Intinti Gruhalakshmi: తులసిని ఇరుకున పెట్టిన లాస్య.. సామ్రాట్ ను డిమాండ్ చేస్తున్న అనసూయ!

Intinti Gruhalakshmi: బుల్లితెరపై ప్రసారమవుతున్న ఇంటింటి గృహలక్ష్మి  (Intinti Gruhalakshmi) సీరియల్ మంచి కాన్సెప్ట్ తో కొనసాగుతుంది. భర్తతో విడిపోయి కుటుంబం కోసం ఒంటరిగా పోరాడే మహిళ కాన్సెప్ట్ తో ప్రసారం అవుతున్న ఈ సీరియల్ ఈరోజు అక్టోబర్ 4వ తేదీ ఎపిసోడ్ లో ఏం జరిగిందో హైలెట్స్ తెలుసుకుందాం.. 

ఈరోజు ఎపిసోడ్ ప్రారంభంలోనే..తులసి ఝాన్సీ నీ, ఎవరు ఈ పనిని నీ చేత చేయించారు నిజం చెప్పు లేకపోతే సామ్రాట్ గారికి నీ పేరు బయట పెట్టాల్సి వస్తుంది అని బెదిరిస్తుంది. అప్పుడు ఝాన్సీ, సామ్రాట్ గారి దగ్గరికి వెళ్దాము నిజంగానే ఈ పని నేనే చేశాను అని ఒప్పుకొని రిజైన్ చేసేస్తాను. ఈ పనిని నా చేత ఎవరు చేయించలేదు అని అంటుంది. అప్పుడు తులసి చిరాకుగా అక్కడ నుంచి తన క్యాబిన్లోకి వెళ్లి సామ్రాట్ అన్న మాటలు గురించి బాధపడుతూ ఉంటుంది.ఇంతలో సామ్రాట్ వాల్ల బాబాయ్ అక్కడికి వచ్చి, సామ్రాట్ కోపంగా ఉంటే ఇలాగే ఉంటాడు. తర్వాత నచ్చచెప్తాము.

 ఇవి మనసులో పెట్టుకొని సాయంత్రం పార్టీకి రావడం మర్చిపోకు అని అంటాడు.ఆ తర్వాత ఝాన్సీ,సామ్రాట్  దగ్గరికి వెళ్లి నేను రిజైన్ చేస్తున్నాను సార్ అని అంటుంది. ఎందుకు? తులసి గారి చేత ఫైల్ కి సంతకం పెట్టించమని చెప్పింది నేనే కదా నువ్వెందుకు రీసైన్ చేయడం అని అనగా, చెప్పింది మీరైనా ఇప్పుడు తులసి గారు ఆ నింద మోస్తున్నందుకు నాకు రిగ్రెట్ గా ఉన్నది సార్. అయినా మీరు చెప్పారని ఆ పని చేశాను కానీ ఎందుకలా చేపించారు అని అడుగుతుంది ఝాన్సీ. అప్పుడు సామ్రాట్ మనసులో, నీకు ఎలా చెప్పను.

 నా నుంచి,కంపెనీ నుంచి తులసి గారీని దూరంగా ఉంచడానికి ఇలా చేశాను అని మనసులో అనుకొని, నేను ఏం చేసినా తులసి గారి మంచి గురించే అని ఝాన్సీ తో అంటాడు సామ్రాట్. ఆ తర్వాత సాయంత్రం అందరూ పార్టీకి వస్తారు.అప్పుడు సామ్రా,ట్ తులసి వాళ్ళు ఇంకా రాలేదు అని ఎదురుచూస్తూ ఉంటాడు. ఇంతలో తులసి వాళ్ళు అక్కడికి వస్తారు. వాళ్ళతో పాటు నందు, లాస్యలు కూడా వస్తారు. మా కోసమే ఎదురు చూస్తున్నారా అని దివ్య అనగా,అవును నీకోసమే ఎదురు చూస్తున్నాము. మా హనీ తులసి లేకపోతే రెడీ అవ్వను అని అంటుంది అని అంటాడు సామ్రాట్ వాళ్ళ బాబాయ్.

