Prema Entha Madhuram: ఆర్య, మదన్ ల మధ్య నలిగిపోతున్న అంజలి.. ఆ విషయంలో టెన్షన్ పడుతున్న అను?

Prema Entha Madhuram: జీ తెలుగులో ప్రసారమవుతున్న ప్రేమ ఎంత మధురం సీరియల్  ప్రేక్షకుల హృదయాలని గెలుచుకొని మంచి రేటింగ్ తో   ముందుకి దూసుకుపోతోంది. ఐశ్వర్యంలోనే కాదు పేదరికంలో కూడా భర్తకి తోడుగా ఉంటానంటున్న ఒక భార్య కథ ఈ సీరియల్. ఇక ఈరోజు ఏప్రిల్ 7 ఎపిసోడ్ లో ఏం జరిగిందో చూద్దాం. 

ఎపిసోడ్ ప్రారంభంలో అంజలి చేతిలో బ్యాగ్ తీసుకొని ఇది నీకు సర్ప్రైజ్ గా ఇద్దామనుకున్నాను అయినా పర్వాలేదులే అంటూ ఒకటి నీకు అంటూ అంజలికి ఒక గిఫ్ట్ ఇచ్చి ఇంకొకటి అప్పుకి అంటూ ఆమె చేతికి గిఫ్ట్ ఇవ్వబోతాడు మదన్. ఇప్పుడు ఇవన్నీ ఎందుకు అంటుంది అను. గిఫ్టు వద్దు అంటే ఇచ్చిన వాళ్ళని ఇన్సల్ట్ చేసినట్లు అంటాడు మదన్. అక్కడ పెట్టేయండి తర్వాత తీసుకుంటాను అంటుంది అను.బర్త్డే ప్లాన్స్ ఏంటి అని అంజలిని అడుగుతాడు మదన్. ప్లాన్స్ ఏమీ లేవు కానీ చిన్న రిక్వెస్ట్ అంటూ ఆ కన్స్ట్రక్షన్ గురించి ఇష్యూ చేయకు ఆనంద్ కి వదిలేయ్ అంటుంది అంజలి. 

ఇన్వెస్టర్స్ ని ఇంప్రెస్ చేయాలంటే చేంజ్ చేయాలి నువ్వేమీ ఇన్వాల్వ్ అవ్వకు అంటూ అక్కడ నుంచి వెళ్ళిపోతాడు మదన్. ఆనంద్ కి పట్టుదల ఎక్కువ వీడికి ఏమో పంతం ఎక్కువ.. పార్టీలో ఏదైనా గొడవ జరుగుతుందేమో అని తల పట్టుకుంటుంది అంజలి.మరోవైపు మల్లెపూలతో మాట్లాడుతున్నట్లుగా మాట్లాడి ఆర్యతో మల్లెపూల మాల కట్టిస్తుంది అను. మాల కట్టి భార్య తలలో పెట్టి యు ఆర్ మ్యాజిక్ అంటూ మెచ్చుకుంటాడు. అదే సమయంలో అంజలి ఫోన్ చేసి ఈ ప్రాజెక్టు ముందుకెళ్లాలంటే నువ్వే ఏదైనా ఆలోచించాలి లేకపోతే మా అన్నయ్య తీసుకునే డెసిషన్స్ మామూలుగా ఉండదు అంటూ భయంగా చెప్తుంది.

మీరేమీ కంగారు పడకండి నేను చూసుకుంటాను అనడంతో ఆనందంగా ఫోన్ పెట్టేస్తుంది అంజలి. ఆర్య ప్లాన్ చేంజ్ చేస్తాడా, లేక మా బ్రో మైండ్ సెట్ చేంజ్ చేస్తాడా వీళ్లిద్దరి మధ్య  మధ్య నేను నలిగిపోతున్నాను ఇద్దరూ టఫ్ గైస్ అనుకుంటుంది అంజలి. మరోవైపు అంజలికి బర్త్ డే గిఫ్ట్ గా నెక్లెస్ ఇస్తాడు మదన్. అంజలికి హెల్ప్ నెక్లెస్ పెట్టడంలో హెల్ప్ చేయు అంటూ అనుని కావాలనే తాకి ఆమె చేతిలో నెక్లెస్ పెడతాడు. ఇబ్బందిగానే నక్లెస్ తీసుకొని అంజలికి పెడుతుంది అను. నెక్లెస్ లో నువ్వు చాలా బాగున్నావు నీ బర్త్ డే అని ఏమో అప్పు కూడా చాలా బాగుంది అంటూ కాస్త మరోలా మాట్లాడుతాడు మదన్. 

