారాలు తరచుగా వెలుగులోకి వస్తూనే ఉన్నాయి. నటీమణుల బలహీనతలు, అవసరాన్ని ఆసరాగా చేసుకుని లైంగిక వేధింపులకు పాల్పడుతున్నారు. గతంలో తమకు ఎదురైన చేదు అనుభవాలని బయట పెట్టేందుకు నటీమణులు భయపడేవాళ్లు. కానీ మీటూ ఉద్యమం, కాస్టింగ్ కౌచ్ పై పోరాటం తర్వాత ధైర్యంగా ముందుకు వచ్చి తమకు జరిగిన అన్యాయాల్ని వివరిస్తున్నారు. 

తాజాగా బుల్లితెర నటి Urfi Javed సంచలన వ్యాఖ్యలు చేసింది. ఉర్ఫి జావేద్ ఇటీవల Bigg Boss OTTలో కంటెస్టెంట్ గా పాల్గొంది. ఉర్ఫి జావేద్ 'మేరీ దుర్గా' సీరియల్ తో మంచి గుర్తింపు పొందింది. బిగ్ బాస్ ఓటిటి నుంచి ఎలిమినేట్ అయిన జావేద్ తన కెరీర్ గురించి అనేక విషయాలు వెల్లడించింది. ఓ నిర్మాత నుంచి తాను దారుణమైన వేధింపులకు గురైనట్లు జావేద్ పేర్కొంది. మాది సంప్రదాయబద్ధమైన ఫ్యామిలీ. ఉన్నంతలో బాగానే పెంచి చదివించారు. 

కానీ మా ఇంట్లో అన్ని విషయాల్లో ఆంక్షలు విధించేవారు. నాకేమో నటి కావాలనే కోరిక ఉండేది. ఇంట్లోనే ఉంటే నా లక్ష్యం నెరవేరదు అనిపించింది. దీనితో కొన్నేళ్ల క్రితమే ఇంట్లో నుంచి బయటకు వచ్చేశాను. చిన్న చిన్న ఉద్యోగాలు చేశాను. కొన్నిసార్లు ఖాళీ కడుపుతో పడుకునేదాన్ని. అవకాశాల కోసం ఎంతగానో ప్రయత్నించా. చాలా ఆఫర్లు వచ్చినట్లే వచ్చి మిస్ అయ్యాయి. అలా అవకాశాల మోసం వెతుకుతున్న టైంలో ఓ వెబ్ సిరీస్ లో ఛాన్స్ వచ్చింది. అగ్రిమెంట్ పై సైన్ కూడా చేశా. 

కానీ తొలి రోజు సెట్స్ లోకి వెళ్ళగానే ఊహించని షాక్ ఎదురైంది. సెట్స్ లోనే ఓ మహిళా నిర్మాత ఉంది. నేను వెళ్ళగానే అసభ్యకరంగా ప్రవర్తించింది. నాతో అసభ్యకరమైన సన్నివేశాలు చిత్రీకరించాలని ప్రయత్నించింది. ఒంటిపై బట్టలు విప్పేయమని అడిగింది. నేను భయంతో ఎందుకు ? ఏమిటి ? అని ప్రశ్నించాను. నేను అలాంటి పనులు చేయను అని ముఖంపైనే చెప్పేశాను. 

నీ అగ్రిమెంట్ పేపర్స్ ఉన్నాయి. చెప్పినట్లు చేయకపోతే జైలుకి పంపుతా అంటూ బెదిరించింది.ప్రాధేయపడినా వినకుండా నా ఒంటిపై బట్టలు చించివేసింది. నాకు ఆత్మహత్య చేసుకోవాలనిపించింది. మరోసారి రోజు నుంచి సెట్స్ వైపు కన్నెత్తి కూడా చూడలేదు. ఫోన్ స్విచ్ ఆఫ్ చేశాను అని జావేద్ తనకు ఎదురైన చేదు అనుభవాన్ని వివరించింది. 

సోషల్ మీడియాలో యాక్టివ్ గా ఉండే ఉర్ఫి జావేద్ ని 1.6 మిలియన్ల మంది ఇన్స్టాగ్రామ్ లో ఫాలో అవుతున్నారు. జావేద్ తరచుగా హాట్ ఫోజులతో ఫొటో షూట్స్ పోస్ట్ చేస్తూ ఉంటుంది.