అల్లు అర్జున్‌ అతి నమ్మకమే దెబ్బ కొట్టింది.. `వరుడు` డిజాస్టర్‌కి అసలు కారణం ఇదే!

Allu Arjun-Varudu Movie: అల్లు అర్జున్‌ ఎంతో నమ్మి చేసిన మూవీ `వరుడు`. కానీ ఆడియెన్స్ ని నిరాశ పరిచింది. దీనికి గల కారణాలను వెల్లడించారు రైటర్‌ తోట ప్రసాద్‌. బన్నీ నమ్మకమే తేడా కొట్టిందా? 

allu arjun, varudu movie

Allu Arjun-Varudu Movie: ఐకాన్‌ స్టార్‌ అల్లు అర్జున్‌ ఇటీవల `పుష్ప 2`తో సంచలన విజయం సాధించారు. ఈ మూవీ అత్యధిక కలెక్షన్లు సాధించిన చిత్రాల్లో ఒకటిగా నిలిచింది. అయితే బన్నీ కెరీర్‌లో చాలా సినిమాలు డిజాస్టర్‌ అయ్యాయి. వాటిలో `వరుడు` ఒకటి. భారీ అంచనాలతో వచ్చిన ఈ మూవీ నిరాశ పరిచింది. పెళ్లి నేపథ్యంలో తెరకెక్కిన ఈ మూవీ ఆడియెన్స్ అలరించడంలో ఫెయిల్‌ అయ్యింది. 

varudu movie

గుణశేఖర్‌ దర్శకత్వంలో రూపొందిన `వరుడు` చిత్రంలో అల్లు అర్జున్‌ సరసన భాను శ్రీ మెహ్రా హీరోయిన్‌గా నటించింది. ఆర్య విలన్‌గా నటించాడు. ఐదు రోజుల పెళ్లి వేడుక ప్రధానంగా ఈ మూవీ తెరకెక్కింది. ఇందులో హీరోయిన్‌ ఎవరో చివరి వరకు చూపించలేదు టీమ్‌. డైరెక్ట్ సినిమాలో చూపించాలని ఆ సస్పెన్స్ పెట్టారు. ఇదే సినిమా కొంప ముంచింది. 

అయితే అల్లు అర్జున్‌ బలంగా నమ్మింది ఏంటంటే సెకండాఫ్‌ బ్లాస్ట్ అవుతుందని, ఆడియెన్స్ సర్‌ప్రైజ్‌ అవుతారని భావించారు. ఎందుకంటే హీరోయిన్‌ని పెళ్లిలో అప్పుడే చూపిస్తారు. అది అల్లు అర్జున్‌కే కాదు, ఆడియెన్స్ కి సర్‌ప్రైజింగ్‌గా ఉంటుందని భావించింది టీమ్‌.

బన్నీ నమ్మకం కూడా అదే. కానీ సెకండాఫ్‌ మొత్తం పెళ్లి వైపు కాకుండా యాక్షన్‌ వైపు టర్న్ తీసుకుంటుంది. విలన్‌ వచ్చి పెళ్లి పీఠల మీద నుంచి హీరోయిన్‌ని ఎత్తుకుపోతాడు. తనకు కాబోయే భార్య కోసం అల్లు అర్జున్‌ విలన్‌ని వెంటాడటం, ఇద్దరి మధ్య పోరాటం ఉంటుంది. 

thota prasad

కానీ ఆడియెన్స్ మాత్రం సినిమా అంతా పెళ్లి చుట్టూ ఉంటుందని, పెళ్లి వేడుకని కొత్తగా చూపిస్తారని, అది ఎలా చూపిస్తారో చూడాలనే ఆతృతతో ఉన్నారు. కానీ అ సన్నివేశాలు లేవు. దీంతో డిజప్పాయింట్‌ అయ్యారు.

దీనికితోడు హీరోయిన్‌ ఎవరో సస్పెన్స్ లో పెట్టడంతో ఎంత అందంగా ఉంటుందో అని అంతా భావించారు. కానీ హీరోయిన్‌ కూడా అంత అందంగా అనిపించకపోవడంతో ప్రేక్షకులు పెదవి విరిచారని చెప్పారు ఈ మూవీకి రైటర్‌గా పనిచేసిన తోటప్రసాద్‌. ఆర్‌టీవీ ఇంటర్వ్యూలో ఈ విషయాన్ని వెల్లడించారు. 

varudu movie

అయితే సినిమా షూటింగ్‌ మధ్యలోనే దర్శకుడు గుణశేఖర్‌కి తేడా కొట్టిందట. మనం చూపిస్తున్నది ఒకటి, ఆడియెన్స్ కి రీచ్‌ అవుతున్నది మరోటి. ఇది ఎక్కడికో వెళ్లిపోతుందనిపించిందట. బన్నీ మాత్రం సెకండాఫ్‌ బాగా వర్కౌట్‌ అవుతుందనుకున్నారట. కానీ ఆయన నమ్మకం రివర్స్ అయ్యింది. 2010 మార్చి 31న విడుదలై ఈ సినిమా దారుణంగా డిజాస్టర్‌ అయ్యింది.