Bandla Ganesh: రెమ్యునరేషన్ తో చుక్కలు చూపించిన బండ్ల గణేష్.. డైరెక్టర్ నోట మాట లేదు ?

నిర్మాత బండ్ల గణేష్ గురించి పరిచయం అవసరం లేదు. మైక్ పట్టుకున్నాడంటే ఇక ఎవరినీ పట్టించుకోరు. ఆ ప్రసంగం ప్రవాహంలా సాగుతూనే ఉంటుంది.

నిర్మాత బండ్ల గణేష్ గురించి పరిచయం అవసరం లేదు. మైక్ పట్టుకున్నాడంటే ఇక ఎవరినీ పట్టించుకోరు. ఆ ప్రసంగం ప్రవాహంలా సాగుతూనే ఉంటుంది. ఇటీవల చోర్ బజార్ ప్రీ రిలీజ్ ఈవెంట్ లో బండ్ల గణేష్ పూరి జగన్నాధ్ గురించి వివాదాస్పద వ్యాఖ్యలు చేసి చిక్కుల్లో పడ్డారు. నిర్మాతగా బండ్ల గణేష్ గబ్బర్ సింగ్, టెంపర్, బాద్షా లాంటి విజయవంతమైన చిత్రాలు నిర్మించారు. 

తాజాగా బండ్ల గణేష్ గురించి ఓ రూమర్ వైరల్ గా మారింది. ఈ రూమర్ కాస్త విచిత్రంగానే ఉంది. మాస్ మహారాజ్ రవితేజ నటిస్తున్న తాజా చిత్రం రామారావు ఆన్ డ్యూటీ. శరత్ మండవ ఈ చిత్రానికి దర్శకుడు. ఈ మూవీతో కామెడీ హీరో వేణు తొట్టెంపూడి రీ ఎంట్రీ ఇస్తున్నాడు. వేణు ఈ చిత్రంలో పోలీస్ అధికారి పాత్రలో నటిస్తున్నాడు. 

వేణు పాత్రకి డబ్బింగ్ చెప్పడానికి బండ్ల గణేష్ ని దర్శకుడు శరత్ సంప్రదించారట. అయినా వేణుకి బండ్ల గణేష్ డబ్బింగ్ చెప్పడం ఏంటి.. వాయిస్ సింక్ అవుతుందా అనే అనుమానం కలగొచ్చు. బహుశా దర్శకుడు విభిన్నంగా ఉంటుందని భావించారేమో. పైగా బండ్ల వైస్ లౌడ్ గా ఉంటుంది. 

డబ్బింగ్ కి ఎన్ని రోజులు రావాలి అని బండ్ల అడిగారట. దీనికి దర్శకుడు ఒకరోజైతే సరిపోతుందని చెప్పారట. అయితే నిర్మాతలని పిలిచి రేటు ఫిక్స్ చేయాలని బండ్ల గణేష్ తెలిపారట. దీనితో నిర్మాతలని బండ్ల గణేష్ తో దర్శకుడు మాట్లాడించారు. 1 రోజు డబ్బింగ్ కి గాను రూ 5 లక్షలు ఫిక్స్ చేయాలని బండ్ల మొహమాటం లేకుండా అడిగేశారట. బండ్ల చెప్పిన రేటు విని దర్శకుడికి, నిర్మాతలకు నోటి వెంట మాట రాలేదు అని టాక్. దీనితో నిర్మాతలు డీల్ క్యాన్సిల్ చేసుకున్నారు. 

అలా బండ్ల గణేష్ రామారావు ఆన్ డ్యూటీ టీంకి స్ట్రోక్ ఇచ్చాడు. నిర్మాతగా బండ్ల గణేష్ కి గ్యాప్ వచ్చింది. చాలాకాలం తర్వాత సరిలేరు నీకెవ్వరు చిత్రంలో బండ్ల గణేష్ కామెడీ రోల్ చేశారు. రీసెంట్ గా డేగల బాబ్జి అని చిత్రంలో నటించాడు. 

Bandla Ganesh

సోషల్ మీడియాలో యాక్టివ్ గా ఉండే బండ్ల గణేష్ తరచుగా వివాదాస్పద కామెంట్స్ చేస్తూ ఉంటారు. ముక్కుసూటిగా మాట్లాడే తత్త్వంతో బండ్ల గణేష్ చిక్కుల్లో పడుతున్నారు.