A. R. Rahman Divorce : భార్యకు `ఆస్కార్` విన్నర్‌ విడాకులు.. 30ఏళ్ల బంధానికి గుడ్‌ బై
సినిమా పరిశ్రమలో షాకింగ్ విషయం చోటు చేసుకుంది. రెహ్మాన్ తన వైవాహిక బంధానికి గుడ్‌ బై చెప్పారు. భార్యతో ఆయన విడిపోయారు. తాజాగా ఈ విషయాన్ని అధికారికంగా ప్రకటించారు.
)
Followఆస్కార్ విన్నింగ్‌ మ్యూజిక్‌ డైరెక్టర్ ఏ ఆర్‌ రెహ్మాన్ బిగ్ షాక్ ఇచ్చారు. భార్యతో రెహ్మాన్ విడాకులు తీసుకున్నారు. తాజాగా భార్య సైరానే ఈ విషయాన్ని అధికారికంగా ప్రకటించింది. ఆమె తరఫున వందన షా, వారి అసోసియేట్స్ దీన్ని సోషల్ మీడియా ద్వారా వెల్లడించారు. ఈ మేరకు డైవర్స్ నోట్‌ని పంచుకున్నారు. దీంతో రెహ్మాన్, సైరా మూడు దశాబ్దాల వైవాహిక బంధానికి గుడ్‌ బై చెప్పినట్టయ్యింది. ఈ వార్త ఇప్పుడు అభిమానులను, సినీ ప్రముఖులకు షాకిస్తుంది.
)
AR Rahman
రెహ్మాన్, సైరా 1995, మార్చిలో వివాహం చేసుకున్నారు. వీరికి ముగ్గురు పిల్లలు ఖతీజా, రహీమా, అమీన్‌ అనే ముగ్గురు పిల్లలు కూడా ఉన్నారు. రెహ్మాన్ అంతర్జాతీయంగా మ్యూజిక్‌ డైరెక్టర్‌గా పేరుతెచ్చుకున్నారు. కానీ సైరా మాత్రం పబ్లిక్‌కి దూరంగా ఉంటారు. పూర్తిగా ప్రైవేట్‌ లైఫ్‌కే పరిమితమవుతారు. అంతేకాదు వీరిద్దరి జంటని ఎంతో ఆదర్శ జంటగానూ కీర్తిస్తుంటారు. ఈ క్రమంలో ఇప్పుడు ఈ ఇద్దరు విడిపోవడం సినీ అభిమానులకు షాకిస్తుంది.
AR Rahman
డైవర్స్ నోట్‌లో వందన షా, వారి అసోసియేట్స్ చెబుతూ, పెళ్లైన చాలా ఏళ్ల తర్వాత సైరా తన భర్త రెహ్మాన్ నుంచి విడిపోవాలనే కఠినమైన నిర్ణయం తీసుకుంది. వారి రిలేషన్‌లో చాలా భావోద్వేగ ఒత్తిడి తర్వాత ఈ నిర్ణయం తీసుకున్నారు. ఇప్పటికీ ఒకరిపై ఒకరికి గాఢమైన ప్రేమ ఉన్నప్పటికీ, అనేక టెన్షన్స్, ఇబ్బందులు తమ మధ్య అధిగమించలేని దూరాన్ని పెంచాయి. గ్యాప్‌ని సృష్టించాయి. ఈ సమయంలో ఎవరూ వీరిని కలిపే ప్రయత్నం చేసినా అది సాధ్యం కాలేదు. సైరా చాలా వేదనతో, ఎంతో బాధతో ఈ నిర్ణయం తీసుకున్నట్టుగా వెల్లడించారు. సైరా తన జీవితంలోని ఈ కష్టమైన అధ్యాయాన్ని ఫేస్‌ చేస్తున్నందుకు ఈ క్లిష్ట సమయంలో వారి గోప్యతకి సహకరిస్తారని ప్రజలను కోరుతుంది` అని వెల్లడించారు. ప్రస్తుతం ఈ నోట్‌ వైరల్‌ అవుతుంది.
అయితే విడాకులకు సంబంధించిన కారణాలు వర్క్ ప్రెజర్ కారణంగా ఈ ఇద్దరు కలవడం కుదరడం లేదని, చాలా గ్యాప్‌ ఏర్పడిందని, ఇది అనేక మనస్పర్థాలకు దారి తీసిందని ఈ నోట్‌ని బట్టి తెలుస్తుంది. ఈ క్రమంలో ఇలాంటి సంచలన నిర్ణయాన్ని తీసుకుని ఉంటారని టాక్‌. మరి అసలు కారణాలేంటి? అనేది మాత్రం తెలియాల్సి ఉంది.
A. R. Rahman
రెహ్మాన్ ప్రపంచంలోనే అత్యంత ప్రతిష్టాత్మక పురస్కారం అయిన ఆస్కార్ ని సాధించారు. `స్లమ్‌ డాగ్‌ మిలియనీర్‌` మూవీకిగానూ ఆయనకు ఒరిజినల్‌ సాంగ్‌, ఒరిజినల్‌ స్కోర్‌ విభాగంలో ఆస్కార్ అవార్డులను సొంతం చేసుకున్న విషయం తెలిసిందే. దీంతోపాటు ఆయన ఏడు జాతీయ అవార్డులు, 15 ఫిల్మ్‌ ఫేర్‌ పురస్కారాలు అందుకున్నారు. ఆయన సేవలకుగానూ కేంద్ర ప్రభుత్వం పద్మశ్రీ, పద్మ భూషణ్‌ పురస్కారాలతోనూ సత్కరించింది. ఇతర స్టేట్స్ అవార్డులు, అంతర్జాతీయ పురస్కారాలు సొంతం చేసుకున్నారు రెహ్మాన్.
read more: ప్రభాస్‌, అల్లు అర్జున్‌, ఎన్టీఆర్‌లతో నటించి షేక్‌ చేసిన ఈ చిన్నారి ఎవరో తెలుసా? పడిలేస్తున్న కెరటం
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
