Prema Entha Madhuram: భయంతో వణికిపోతున్న మాన్సీ.. క్లైంట్స్ కి చెమటలు పట్టిస్తున్న ఆర్య?

ఎపిసోడ్ ప్రారంభంలో వాష్ రూమ్ కి వెళ్లడం కోసం బయటికి వస్తాడు ఆర్య. అప్పుడే పోలీసులు లంచంగా తీసుకున్న ఐఫోన్ గురించి మాట్లాడుకుంటూ ఉంటారు. అది విన్న ఆర్య వర్ధన్ కి ఏదో ఐడియా వస్తుంది. వాష్ రూమ్ కి వెళ్లి వచ్చిన తర్వాత తిరిగి తమ రూమ్ కి వెళ్ళబోతుంటే ఎస్సై చూసి ఇదేమైనా హోటల్ అనుకున్నారా.. వచ్చేముందు మాకు ఇన్ఫార్మ్ చేయాలి కదా.
 

మీరేమీ హాలిడే రిసార్ట్ కి రాలేదు, జైలు నుంచి హాస్పిటల్ కి వచ్చారని గుర్తుపెట్టుకోండి అంటాడు ఎస్సై. ఇప్పుడే గుర్తొచ్చింది అంటూ కాన్ఫిడెంట్గా చెప్పి అక్కడ నుంచి వెళ్ళిపోతాడు ఆర్య. మాటల్లో తేడా కనిపిస్తుంది ఏంటి సార్ అంటాడు కానిస్టేబుల్. కరెంట్ షాక్ కి చిప్ పోయినట్లుగా ఉంది అంటూ వెటకారం గా మాట్లాడుతాడు ఎస్ఐ. రూమ్ కి వచ్చిన ఆర్య వర్ధన్ జెండే కి ఫోన్ చేసి ట్విన్ సిటీస్ లో 11 ఐఫోన్లు ఎవరు కొన్నారు, ఏ సిరీస్ అన్ని డీటెయిల్స్ నాకు చాలా అర్జెంటుగా కావాలి అని చెప్తాడు. సరే అని చెప్పి ఫోన్ పెట్టేస్తాడు జెండే. 

మరోవైపు మాన్సీ లాయర్ కి  ఫోన్ చేసి మా బ్రో ఇన్ లా  బయటకి వచ్చేసారు ఏం జరుగుతుందో అని టెన్షన్ గా ఉంది అంటుంది. ఇది ఆల్రెడీ ముగిసిపోయిన కేసు. ఆయన రేపో, మాపో  పర్మినెంట్ గా జైలుకి వెళ్లిపోతారు మీరేమీ కంగారు పడకండి అంటాడు లాయర్. మీరు మా బ్రో ఇన్ లా ని తక్కువగా అంచనా వేస్తున్నారు, ఆయన హాస్పిటల్ కి వచ్చింది ట్రీట్మెంట్ చేయించుకోవడానికి కాదు  అంటుంది మాన్సీ. అతను ఎంత తెలివైనవాడైనా అతని మీద కేసు పెట్టిన వాళ్ళు మరింత తెలివైన వారు. ఏమైనా అయితే ఆర్యవర్ధన్ కే అవుతుంది కానీ మీకు ఏమీ కాదు రిలాక్స్డ్ గా ఉండండని చెప్పి ఫోన్ పెట్టేస్తాడు లాయర్.

మరోవైపు ఆర్య దగ్గరికి జెండే వచ్చి నీరజ్ సర్ చేత రీ పిటిషన్  వేయించాను రేపు హియరింగ్ కి వస్తుంది అని చెప్తాడు. అప్పుడే జెండే కి ఒక కాల్ వస్తుంది. అది నీ కోసం కాదు నాకోసం అని ఫోన్  తీసుకొని మాట్లాడుతాడు ఆర్య. మళ్లీ ప్రాణాలతో బయటపడినందుకు కంగ్రాట్స్, అందుకు నేను నీకు మంచి గిఫ్ట్ ఇవ్వబోతున్నాను అది ఏంటో తెలుసా? నీ బెటర్ ఆఫ్  ని కూడా నీతో పాటు జైలుకి పంపిస్తాను రెడీగా ఉండు అంటుంది అపరిచితురాలు. నాకు గిఫ్ట్లు ఇవ్వటమే గాని తీసుకోవటం అలవాటు లేదు. రేపు నేను ఇచ్చే గిఫ్ట్ కోసం వెయిట్ చెయ్ అంటాడు ఆర్య.

