ఆగిపోయిన కృష్ణంరాజు సినిమాతో బ్లాక్ బస్టర్‌ కొట్టిన బాలకృష్ణ.. ఆ మూవీ ఏంటి? అసలేం జరిగిందంటే?
రెబల్‌ స్టార్‌ కృష్ణంరాజు హీరోగా పవర్‌ఫుల్‌ టైటిల్‌తో ఓ సినిమా ప్రారంభమైంది. కానీ అనుకోకుండా అది ఆగిపోయింది. అదే సినిమాతో బాలయ్య మూవీ చేసి బ్లాక్ బస్టర్‌ సాధించాడు.
)
Followరెబల్‌ స్టార్‌ కృష్ణంరాజు తన కెరీర్‌లో ఎన్నో సూపర్ హిట్లు, బ్లాక్ బస్టర్స్ సినిమాలు చేశారు. దాదాపు ఐదున్నర దశాబ్దాలపాటు సినిమాలు చేసి రెబల్‌ స్టార్‌గా ఎదిగారు. 190కిపైగా సినిమాల్లో నటించి అలరించారు. క్యారెక్టర్‌ ఆర్టిస్ట్ నుంచి హీరోగా ఎదిగాడు. విలన్‌ పాత్రలు చేశారు, హీరోగానూ సంచలనాలు సృష్టించారు. మల్టీస్టారర్‌ మూవీస్‌ కూడా చేశారు. ఆ తర్వాత కీలక పాత్రలతోనూ మెప్పించారు.
)
కృష్ణంరాజు కెరీర్‌ పీక్‌లో ఉన్న సమయంలోనే ఓ భారీ సినిమా ఆగిపోయింది. సినిమా ఓపెనింగ్‌ జరుపుకుని మరీ ఆగిపోయింది. అయితే అది ప్రారంభ దశలోనే పట్టాలెక్కకపోవడం గమనార్హం. పవర్‌ ఫుల్‌ టైటిల్‌ని ఫిక్స్ చేశారు. అదిరిపోయే కాస్టింగ్‌, క్రూని ఫైనల్‌ చేశారు. భారీ స్థాయిలో సినిమా ఓపెనింగ్‌ నిర్వహించారు. కానీ అది అర్థాంతరంగా ఆగిపోయింది. అదే సినిమాని బాలయ్య చేసి బ్లాక్ బస్టర్‌ మరి ఆ సినిమా ఏంటి? అసలేం జరిగింది? అనేది చూస్తే,
ఆ సినిమానే `బొబ్బిలిసింహం`. కృష్ణంరాజు హీరోగా అప్పటికే కృష్ణంరాజుతో నాలుగైదు సినిమాలు చేసి విజయాలు అందుకున్న డైరెక్టర్‌ బి భాస్కర్‌రావు దర్శకత్వంలో ఈ మూవీ ప్రారంభమైంది. ఇందులో కృష్ణంరాజుకి జోడీగా జయప్రద హీరోయిన్‌గా నటించింది. రఘువరన్‌, శ్రీరాంకుమార్‌, వాణీ విశ్వనాథ్‌, ప్రభాకర్‌రెడ్డి, కోట శ్రీనివాసరావు, బ్రహ్మానందం ఇతర పాత్రలు పోషించారు. బండా పుల్లారెడ్డి, ఎక్కటి కరుణ కృష్ణారెడ్డి నిర్మించారు. ఈ సినిమాని 1989 ఆగస్ట్ 11న ప్రారంభిస్తున్నట్టు పేపర్‌ ప్రకటన వేశారు. ఆర్టిస్ట్, టెక్నీషియన్ల పేర్లు కూడా ప్రకటించారు. గ్రాండ్‌గా వరంగల్‌ నగరంలో ఈ సినిమా ప్రారంభమైంది. కానీ ఏం జరిగిందో ఏమో ఇది ఓపెనింగ్‌ సెర్మనీతోనే ఆగిపోయింది.
కానీ అదే సినిమాని బాలయ్య చేశాడు. అంటే కథ సేమ్‌ కాదు, కేవలం టైటిల్‌ మాత్రమే తీసుకున్నారు. పూర్తిగా కొత్త కథ కొత్త టీమ్‌తో బాలయ్య ఈ సినిమా చేశాడు. ఐదేళ్ల తర్వాత బాలకృష్ణ హీరోగా కోదండరామిరెడ్డి `బొబ్బిలి సింహం` సినిమాని రూపొందించారు. 1994 సెప్టెంబర్‌ 23న విడుదలై ఈ సినిమా పెద్ద బ్లాక్ బస్టర్‌ హిట్ అయ్యింది. మీనా, రోజా ఇందులో హీరోయిన్లుగా నటించారు. బ్రహ్మానందం, శారద, శరత్‌ బాబు కీలక పాత్రల్లో మెరిశారు. ఈ మూవీకి విజయేంద్ర ప్రసాద్ కథ అందించడం విశేషం. మొత్తంగా కృష్ణంరాజుకి కెరీర్‌లో నిలిచిపోవాల్సిన `బొబ్బిలిసింహం` బాలయ్య కెరీర్‌ లో హిట్ సినిమాల జాబితాలో చేరిపోయింది.
ఇక కృష్ణంరాజు ఆ ఏడాది `సింహ స్వప్నం`, `టూ టౌన్‌ రౌడీ` చిత్రాలతో విజయాలు అందుకున్నారు. అదే ఏడాది ఆయన్నుంచి `పాపే మా ప్రాణం`, `భగవాన్‌`,`సుమంగళి` చిత్రాల్లో నటించారు. ఈ మూవీ యావరేజ్‌గా నిలిచాయి. పెద్దగా ఆదరణ పొందలేదు. ఇక బాలకృష్ణ ప్రస్తుతం బాబీ దర్శకత్వంలో `ఎన్బీకే 109` సినిమాలో నటిస్తున్నారు. ఈ మూవీ టైటిల్‌, టీజర్‌ని ఈ నెల 15న విడుదల చేయబోతున్నారు.
also read: మోహన్‌ బాబు రిజెక్ట్ చేసిన సినిమాతో హిట్ కొట్టిన చిరంజీవి, పాపం కలెక్షన్‌ కింగ్‌ తలపట్టుకున్న వేళ
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
