వాఘా బార్డర్ లో అల్లు అర్జున్.. గౌరవ అథితిగా సైనికులతో కలిసి సందడి.!
ఐకాన్ స్టార్ అల్లు అర్జున్ కుటుంబంతో కలిసి నార్త్ లోని గోల్డెన్ టెంపుల్ ను సందర్శించిన విషయం తెలిసిందే. తాజాగా ‘ఫుష్ప’స్టార్ వాఘా బార్డర్ లోని సైనికుల మధ్య సందడి చేశారు. ఇందుకు సంబంధించిన పిక్స్ వైరల్ అవుతున్నాయి.
‘ఫుష్ఫ : ది రైజ్’ చిత్రంతో అల్లు అర్జున్ (Allu Arjun) ఒక్కసారిగా పాన్ ఇండియా స్టార్ గా ఎదిగాడు. ఈ చిత్రం సౌత్ తో పాటు నార్త్ లోనూ బ్రహ్మండంగా ఆడిన విషయం తెలిసిందే. ముఖ్యంగా హిందీ ఆడియెన్స్ ఈ చిత్రానికి బ్రహ్మరథం పట్టారు. ఫలితం నార్త్ లో అల్లు అర్జున్ కు భారీ ఫ్యాన్ ఫాలోయింగ్ ఏర్పడింది.
అయితే తాజా అల్లు అర్జున్ తన భార్య అల్లు స్నేహారెడ్డి (Allu Sneha Reddy) పుట్టిన రోజు సందర్భంగా నిన్న పంజాబ్ లోని అమృత్ సర్ స్వర్ణ దేవాలయాన్ని (Golden Temple)ను పిల్లలతో కలిసి సందర్శించారు. ఈ సందర్భంగా ఆలయంలో దర్శనం చేసుకొని, ప్రార్థనలు చేశారు.
అమృత్ సర్ స్వర్ణ దేవాలయంలో ప్రత్యేక ప్రార్థనల అనంతరం అల్లు అర్జున్ కుటుంబ సభ్యులతో కలిసి దగ్గర్లోని వాఘా సరిహద్దుకు వెళ్లిపోయారు. పాకిస్థాన్ - భారత్ బార్డర్ లోని వాఘా చెక్ పోస్ట్ వద్ద బీఎస్ఎఫ్ జవాన్లతో కలిసి సందడి చేశారు. భార్య స్నేహా రెడ్డి పుట్టిన రోజు సందర్భంగా కుటుంబంతో సైనికులతో సమయం గడిపారు.
క్రమం తప్పకుండా ప్రతిరోజు బార్డర్ సైనికులు చేసే కవాతులో బన్నీ గౌరవ అతిథిగా పాల్గొన్నారు. ఆయన వెంట అల్లు స్నేహారెడ్డి, పిల్లలు అయాన్, అర్హా కూడా ఉన్నారు. ఈ సందర్భంగా కుటుంబంతో కలిసి అల్లు అర్జున్ సైనిక సిబ్బందితో గ్రూప్ ఫొటో దిగారు. ఐకాన్ స్టార్ సోల్జర్స్ తో సరదాగా గడపటం పట్ల హ్యాపీగా ఫీలయ్యారు.
అప్పటికే ఆర్మీ పట్ల, దేశం పట్ల అల్లు అర్జున్ ఎంతటి గౌరవం చూపిస్తారో తెలిసిందే. ఈ సందర్భంగా సైనికులతో కలిసి అల్లు అర్జున్ సరదగా కనిపించడం పట్ల ఆయన అభిమానులు ఫుల్ ఖుషీ అవుతున్నారు. ప్రస్తుతం ఇందుకు సంబంధించిన ఫొటోలు, వీడియోలు ఇంటర్నెట్ లో వైరల్ అవుతున్నాయి.
ప్రస్తుతం అల్లు అర్జున్ ‘పుష్ఫ : ది రూల్’ (Pushpa The Rule) చిత్రంలో నటిస్తున్నారు. క్రియేటివ్ దర్శకుడు సుకుమార్ తెరకెక్కిస్తున్నారు. నేషనల్ క్రష్, స్టార్ హీరోయిన్ రష్మిక మందన్న హీరోయిన్ గా నటిస్తోంది. మరికొద్ది రోజుల్లోనే చిత్ర షూటింగ్ కూడా ప్రారంభం కానుంది. Pushpa 2ను మరింత గ్రాండ్ గా తెరకెక్కించబోతున్నారు.