మీ హస్బెండ్ ని కూడా పార్టీకి తీసుకురావచ్చు కదా అనటంతో ఆయన బయట వాళ్లతో ఎక్కువగా కలవరు చాలా బిజీ గా ఉంటారు  అంటుంది అను. అంతేనా లేక భర్తతో విడిగా ఉండి ఒక్కతివే కష్టపడుతున్నావా అంటాడు మదన్. అదేం ప్రశ్న తనది చాలా హ్యాపీ లైఫ్ అంటుంది అంజలి. సరే గెస్ట్ లందరూ వచ్చేస్తున్నారు త్వరగా వచ్చేయండి అంటూ వెళ్ళిపోతాడు మదన్. మూడిగా మారిపోయిన అంజలితో కన్స్ట్రక్షన్ ప్లాన్ గురించి మీరేమీ ఆలోచించకండి. ఆనంద్ గారు అన్ని ఆలోచించే చేస్తారు మీరు నవ్వండి అంటూ ఆమెని ఉత్సాహంగా ఉండేలాగా చేస్తుంది అను. మరోవైపు అను అందరికీ కూల్ డ్రింక్స్ ఇస్తూ ఉంటుంది.

అది చూసిన మాన్సీ నీ పనే బాగుంది వండుకున్నోడికి ఒక కూర అడుక్కునే వాడికి 60 కూరలు అంటూ వెటకారంగా మాట్లాడుతుంది. మర్యాదగా మీ పని చూసుకొని వెళ్ళండి అనవసరంగా నా చేతికి పని చెప్పొద్దు అంటూ హెచ్చరిస్తుంది అను. అంతలోనే నీరజ్ వచ్చి అనుని విష్ చేసి దాదా ఏరి అని అడుగుతాడు వచ్చేస్తూ ఉంటారు అంటుంది అను. అంతలోనే అంజలి వస్తుంది. అందరూ ఆమెకి బర్త్డే విషెస్ చెప్తారు.

అప్పుడే మదన్ కూడా కిందికి వస్తాడు. అంజలి నీరజ్ వాళ్లని పరిచయం చేస్తుంది. మీ గురించి అంజలి చెప్పింది తనకు మీరు చాలా సపోర్ట్ చేశారు థాంక్స్ అంటాడు మదన్. అంజలితో కేక్ కట్ చేద్దామా అని మదన్ అంటే ఒక ఇంపార్టెంట్ వ్యక్తి రావాలి వచ్చాక కేక్ కట్ చేద్దాం అంటుంది అంజలి. ఎవరా ఇంపార్టెంట్ పర్సన్ అని మదన్ అంటే ఇంకెవరు ఆ ఆనందే అంటూ వెటకారంగా మాట్లాడుతాడు యాదగిరి.

ప్లాన్ చేంజ్ చేయమన్నాను కదా చేంజ్ చేయలేక మొహం చాటేసి ఉంటాడు అంటాడు మదన్. అతను మొహం చాటేసే వ్యక్తి కాదు చాలా డేరింగ్ అండ్ డాషింగ్ అసలు అతని వల్ల ప్రాజెక్ట్ నిలబడింది అంటూ ఆర్యని వెనకేసుకొస్తాడు నీరజ్. అతని మీద అందరికీ చాలా హోప్స్ ఉన్నాయి చూద్దాం ఎంతవరకు రీచ్ అవుతాడో అంటాడు  మదన్.

అంతలోనే ఆర్య వచ్చి అంజలికి బర్త్డే విషెస్ చెప్తాడు. ఇప్పుడైనా కేక్ కట్ చేద్దామా అంటాడు మదన్. అప్పుడేనా వచ్చిన వాళ్ళని కాస్త ఎంటర్టైన్ చేయాలి అంటూ ఆర్య చుట్టూ తిరుగుతూ లవ్ సాంగ్ పాడుతుంది అంజలి. అంజలి అలా ఆర్య చుట్టూ తిరుగుతుంటే టెన్షన్ పడుతుంది అను. తర్వాత ఏం జరిగిందో రేపటి ఎపిసోడ్ లో చూద్దాం.