దిల్‌రాజుకి బిగ్‌ హ్యాండిచ్చిన బన్నీ.. బోయపాటి, `సలార్‌` డైరెక్టర్‌తో సినిమా.. `ఐకాన్‌` లేనట్టేనా?

అల్లు అర్జున్‌ నెక్ట్స్ సినిమాల విషయంలో ఊహించని విధంగా కొత్త కాంబినేషన్లని సెట్‌ చేస్తున్నారు. అదే సమయంలో దిల్‌రాజుకి హ్యాండిచ్చినట్టు తెలుస్తుంది. `ఐకాన్‌` సినిమాని పక్కన పెట్టాడా? అనే వార్తలు గుప్పుమంటున్నాయి. 

Aithagoni Raju

Hyderabad, First Published Apr 26, 2021, 4:08 PM IST | Last Updated Apr 26, 2021, 4:08 PM IST

• Follow

అల్లు అర్జున్‌ హీరోగా `వకీల్‌సాబ్‌` దర్శకుడు వేణు శ్రీరామ్‌ దర్శకత్వంలో దిల్‌రాజు `ఐకాన్‌` సినిమా చేయాల్సి ఉంది.

కానీ దాని స్థానంలో కొరటాల శివతో సినిమా ప్రకటించాడు బన్నీ. ఇటీవలే అది రద్దయ్యింది. కొన్నాళ్లపాటు ఆ సినిమా లేదనే సమాచారం. కొరటాల శివ ఎన్టీఆర్‌తో సినిమాని ప్రకటించిన విషయం తెలిసిందే.

దీంతో ప్రస్తుతం `పుష్ప` చిత్రంలో నటిస్తున్న బన్నీకి నెక్ట్స్ సినిమా ఏం చేయబోతున్నాడనేది క్లారిటీ లేదు. ఈ నేపథ్యంలో తాజాగా ఓ కొత్త వార్త వైరల్‌ అవుతుంది.`కేజీఎఫ్‌` డైరెక్టర్‌ ప్రశాంత్‌ నీల్‌తో ఓ సినిమా చేయబోతున్నట్టు తెలుస్తుంది. `ఐకాన్‌` కంటే ముందు ఈ `సలార్‌` డైరెక్టర్‌తో సినిమా ఉంటుందట.

ప్రస్తుతం ప్రశాంత్‌ నీల్‌ ప్రభాస్‌తో `సలార్‌` రూపొందిస్తున్నారు. ఇది వచ్చే ఏడాది విడుదల కానుంది. మరి అన్ని రోజులు బన్నీ వెయిట్‌ చేస్తాడా? ఈ లోపు మరే ఇతర సినిమా చేస్తాడా? అన్నది ప్రశ్నార్థకంగా, సస్పెన్స్ గా మారింది.

ఇదిలా ఉంటే బోయపాటి శ్రీను దర్శకత్వంలోనూ ఓ సినిమా చేయబోతున్నట్టు సమాచారం. దీనికి సంబంధించి కూడా వీరి మధ్య చర్చలు జరిగాయాని టాక్‌. బన్నీ ఇమ్మిడియెట్‌గా ఈ సినిమానే ఉండబోతుందనే ప్రచారం జోరందుకుంది. ఆ తర్వాత ప్రశాంత్‌ నీల్‌ సినిమా, అలాగే కొరటాల శివ సినిమా ఉంటాయని టాక్. ఈ లెక్కన `ఐకాన్‌` లేనట్టే అని చెప్పొచ్చు.

ఈ మూడు సినిమాల తర్వాత `ఐకాన్‌` ఉంటుందా? అంటే చెప్పడం కష్టమే. మొత్తంగా `ఐకాన్‌` దాని ట్యాగ్‌లైన్‌ లాగే కనిపించకుండా పోయేలా ఉందనే సెటైర్లు వినిపిస్తున్నాయి సోషల్‌ మీడియాలో. మరి ఏం జరుగుతుందో చూడాలి. ఇదిలా ఉంటే దిల్‌రాజు తమ నెక్ట్స్ సినిమాగా `ఐకాన్‌` ఉంటుందని తెలిపిన విషయం తెలిసిందే. అంటే ఆయన హీరోని మార్చేస్తాడా? అన్నది చూడాలి.

బన్నీ ప్రస్తుతం సుకుమార్‌ దర్శకత్వంలో `పుష్ప` చిత్రంలో నటిస్తున్నారు. రష్మిక మందన్నా హీరోయిన్‌గా నటిస్తున్న ఈ సినిమా ఆగస్ట్ 13న స్వాతంత్ర్య దినోత్సవ కానుకగా తెలుగుతోపాటు హిందీ, తమిళం, కన్నడ, మలయాళంలో ప్యాన్‌ ఇండియా సినిమాగా విడుదల కానుంది.

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి