అనుష్క శెట్టి సినిమాలకు గుడ్ బై చెప్పే ఆలోచనలో ఉందా? నిజం ఎంత?
టాలీవుడ్ స్టార్ హీరోయన్ అనుష్క శెట్టి సినిమాలు గుడ్ బై చెప్పబోతోందా? ఉమెన్ ఓరియెంటెడ్ సినిమాలకు కేరాఫ్ అడ్రస్ గా మారిన అనుష్క కెరీర్ ఎందుకు ముందుకు వెళ్లడంలేదు. స్వీటీ మనసులో ఉన్న ఆలోచన ఏంటి?
టాలీవుడ్ లో స్టార్ హీరోలకు సమానంగా అనుష్క ఇమేజ్
సౌత్ సినిమా ఇండస్ట్రీలో తక్కువ సమయంలోనే భారీ ఫ్యాన్ ఫాలోయింగ్ను సంపాదించిన హీరోయిన్లలో అనుష్క శెట్టి ఒకరు. ‘అరుంధతి’, ‘బాహుబలి’ వంటి భారీ హిట్లతో తన నటనను నిరూపించుకున్న ఈ స్టార్ హీరోయిన్, టాలీవుడ్ లో స్టార్ హీరోలకు సమానంగా ఇమేజ్ ను సొంతం చేసుకుంది. అయితే గత కొంతకాలంగా అనుష్క సినిమాలకు గ్యాప్ ఇస్తున్న విషయం తెలిసిందే.
అనుష్క నటించిన తాజా చిత్రం 'ఘాటి' విడుదలకు సిద్ధంగా ఉన్నప్పటికీ, రిలీజ్ డేట్ పై స్పష్టత లేకపోవడం ఫ్యాన్స్లో గందరగోళం ఏర్పడింది. ఇప్పటివరకు ఈ సినిమా రెండు సార్లు వాయిదా పడింది. కానీ ఇప్పటికీ రిలీజ్ తేదీపై మూవీ టీమ్ నుంచి ఎలాంటి అధికారిక ప్రకటన రాలేదు.
KNOW
అనుష్క శెట్టి కెరీర్ పై రకరకాల ఊహాగానాలు
ఈ నేపధ్యంలో అనుష్క కెరీర్పై అనేక ఊహాగానాలు చెలరేగుతున్నాయి. ముఖ్యంగా ఆమె మొన్నటి వరకూ హైదరాబాద్ లో ఉండి.. రీసెంట్ గానే బెంగళూరుకు షిప్ట్ అయినట్టు టాక్ వినిపిస్తోంది. ఈ పరిణామాల నేపథ్యంలో అనుష్క సినిమాలకు బ్రేక్ ఇచ్చే ఉద్దేశంతోనే వెళ్తున్నారా? లేదా కొత్త ప్రయాణాన్ని ప్రారంభించాలనుకుంటున్నారా? అనే ప్రశ్నలు అభిమానులలో మొదలయ్యాయి.
ఘాటి సినిమాను క్రిష్ జాగర్లమూడి దర్శకత్వం వహించారు. ఉత్తరాంధ్రలో గంజాయి సాగు నేపథ్యంగా రూపొందిన ఈ పాన్ ఇండియా సినిమా, అనుష్క కెరీర్లో ఇంత వరకూ చేయని డిఫరెంట్ మూవీగా నిలవబోతోంది. ఇప్పటికే ఈ సినిమా నుంచి రిలీజ్ అయిన టీజర్, పోస్టర్లలో అనుష్క లుక్ కు పాజిటివ్ రెస్పాన్స్ వస్తోంది.
అయితే సినిమా విడుదల వాయిదా పడటమే కాదు, అనుష్క తదుపరి ప్రాజెక్ట్ గురించి ఎలాంటి అధికారిక సమాచారం లేకపోవడంతో అభిమానులు నిరాశకు గురవుతున్నారు. గతంలో అరుంధతి, బాహుబలి లాంటి సినిమాల్లో పవర్ ఫుల్ పాత్రల్లో కనిపించిన ఈ స్టార్ హీరోయిన్ చేసిన సినిమాలు ఆతరువాత పెద్దగా గుర్తింపు పొందలేదు.
అనుష్క శెట్టి యోగా టీచర్ గా మారబోతోందా?
అనుష్క ప్రస్తుతం తన వ్యక్తిగత జీవితం మీద దృష్టి పెడుతున్నట్లు వార్తలు వస్తున్నాయి. కొన్ని సోషల్ మీడియా వార్తల ప్రకారం ఆమె బెంగళూరులో యోగా టీచర్గా జీవితం గడపాలని భావిస్తున్నట్లు తెలుస్తోంది. అయితే అనుష్క ఇంకా సినిమాల్లో నటించాలని అభిమానులు కోరకుంటున్నారు. ఘాటి సినిమా విజయం అనుష్క కెరీర్ను మరో మలుపు తిప్పే అవకాశం ఉందని ఫ్యాన్స్ భావిస్తున్నారు. ఈసినిమా హిట్ అయితే ఆమె మళ్లీ వరుసగా సినిమాలు చేస్తుందన్న నమ్మకంతో ఉన్నారు. ఘటి సక్సెస్ తో అనుష్క ఇండస్ట్రీలో యాక్టివ్గా మారే అవకాశం ఉందని సినీ వర్గాల్లో కూడా చర్చ జరుగుతోంది.
మీడియాకు కాస్తదూరంగా ఉంటారు అనుష్క. ఒక వేళ ఏదైనా ఇంటన్వ్య ఇచ్చి ఉంటే.. దానిద్వారా అయినా తన భవిష్యత్ ప్రణాళికలపై స్పష్టతనిచ్చే అవకాశం ఉండేది అని అభిమానులు చర్చించుకుంటున్నారు. ఈలోపు సోషల్ మీడియాలో ఆమె గురించి గాసిప్స్, ఊహాగానాలు కొనసాగుతూనే ఉన్నాయి. ఘాటి అనుష్క సినీ ప్రయాణానికి టర్నింగ్ పాయింట్గా మారుతుందా లేదా అనేది రిలీజ్ తరువాత చూడాలి.