నీ ధైర్యానికి మెచ్చుకోవాలి నన్ను చూడాలంటే సముద్రం లాంటి నీ సామ్రాజ్యం కూలిపోవాలి అప్పుడు నేనే నీకు కనిపిస్తాను అంటూ ఫోన్ పెట్టేస్తుంది అపరిచితురాలు. ఎవరు ఈ శత్రువు అంటాడు జెండే.  ఇది ఇంటర్నేషనల్ కాల్, మనకు దొరక్కుండా జాగ్రత్తపడుతుంది. మనం ఆమె కోసం వెళ్లడం కాదు తననే ఇక్కడికి రప్పిద్దాము అంటాడు ఆర్య. ఇంతలో శారదమ్మ వాళ్ళు వస్తారు. రీ పిటిషన్ సంగతి ఏమైంది అని అడుగుతాడు ఆర్య. రేపు 11:00 కి హియరింగ్ ఉందంట అని చెప్తాడు నీరజ్.  మా బ్రో ఇన్ లా ఇంత ఫాస్ట్ గా రియాక్ట్ అవుతున్నారు అంటే ఎక్కడో తేడా జరుగుతుంది. ఏం జరుగుతుందో అర్థం కావట్లేదు అనుకుంటుంది మాన్సీ.
 

మరోవైపు ఎస్ఐ వచ్చి కోర్టుకి బయలుదేరమంటాడు. మళ్లీ రీ పిటిషన్ వేశారంట అని ఎస్ఐ అడుగుతాడు. మీ ఐఫోన్ కి అప్పుడే ఫోన్ వచ్చేసిందా అంటూ వెటకారంగా మాట్లాడుతాడు ఆర్య. నా ఫోన్ సంగతి నీకెందుకు అని చెప్పి కానిస్టేబుల్స్ ని పిలిచి ఆర్య ని జైలుకి తీసుకు రమ్మని చెప్పి వెళ్ళిపోతాడు ఎస్ఐ. మరోవైపు కోర్టులో హియరింగ్ జరుగుతూ ఉంటుంది.
 

ఆల్రెడీ కేసులో ఆర్య వర్ధన్ గారు తప్పు చేసినట్లుగా ప్రూవ్ అయింది అయినప్పటికీ డబ్బులు ఖర్చు పెట్టి రీ పిటిషన్ వేశారు. కేసు ఎలాగూ గెలవరని తెలుసు, అయినా వాళ్ళ తృప్తి కోసం మళ్లీ కేసు వివరాలు తెలియజేస్తాను అంటూ మొత్తం వివరిస్తాడు లాయర్. ఆర్య తరఫున లాయర్ లేచి ఈ కేసుని నాకు లైన్ స్వయంగా వాదించుకోవటానికి పర్మిషన్ కావాలి అని అడుగుతాడు.
 

పర్మిషన్ గ్రాంట్ చేస్తాడు జడ్జి. కేసు వేసిన ముగ్గురు పిటిషనర్లని బోన్ లోకి రమ్మంటారు లాయర్. మీరు ఎంత డబ్బులు ఎప్పుడు ఇన్వెస్ట్ చేశారు అని అడుగుతాడు ఆర్య. తలా 100 కోట్లు ఇన్వెస్ట్ చేసాము పలాన తేదీన అని డేట్ చెప్తారు వాళ్ళు ముగ్గురు. ఈ కంపెనీ ఫ్రాడ్ అని మీకు ఎప్పుడు తెలిసింది అంటాడు ఆర్య. ఊహించని ప్రశ్నకి సమాధానం చెప్పలేక చెమటలు కక్కుకుంటారు క్లైంట్స్. తరువాత ఏం జరిగిందో రేపటి ఎపిసోడ్ లో చూద్దాం.