Intinti gruhalakshmi: అభికి చుక్కలు చూపించిన అంకిత.. సామ్రాట్, తులసిని చూసి కుళ్ళుకుంటున్న నందు, లాస్య!

ఈరోజు ఎపిసోడ్ ప్రారంభంలోనే...నువ్వు వెళ్తే నేను కూడా వస్తాను నందు అని లాస్య తన లగేజ్ అంతా సర్దుకుంటుంది. ఇష్టం లేకపోయినా చేసేదేమీ లేక నందు కూడా రమ్మంటాడు. మరోవైపు తులసి సామ్రాట్ లు ఎయిర్పోర్టులో కూర్చుని ఉంటారు. ఫైల్ మర్చిపోయ అని నందుని తెమ్మన్నాను. కానీ ఇక్కడ ఫ్లైటే రెండు గంటలు లేట్ అయింది అని అంటాడు సామ్రాట్. అప్పుడు తులసి అయితే నందు గారు ఇంకా రావాల్సిన అవసరం లేదా అని అంటుంది. పిలిచాను కదా ఇప్పుడు వద్దంటే బాగోదు.పోనీ లెండి రానివ్వండి మీకు ఏమైనా అభ్యంతరమా? అని అడుగుతాడు సామ్రాట్. ఏమీ లేదు అని అంటుంది తులసి.ఫ్లైట్ కి టైం అయిపోతుంది అని ఉదయం ఏమి తినలేదు, ఏమైనా తిందాము అని సామ్రాట్ అనగా తులసి, నేను పులిహార చేశాను అని చెప్పి డబ్బా తీస్తుంది. ఇక్కడ పులిహోర తింటే నవ్వుతారండి అని సామ్రాట్ అంటాడు.
 

ఇంతలో ఆ పులిహోర వాసనలు సామ్రాట్ కి వచ్చి అందులో ఆవపెట్టారా? అని అడిగి డబ్బా లాక్కొని అంతా తినేస్తాడు. తినేసిన తర్వాత అయ్యో మీకు ఏమి ఇవ్వలేదు సారీ అని అంటాడు.తులసి నవ్వుతూ, పర్లేదు నేను ప్లైన్ లో తింటాను అని అంటుంది.ఆ తర్వాత సీన్లో ఇంట్లో అభి షర్ట్ ఐరన్ చేసుకొని హాస్పిటల్ కి వెళ్ళడానికి రెడీ అవుతాడు. ఈలోగా అంకిత ఆ షర్ట్ ని నలిపేస్తుంది. ఇప్పుడు నలిగిన బట్టలు నేనెలా వేసుకుంటాను అంకిత అని కోపంతో అంటాడు అభి. ఇక్కడ నలిగిన బట్టల్లే నువ్వు చూస్తున్నావు గాని అక్కడ తులసి ఆంటీని నువ్వు అన్న మాటలు కు నలిగిన మనసుల గురించి ఆలోచించట్లేదు. ఆవిడ క్యారెక్టర్ తెలిసి కూడా అలా ఎలా మాట్లాడగలుగుతున్నావ్ అభి? అని తిడుతుంది అంకిత.
 

నేను ఇక్కడికి వచ్చి నిన్ను తీసుకువెళ్దాం అనుకున్నాను ఇప్పుడు గొడవ పడితే ఇంకా దూరం పెరిగిపోతుంది అని మనసులో అనుకొని, తెలీక అన్నాను నన్ను క్షమించు అంకితం అని చెప్తాడు అభి. అంకిత అక్కడి నుంచి చిరాకుగా వెళ్ళిపోతుంది. ఆ తర్వాత సీన్లో లాస్య నందులు ఎయిర్ పోర్ట్ కి వస్తారు. ఆ సమయంలో తులసి సామ్రాట్ లు నవ్వుకుంటూ మాట్లాడుతూ ఉండగా లాస్య నందుని, చూడు వీళ్ళు ఎంత చక్కగా మాట్లాడుకుంటున్నారో అని  రెచ్చగొడుతుంది. సామ్రాట్ దగ్గరకు వెళ్తారు ఇద్దరు.అప్పుడు లాస్య, నేను వచ్చాను అని షాక్ అయ్యారా అని అంటుంది. దానికి సామ్రాట్, లేదు ఇంఫాక్ట్ నేను చాలా హ్యాపీగా ఉన్నాను చాలా మంది భర్తలు వారి భార్యలను టూర్ తీసుకెళ్లడానికి ఒప్పుకోరు.
 

అలాంటిది మీరు తీసుకెళ్తున్నారు అంటే గ్రేట్ అని నందుని అనగా తులసి నందుని ఒక చూపు చూస్తుంది.ఇంతట్లో ఫ్లైట్ అనౌన్స్మెంట్ వస్తుంది. అందరూ ఫ్లైట్లోకి వెళ్తారు నా సీట్ ఎక్కడా అని తులసి అనగా ఫ్రంట్ సీట్ చూపిస్తాడు సామ్రాట్.ఇంత డబ్బులు ఖర్చు పెట్టి నాకు ఫ్రంట్ సీట్ కొనిపెట్టడం అవసరమా? మీకు ఇన్ని డబ్బులు ఉన్నాయని చెప్పి దాన్ని వృధా చేస్తున్నారు అని తిడుతుంది. అప్పుడు సామ్రాట్ ఇంకెప్పుడు అలా చేయను పోనీ ప్రస్తుతానికి కూర్చోండి అని చెప్పి విండో సీట్ దగ్గర కూర్చోబెడతాడు. దాని పక్క రోలో నందు లాస్యలు కూర్చుంటారు. లాస్య అలాగ నందుని,వాళ్ల గురించి రెచ్చగొడుతూనే ఉంటుంది.
 

ఇంతలో బత్తాయి బాలరాజు అని ఒకడు ఆ ఏరోప్లేన్ లో తగులుతాడు. వాడికి లాస్య నచ్చుతుంది.నందు దగ్గరికి వెళ్లి పక్కన ఒక మంచి అమ్మాయి కనబడిన వెంటనే కూర్చుండిపోవడమేనా, ఇది నా సీట్ అని అంటాడు. ఈలోగా అక్కడున్న ఎయిర్ హోస్ట్రెస్ వచ్చి మీ సీటు వెనకాతల అని చెప్తుంది అప్పుడు బాలరాజు వెనకాతల కూర్చొని వీళ్ళు మాటలు అన్ని ఎటకారంగా వింటూ ఉంటాడు. ఈ లోగా లాస్య నందుతో, చూడు నందు ఇప్పుడు సామ్రాట్ తులసికి సీట్ బెల్ట్ ఎలా పెట్టాలో నేర్పిస్తాడు అని అంటుంది.అప్పుడు నందు చాలా రెచ్చిపోయి కోప్పడతాడు. కానీ లాస్య చెప్పినంతలా అక్కడ ఏం జరగదు. మనం ఉన్నాం కాబట్టి ఇలా మొహమాటపడుతున్నారు నందు అని లాస్య అంటుంది. ఆ తర్వాత సీన్లో తులసి ఇంట్లో వాళ్ళందరూ భోజనానికి కూర్చుంటారు.
 

భోజనం తింటున్నప్పుడు ఒక్కొక్కరి మొఖాలు ఒక్కొక్క రకంగా మారుతాయి. ఏమైంది అని అంకిత అడిగి ఒక ముద్ద తినేసరికి సాంబార్లో వేయాల్సిన ఉప్పు కూరలో రెండోసారి వేసేసాను అని బాధపడుతూ సారీ అని చెప్తుంది. ఇంట్లో వాళ్ళందరూ పోనీలే అమ్మ నేర్చుకుంటే అదే వస్తుంది అని అంటారు. అప్పుడు అభి ఇందులో నీ తప్పేమీ లేదు అంకిత ఏమీ తెలియని నీకు, అమ్మాయి భారం బాధ్యతలు అన్నీ వదిలేసింది.హాయిగా వైజాగ్ వెళ్లిపోయింది అని అంటాడు. ఇంట్లో వాళ్ళందరూ అభిని తిడతారు.అప్పుడు వాళ్ళ తాతయ్య నీకు అన్నీ మీ నాన్న పోలికలే వచ్చేరా అంటే, నాన్న ఏమి అంత రాక్షసుడు కాదు మీరు అందరూ నాన్నని విలన్ చేస్తున్నారు అని అంటాడు. అప్పుడు ప్రేమ్ కనీసం తింటున్నప్పుడైనా మనశ్శాంతిగా తిననివ్వరా అని అంటాడు. ఇంతటితో ఎపిసోడ్ ముగుస్తుంది. పర్వాయ భాగంలో ఏం జరిగిందో తెలియాలంటే రేపటి వరకు ఎదురు చూడాల్సిందే!!