Indrajaa: ఆడవారే ఇప్పుడు ఎక్కువగా మోసం చేస్తున్నారు.. నటి ఇంద్రజ షాకింగ్ కామెంట్
హీరోయిన్ ఇంద్రజ ఆడవాళ్లపై షాకింగ్ కామెంట్స్ చేశారు. ఇప్పుడు అబ్బాయిలే కాదు, అమ్మాయిలు కూడా మోసం చేస్తున్నారని, అలాంటి వారే ఎక్కువగా తయారయ్యారని తెలిపారు.
జడ్జ్ గా ఆకట్టుకుంటోన్న ఇంద్రజ
ఒకప్పుడు స్టార్ హీరోయిన్గా రాణించింది నటి ఇంద్రజ. ఇప్పుడు జడ్జ్ గా ఆకట్టుకుంటోంది. మరోవైపు సినిమాల్లోనూ కీలక పాత్రలు పోషిస్తూ మెప్పిస్తుంది. ఇటు బిగ్ స్క్రీన్ని, అటు స్మాల్ స్క్రీన్ని బ్యాలెన్స్ చేస్తోంది. తనదైన అందంతోపాటు, మంచి మాటలతోనూ అందరిని ఆకట్టుకుంటోంది. ఇప్పటికీ తన హుందాతనాన్ని చాటి చెబుతోంది ఇంద్రజ. ఈ క్రమంలో ఆమె తాజాగా ప్రేమపై, మగాళ్లపై, అదే సమయంలో అమ్మాయిలపై హాట్ కామెంట్ చేసింది.
ప్రేమ గుడ్డిది, మోసం చేస్తాడని తెలిసినా వాడే కావాలి
తాజాగా ఓ ఇంటర్వ్యూలో ఆమె మాట్లాడుతూ, ప్రేమ గుడ్డిది అని పెద్దలు ఊరికే చెప్పలేదని, ప్రేమ విషయంలో మాత్రం ఎదుట ఉన్నవాడు తప్పుడు మనిషి, నన్ను బాగా వాడుకుంటున్నాడు, వీడు నన్ను నడిరోడ్డుపై నిలబెట్టి వెళ్లిపోతాడు, వాడి గురించి ఎన్ని రకాలుగా తెలిసినా కూడా, మళ్లీ మళ్లీ ఆ గుహలోనే పడేందుకు ప్రయత్నిస్తామని చెప్పింది ఇంద్రజ. అలాంటివాళ్లని ఎందుకు ప్రేమిస్తామో తెలియదు, మంచిగా చూసుకుని, రెస్పాన్సిబుల్గా ఉన్న వాళ్లపై మనకు ఎందుకు ప్రేమ రాదో తెలియదు, ఎంత ఇబ్బంది పెట్టినా, ఇబ్బంది పడినా, నేను మార్చుకుంటాం. నా ప్రేమ వల్ల మారిపోతాడమనే మూఢనమ్మకం మరోటి లేదని చెప్పింది ఇంద్రజ.
నాలుగు మాటలు ప్రేమగా మాట్లాడితే చాలు
ఈ సందర్బంగా మగాళ్లని మార్చడం ఎవరికి వల్ల కాదని చెప్పింది. ఆడవాళ్లు నాలుగు మంచి మాటలు, మాయ మాటలు చెబితే పడిపోతారు, ఏదైనా తనకు ప్రయారిటీ ఇస్తే కరిగిపోతారు. ప్రేమగా చూడటం, నాలుగు మాటలు మాట్లాడటం, వారికోసం టైమ్ కేటాయిస్తే సరిపోతుందని తెలిపింది. అయితే ప్రేమించే అమ్మాయిల గురించి తాను మాట్లాడుతున్నానని వెల్లడించింది. కానీ ఇప్పుడు చాలా మంది అమ్మాయిలు వేరేలా ఉన్నారంటూ షాకింగ్ కామెంట్స్ చేసింది.
అమ్మాయిలే ఎక్కువగా మోసం చేస్తున్నారు
ఆడవాళ్లలో ఇప్పుడు మోసం చేసేవాళ్లే ఎక్కువగా తయారయ్యారు. వాళ్లు ఇప్పుడు మామూలుగా లేరు, ఎవరిని సపోర్ట్ చేసి మాట్లాడటానికి లేని పరిస్థితి ఇప్పుడు ఉంది. ఇప్పటి అమ్మాయిలు మామూలుగా లేరు, అది కూడా భయంగా ఉంది. ఒకప్పుడు అంటే విడదీసి మాట్లాడొచ్చు. కానీ ఇప్పుడు రెండు వైపులా ఉన్నారు. కానీ ఇంత బాగా ప్రేమించే అమ్మాయికి అలా ప్రేమించే అబ్బాయి దొరకడు. ప్రాణం కంటే ఎక్కువగా ప్రేమించే అబ్బాయిలకు ఇలాంటి అమ్మాయిలు దొరకతారు. ఒకే మనస్థత్వం ఉన్న వారిని ఆ దేవుడు ఎప్పుడూ కలపడు అని వెల్లడించింది ఇంద్రజ. సిగ్నేచర్ స్టూడియోస్కి ఇచ్చిన ఇంటర్వ్యూలో ఇంద్రజ ఈ వ్యాఖ్యలు చేశారు.