అప్పుడు తులసి,హనీ దగ్గరికి వెళ్తుంది. తర్వాత నందు,పరంధామయ్య నీ పలకరించగా,పరంధామయ్య  తిరిగి మాట్లాడడు.నేను పలకరించిన మాట్లాడలేనంత తప్పు ఏం చేసాను నాన్న అని అనగా, వయసు అయిపోతుంది కదా అని చెప్పి నా ఆత్మగౌరవాన్ని పోగొట్టుకుంటాను అనుకోవద్దు అని అంటాడు పరంధామయ్య. ఇంతలో లాస్య, పూర్వ నాటకాల్లో ఇద్దరు కృష్ణులు ఉండేవారు. ఒకరు వెళ్ళిపోతే ఇంకొకరు. ఇప్పుడు మొదటి కృష్ణుడు అయిపోయాడు కదా, రెండో కృష్ణుడు ఇంటికి త్వరలోనే వస్తాడు అని అంటుంది. దానికి అనసూయక కోపం వచ్చి,నీ మనసులో అనుకుంటుందే బయటికి అవుతాది అని కలలు కనొద్దు లాస్య.

పందెం కట్టినంత తేలిక కాదు గెలవడం అని చెప్తుంది. ఆ తర్వాత తులసి వెళ్లి హనీ ని రెడీ చేస్తుంది. అప్పుడు హనీ రెడీ అయ్యి మురిసిపోతూ ఉంటుంది. ఇంతలో సామ్రాట్ అక్కడికి వస్తాడు. డ్రెస్ చాలా బాగుంది అని అంటాడు. కదా! తులసి ఆంటీ డ్రెస్ చాలా బాగా కొన్నారు థాంక్యూ అంటుంది హనీ.అప్పుడు సామ్రాట్ కి అనసూయ అన్న మాటలు గుర్తొచ్చి, నేను నీకు మంచి గౌన్ ను తెచ్చాను అమ్మ అది వేసుకొ అని అంటాడు సామ్రాట్. ఇప్పుడే కదా ఈ డ్రెస్ బాగుంది అన్నావు, తులసి ఆంటీ నాకోసం తెచ్చారు. అప్పుడే ఎందుకు ఇది వేసుకోమంటున్నావు అని అడుగుతుంది.

 అప్పుడు సామ్రాట్ కోప్పడి, నా కూతురు నేను ఎంచుకున్న డ్రెస్ వేసుకుంటాది అని నాకు ఉంటుంది కదా అని సామ్రాట్ అంటాడు. అప్పుడు తులసి మనసులో, సామ్రాట్ గారు నిమిషానికి ఒకలా ప్రవర్తిస్తున్నారు,ఈయన ప్రవర్తన కొత్తగా ఉంది అని అనుకుంటుంది. ఆ తర్వాత సామ్రాట్ ఆ గదిలో నుంచి కిందకి వస్తున్నప్పుడు అనసూయ అక్కడికి వస్తుంది. పుట్టినరోజుని చాలా బాగా సెలబ్రేట్ చేస్తున్నావు కానీ, వెళ్తూ వెళ్తూ బయట వాళ్ళు ఏమనుకుంటున్నారో వింటే చెవిలో నుంచి రత్తాలు కారుతున్నాయి. నాకు ఇప్పుడు అదే పని అవుతుంది.

నేను నీకు అన్ని చెప్పినా నువ్వు ఇప్పటికి వచ్చి ఏ నిర్ణయం తీసుకోలేదు, వదిలేస్తే వయసు అయిపోయేదాకా అయినా ఆలోచించడానికి సమయం తీసుకుంటావేమో? అందుకే చెప్పడానికి వచ్చాను అని అనగా, మీకు నా మీద నమ్మకం లేదా అని సామ్రాట్  అడుగుతాడు. నమ్మకం ఉంది కానీ ఈ పరిస్థితులను చూస్తే నమ్మాలి అనిపించడం లేదు త్వరగా మీరు ఇచ్చిన మాట నిలబెట్టుకుంటే మంచిది అని అనసూయ అంటుంది. ఇంతటితో ఎపిసోడ్ ముగుస్తుంది.తరువాయి భాగం లో  ఏం జరిగిందో తెలియాలంటే రేపటి వరకు ఎదురు చూడాల్సిందే!