లోకేష్ బండారం బయటపెట్టిన బాలయ్య.. స్విమ్మింగ్ పూల్లో అమ్మాయిలతో జలకాలు.. బాబు రియాక్షన్ ఇదే.!
సీనియర్ నటుడు బాలకృష్ణ (Balakrishna) తన అల్లుడు నారా లోకేష్ బండారాన్ని బయటపెట్టాడు. ‘అన్ స్టాపబుల్ 2’ షో వేదికన ఈ విషయంపై చంద్రబాబును, లోకేష్ ను ప్రశ్నించారు. దీనిపై బాబూ షాకింగ్ గా రియాక్ట్ అయ్యారు.
బాలయ్య హోస్ట్ గా వ్యవహరిస్తున్న పాపులర్ టాక్ షో ‘అన్ స్టాపబుల్’ రెండో సీజన్ కూడా మొదలైంది. గతేడాది మొదటి సీజన్ తో బ్రహ్మాండమైన రెస్పాన్స్ ను సొంతం చేసుకున్నారు. గెస్ట్ లతో బాలయ్య హోస్టింగ్ బుల్లితెరపై దుమ్ములేపడంతో ‘అన్ స్టాపబుల్ 2’తో సెకండ్ సీజన్ ను కూడా ప్రారంభించారు.
తాజాగా Unstoppable 2కు సంబంధిం మొదటి ఎపిసోడ్ ను విడుదల చేశారు. రెండో సీజన్ లో ఫస్ట్ ఎపిసోడ్ లోకి ఏపీ మాజీ సీఎం, టీడీపీ అధినేత నారా చంద్రబాబు (Chandrababu Naidu), టీడీపీ నేత, బాబు కొడుకు నారా లోకేష్ (Lokesh)ను గెస్ట్ లుగా ఆహ్వానించారు. ఇందుకు సంబంధించిన ప్రొమోను తాజాగా రిలీజ్ చేశారు.
ప్రొమోలో బాలయ్య తన అల్లుడైన నారా లోకేష్ బండారం బయటపెట్టాడు. గత అసెంబ్లీ ఎన్నికల సమయంలో లోకేష్ మంగళగిరి నియోజకవర్గం నుంచి పోటీ చేసి ఓడిపోయారు. అయితే ఆ సమయంలో లోకేష్ కు సంబంధించిన కొన్ని పర్సనల్ ఫొటోస్ బయటికి వచ్చాయి. విపరీతంగా వైరల్ అయ్యాయి. అదే ఫొటోలను చూపిస్తూ బాలయ్య మరోసారి లోకేష్, చంద్రబాబుపై ప్రశ్నల వర్షం కురిపించారు.
లోకేష్ కు బాలయ్య కూతురు బ్రహ్మణితో వివాహం జరిగిన విషయం తెలిసిందే. అయితే లోకేష్ మాత్రం వేరే అమ్మాయిలతో స్విమ్మింగ్ పూల్ లో జలకాలు ఆడుతూ, బీచ్ లో తిరుగుతూ కొన్ని ఫొటోలు అప్పట్లో బయటికి వచ్చాయి. ఈ ఫొటోలు అసెంబ్లీ వరకు వెళ్లాయని, ఆ ఫొటోల వెనకున్న కథేంటని ‘అన్ స్టాపబుల్’ షోలో క్లారిటీ అడిగారు. దీనిపై లోకేష్ సమాధానం ఏంటనేది ఫుల్ ఎపిసోడ్ లో తెలియనుంది.
ఇదే ప్రశ్న చంద్రబాబును అడగ్గా షాకింగ్ రియాక్షన్ ఇచ్చారు. ‘మామకు లేని సందేహం నాకెందుకు’ అంటూ దాటవేసే ప్రయత్నం చేశారు. దీంతో పాటు నందమూరి, నారా కుటుంబ విషయాలపై ఈ ఎపిసోడ్ లో చాలానే విషయాలు చర్చించారు. అలాగే చంద్రబాబు 1995లో తీసుకున్న కీలక నిర్ణయంపైనా నోరువిప్పడంతో ‘అన్ స్టాపబుల్ 2’ మొదటి ఎపిసోడ్ ఆసక్తికరంగా మారింది.
అటు సినిమాలు, ఇటు రాజకీయాలతో బిజీగా ఉంటున్నబాలయ్య.. ఓటీటీ వేదికన ‘అన్ స్టాపబుల్ విత్ ఎన్బీకే’తో ప్రేక్షకుల్లో మరింత ఎత్తుకు ఎదిగారు. ఆయన అసలైన వ్యక్తిత్వం, హ్యూమరస్, చిలిపితనం అభిమానులు, ఆడియెన్స్ కు ఎంతగానో నచ్చుతోంది. సీజన్ 2 కూడా ప్రారంభం కావడంతో ఖుషీ అవుతున్నారు. మొదటి ఎపిసోడ్ అక్టోబర్ 14న ‘ఆహా’లో ప్రసారం కానుంది.