ప్రెగ్నెంట్ అయిన అనసూయ.. షాకింగ్ లుక్ వైరల్..
ఎప్పటికప్పుడు గ్లామర్ ఫోటోలను పంచుకుంటూ అలరిస్తున్న అనసూయ.. తన అభిమానులకు, నెటిజన్లకు షాకిచ్చింది. ఉన్నట్టుండి ప్రెగ్నెంట్ లుక్లో కనిపించి అభిమానుల గుండెల్లో పెద్ద రాయి వేసింది. తాజాగా ఆమె ప్రెగ్నెంట్తో ఉన్న ఓ పోస్టర్ సామాజిక మాధ్యమాల్లో వైరల్ అవుతుంది. మరి ఇంతకి ఏం జరిగిందనేది చూస్తే..
తెలుగులో హాట్ యాంకర్గా పేరు తెచ్చుకుని ఓ ఊపు ఊపుతున్న అనసూయ బేబీ ఓ వైపు సినిమాలు, మరోవైపు షోస్ చేస్తున్న విషయం తెలిసిందే. అందులో భాగంగా ప్రస్తుతం `థ్యాంక్ యు బ్రదర్` చిత్రంలో నటిస్తుంది.
ఈ చిత్ర ఫస్ట్ లుక్ని విడుదల చేశారు. ఈ పోస్టర్ని హీరో సాయిధరమ్ తేజ్ ఆవిష్కరించారు. ఇందులో అనసూయ ప్రెగ్నెంట్తో కనిపించింది. ఆమెకి జోడిగా అశ్విన్ విరాజ్ నటిస్తున్నారు.
అశ్విన్, అనసూయ ఉన్న ఈ పోస్టర్ సినిమాపై ఆసక్తిని రేకెత్తించడంతోపాటు అన్ను బేబీ ఫ్యాన్స్ ని షాక్కి గురి చేస్తుంది.
ఇప్పటికే
రానా దగ్గుబాటి ఆవిష్కరించిన టైటిల్ పోస్టర్కు మంచి స్పందన అందుకున్న 'థ్యాంక్ యు బ్రదర్' టీమ్, ఇప్పుడు క్యాస్ట్ రివీల్ పోస్టర్తో ముందుకొచ్చింది.
ఈ పోస్టర్లో ఒక లిఫ్ట్లో ప్రధాన పాత్రధారి అనసూయ భరద్వాజ్ ప్రెగ్నెంట్ లుక్లో, చేతిలో ఫేస్ మాస్క్ పట్టుకొని కోపంగా చూస్తున్నట్లు కనిపిస్తుంటే, ఆమె వెనకే మరో ప్రధాన పాత్రధారి అశ్విన్ విరాజ్ సీరియస్ లుక్లో నిలబడి కనిపిస్తున్నారు.
ఒకరి వెనుక ఒకరు నిల్చొని, పరస్పరం చూసుకుంటున్న తీరు చూస్తుంటే, ఆ ఇద్దరి మధ్య ఏదో గొడవ ఉన్నట్లు అనిపిస్తోంది. ఇందులో అనసూయ ప్రియగా, విరాజ్.. అభిగా కనిపించనున్నారు.
టైటిల్ పోస్టర్ రివీల్ అయినప్పుడు సినిమా కథకూ, లిఫ్ట్కూ ఏదో సంబంధం ఉందనే విషయం అర్థం కాగా, ఇప్పుడు ఆ లిఫ్ట్లో అనసూయ, విరాజ్ ఎడముఖం, పెడముఖం పెట్టుకొని నిల్చొని కనిపించడంతో సినిమా కంటెంట్పై మరింత ఆసక్తి పెరిగింది.
ఉత్కంఠభరిత అంశాలతో ఒక డ్రామ్ ఫిల్మ్గా 'థ్యాంక్ యు బ్రదర్'ను నూతన దర్శకుడు రమేష్ రాపర్తి రూపొందిస్తున్నారు.
జస్ట్ ఆర్డినరీ ఎంటర్టైన్మెంట్స్ పతాకంపై మాగుంట శరత్ చంద్రారెడ్డి, తారక్నాథ్ బొమ్మిరెడ్డి సంయుక్తంగా నిర్మిస్తోన్న 'థ్యాంక్ యు బ్రదర్'.. ప్రమోషనల్ కంటెంట్ను బట్టి చూస్తుంటే అసాధారణ చిత్రంగా అనిపిస్తోంది.
సురేష్ రగుతు సినిమాటోగ్రాఫర్గా పనిచేస్తుండగా, గుణ బాలసుబ్రమణియన్ బ్యాగ్రౌండ్ స్కోర్ అందిస్తున్నారు.
షూటింగ్ పూర్తయిన 'థ్యాంక్ యు బద్రర్' చిత్రానికి సంబంధించి ప్రస్తుతం పోస్ట్ ప్రొడక్షన్ పనులు జరుగుతున్నాయి.
ఇదిలా ఉంటే అనసూయ ఎప్పటికప్పుడు తన గ్లామర్ ఫోటోలను సోషల్ మీడియా వేదికగా పంచుకుంటూ అలరిస్తున్న విషయం తెలిసిందే.
మరోవైపు `జబర్దస్త్` షో సందర్భంగా దిగిన గ్లామరస్ ఫోటోస్ని పంచుకుంటూ కనువిందు చేస్తుంది. నెటిజన్ల ఫాలోయింగ్ని పెంచుకుంటుంది. ఇదిలా ఉంటే మరి అనసూయ ఇలా ప్రెగ్నెన్సీ లుక్లో కనిపించడంపై అభిమానులు ఎలా స్పందిస్తారనేది ఆసక్తి నెలకొంది.