అప్పుడు 'ఊ అంటావా', ఇప్పుడు 'కిస్సిక్'.. అల్లు అర్జున్, శ్రీలీల మోత మోగించేలా ఉన్నారే 

రోజు రోజుకి పుష్ప 2 హంగామా పెరుగుతోంది. రోజుకొక న్యూస్ తో పుష్ప 2 సోషల్ మీడియాలో హాట్ టాపిక్ అవుతోంది. మొన్నటి వరకు పుష్ప 2 నుంచి దేవిశ్రీ ప్రసాద్ ని పాక్షికంగా తప్పించారు అనే న్యూస్ పై చర్చ జరిగింది. బిజియం కోసం దేవీశ్రీని కాకుండా తమన్, సామ్ సీఎస్, అంజనీష్ లోకనాథ్ లని తీసుకున్నారు. 

ఇప్పుడు పుష్ప 2 చిత్రానికి సంబంధించిన ఐటెం సాంగ్ గురించి నెటిజన్లు మాట్లాడుకుంటున్నారు. పుష్ప 2 చిత్రంలో శ్రీలీల ఐటెం సాంగ్ చేస్తోంది. మొదటి భాగంలో సమంత చేసిన ఊ అంటావా అనే ఐటెం సాంగ్ దేశ వ్యాప్తంగా మాస్ ఆడియన్స్ ని ఉర్రూతలూగించింది. ఇప్పుడు పుష్ప 2లో శ్రీలీల చేయబోయే సాంగ్ ఎలా ఉంటుందో అని అంతా ఆసక్తిగా ఎదురుచూస్తున్నారు. 

ప్రస్తుతం ఈ సాంగ్ షూటింగ్ హైదరాబాద్ లో జరుగుతోంది. షూటింగ్ కి సంబంధించిన దృశ్యాలు లీక్ అయ్యాయి. దీనితో చిత్ర యూనిట్ కి షాక్ తప్పలేదు. లీక్ అయిన దృశ్యాల్లో అల్లు అర్జున్ రెడ్ డ్రెస్ లో.. శ్రీలీల హాట్ హాట్ గా బ్లాక్ డ్రెస్ లో కనిపిస్తున్నారు. 

పిక్స్ లీక్ కావడంతో చిత్ర యూనిట్ అలెర్ట్ అయింది. ఈ సాంగ్ పేరుని అధికారికంగా చిత్ర యూనిట్ ప్రకటించారు. ఆ పాట 'కిస్సిక్' అనే పేరుతో మొదలవుతుంది అని తెలిపారు. ఇది సాంగ్ ఆఫ్ ది ఇయర్ అని చిత్ర యూనిట్ అభివర్ణించారు. మరి ఊ అంటావా సాంగ్ ని మించే స్థాయిలో కిస్సిక్ ఉంటుందో లేదో మరికొన్ని రోజుల్లో తేలనుంది. ఈ పాటని పుష్ప 2 రిలీజ్ కి కొన్ని రోజుల ముందు విడుదల చేయనున్నారు.