Aamir Khan: పిల్లల సమక్షంలోనే 61 ఏళ్ళ వయసులో మూడో పెళ్లి చేసుకున్న ఆమిర్ ఖాన్..ఫస్ట్ వెడ్డింగ్ ఫోటో ఇదే

బాలీవుడ్ స్టార్ ఆమిర్ ఖాన్, గౌరీ స్ప్రాట్ అధికారికంగా వివాహ బంధంలోకి అడుగుపెట్టారు. ముంబైలో కుటుంబ సభ్యులు, సన్నిహితుల సమక్షంలో వివాహ రిజిస్ట్రేషన్ పూర్తి చేశారు.

Image Credit : Instagram@spicesocial

సంతకాలతో ఆమిర్ ఖాన్ మూడో పెళ్లి

బాలీవుడ్ స్టార్ ఆమిర్ ఖాన్, గౌరీ స్ప్రాట్ అధికారికంగా వివాహ బంధంలోకి అడుగుపెట్టారు. శనివారం మధ్యాహ్నం ముంబైలోని బాంద్రాలో ఉన్న ఆమిర్ ఖాన్ నివాసంలో ఈ జంట తమ వివాహ రిజిస్ట్రేషన్‌ను పూర్తి చేసింది. కుటుంబ సభ్యులు, అత్యంత సన్నిహిత మిత్రుల సమక్షంలో జరిగిన ఈ కార్యక్రమంలో ఆమిర్ ఖాన్ (61), గౌరీ స్ప్రాట్ (47) మధ్యాహ్నం సుమారు 12.45 గంటలకు వివాహ పత్రాలపై సంతకాలు చేశారు. దీంతో వారి జీవితంలో కొత్త అధ్యాయం ప్రారంభమైంది. ఈ వేడుకకు హాజరైనవారి ప్రకారం, వివాహాన్ని అధికారికంగా నమోదు చేసుకున్న సమయంలో ఈ జంట ఎంతో ఆనందంగా, భావోద్వేగంతో కనిపించారు.

Image Credit : INSTAGRAM

పిల్లల సమక్షంలోనే పెళ్లి

ఈ వివాహ కార్యక్రమానికి దాదాపు 150 మంది అతిథులు హాజరయ్యారు. కుటుంబ సభ్యులు, బంధువులు, అత్యంత సన్నిహిత మిత్రులతో పాటు విదేశాల నుంచి వచ్చిన పలువురు కూడా వేడుకలో పాల్గొన్నారు. ఆమిర్ ఖాన్ పిల్లలు జునైద్, ఐరా, ఆజాద్ ఈ కార్యక్రమానికి హాజరయ్యారు. అలాగే గౌరీ స్ప్రాట్ కుమారుడు కూడా ఈ వేడుకలో పాల్గొన్నారు. ఈ ఏడాది ప్రారంభంలోనే తమ సంబంధాన్ని అధికారికంగా ప్రకటించిన ఈ జంట, దాదాపు 25 ఏళ్లుగా ఒకరినొకరు తెలుసుకున్నప్పటికీ, రెండేళ్లకు పైగా ప్రేమలో ఉన్నట్లు ఆమిర్ వెల్లడించిన విషయం తెలిసిందే.

Image Credit : INSTAGRAM

61 ఏళ్ళ వయసులో కొత్త జీవితం

వ్యక్తిగత జీవితంలో ఆమిర్ ఖాన్‌కు ఇది మూడో వివాహం. ఆయన మొదట నిర్మాత రీనా దత్తాను వివాహం చేసుకోగా, వారికి జునైద్, ఐరా అనే ఇద్దరు పిల్లలు ఉన్నారు. అనంతరం 2005లో దర్శకురాలు కిరణ్ రావును వివాహం చేసుకున్నారు. ఈ దంపతులు 2021లో విడిపోయినప్పటికీ, తమ కుమారుడు ఆజాద్ సంరక్షణను కలిసి చూసుకుంటూ కో-పేరెంటింగ్ కొనసాగిస్తున్నారు. ఇప్పుడు గౌరీ స్ప్రాట్‌తో వివాహం చేసుకోవడం ద్వారా ఆమిర్ ఖాన్ తన జీవితంలో కొత్త దశను ప్రారంభించారు.

Image Credit : X

గౌరీ స్ప్రాట్ బ్యాగ్రౌండ్ ఇదే

గౌరీ స్ప్రాట్ స్వస్థలం బెంగళూరు. అయితే ఆమె ఇప్పటివరకు ప్రజల దృష్టికి దూరంగానే ఉంటూ వచ్చారు. ఆమె తల్లి రీటా స్ప్రాట్ గతంలో సెలూన్ యజమానిగా పనిచేశారు. ప్రస్తుతం గౌరీ వెల్‌నెస్, బ్యూటీ రంగంలో కొనసాగుతున్నారు. ఆమె లింక్డ్‌ఇన్ ప్రొఫైల్ ప్రకారం, బ్లూ మౌంటెన్ స్కూల్‌లో చదివిన తర్వాత 2004లో లండన్‌లోని యూనివర్సిటీ ఆఫ్ ది ఆర్ట్స్‌లో స్టైలింగ్ అండ్ ఫొటోగ్రఫీలో ఎఫ్‌డీఏ కోర్సు పూర్తి చేశారు. ప్రస్తుతం ముంబైలోని బీబ్లంట్ సెలూన్‌ను నిర్వహిస్తున్నారు.

Image Credit : SOCIAL MEDIA

సినీ ప్రముఖుల శుభాకాంక్షలు

ఆమిర్ ఖాన్, గౌరీ స్ప్రాట్ తమ వివాహ వేడుకను పూర్తిగా వ్యక్తిగతంగానే నిర్వహించారు. కుటుంబ సభ్యులు, అత్యంత సన్నిహిత మిత్రులకు మాత్రమే ఈ కార్యక్రమాన్ని పరిమితం చేశారు. పెద్ద ఎత్తున వేడుకలు నిర్వహించకుండా ఆత్మీయ వాతావరణంలో తమ వివాహాన్ని అధికారికంగా నమోదు చేసుకున్నారు. ఈ ఏడాది తమ సంబంధాన్ని బహిరంగంగా ప్రకటించిన ఈ జంట, ఇప్పుడు వివాహ బంధంలోకి అడుగుపెట్టడంతో అభిమానులు, సినీ ప్రముఖులు వారికి శుభాకాంక్షలు తెలియజేస్తున్నారు.