చీర కట్టుకుని ఆ పని చేయలేక పోయిన అల్లు అర్జున్, పుష్ప 2 లో అదే హైలెట్ అంట..
సినిమా కోసం ఎంత కష్టపడటానికైనా వెనకాడడు టాలీవుడ్ ఐకాన్ స్టార్ అల్లు అర్జున్. ఈసారి పుష్పకోసం అంతకు మించి చేయబోతున్నాడు బన్నీ. ఈక్రమంలో ఎవరూ చేయని సాహసం చేసి.. శభాష్ అనిపించుకున్నాడు.
ఆస్కార్ టార్గెట్ గా.. 1000 కోట్లు కలెక్షన్ మార్క్ ను క్రాస్ చేయాలని పట్టుదలతో ఉన్నారు పుష్ప2 టీమ్. సుకుమార్ పక్కాగా ప్లాన్ గీయగా.. అల్లు అర్జున్ దాన్ని అమలుపరుస్తూ.. పట్టుదలతో ముందుకు సాగుతున్నారు. కాస్త ఎక్కువగా టైమ్ తీసుకున్నా.. పాన్ ఇండియా ఎదురు చూపులకు తగ్గట్టుగా సినిమాను సిద్ధం చేస్తున్నారు.
ఇక రీసెంట్ గా బన్నీ బర్త్ డే సందర్భంగా రిలీజ్ చేసిన టీజర్.. సినిమా అంచనాలను అమాంతం పెంచేసింది. అంతే కాదు ఈసారి బన్నీ చీరకట్టులో.. అమ్మవారి గెటప్ లోకనిపించి అదరగొట్టాడు. చీరలో ఆయన చేసిన ఫైటింగ్ కు ఫిదా అయ్యారు ఫ్యాన్స్ . అయితే ఈ చీరకట్టు లో ఫైటింగ్ అంత ఆషామాషి వ్వవహారం కాదు.
ఇక తాజాగా తెలిసిన సమాచారం ప్రకారం అల్లు అర్జున్ చీరకట్టులో ఫైట్ సీన్స్ కు చాలా చాలా కష్టపడ్డారట. చీరకట్టుకుని నడవటమే చాలా కష్టం. అలవాటు లేనివారికి చాలా ఇబ్బంది అనిపిస్తుంది. అటువంటిది.. చీరమీద ఫైట్ చేయడం అంటే అంత వీజీ కాదు.. అంత డెడికేషన్ చూపించే.. బన్నీకే చాలా ఇబ్బంది అనిపించిందట.
ఇక ఈ చీరఫైట్ కోసం అల్లు అర్జున్... ఒకటి కాదు రెండు కాదు ఏకంగా 51 టేకులు తీసుకున్నట్లు సమాచారం అందుతుంది . అల్లు అర్జున్ డెడికేషన్ లెవెల్స్ ఏ రేంజ్ లో ఉంటాయి అని చెప్పడానికి ఈ ఒక్క ఎగ్జాంపుల్ చాలు. అంత ఇమేజ్ ఉన్న హీరో చీరకట్టడం అంటే.. ఎంత పెద్ద సాహసం అనుకోవాలి.
అలాంటిది పాన్ ఇండియా లెవెల్ లో పబ్లిసిటీ పాపులారిటీ సంపాదించుకున్నాక చీర కట్టుకున్న అల్లు అర్జున్ అలాంటి ఫైట్ చేయడం కోసం 51 టేకులు తీసుకొని మరి జనాలను మెప్పించబోతున్నాడు అంటే ఆయన సినిమా కోసం ఎంత పరితపిస్తున్నారో అర్ధం అవుతోంది.
ప్రపంచవ్యాప్తంగా ప్రేక్షకులు ఎప్పుడెప్పుడా అని ఎదురు చూస్తున్న పుష్ప2 సినిమా రిలీజ్ కు రెడీ అవుతోంది. అగస్ట్ 15న ఆడియన్స్ ముందుకు రాబోతోంది. ఇక త్వరలో ప్రమోషన్లు కూడా స్టార్ట్ చేయబోతున్నారట టీమ్.
పాన్ ఇండియా రేంజ్ లో.. 5 భాషల్లో డిఫరెంట్ గా సినిమాను ప్రమోట్ చేసే ప్రణాళిక రూపొందించారట టీమ్.
మరి పుష్పరాజ్ ఈసారి కూడా అలరిస్తాడా లేదా చూడాలి.