నేను నాలో చూడనిది...  మీరు చూశారు... కృతజ్ఞతలు!

2010 ఫిబ్రవరి 26న నాగ చైతన్య రెండవ సినిమాగా విడుదలైంది ఏమాయ చేశావే. రొమాంటిక్ లవ్ ఎంటర్టైనర్ గా దర్శకుడు గౌతమ్ మీనన్ ఈ చిత్రాన్ని తెరకెక్కించారు. ఓ ఫ్రెష్ పేస్ ని హీరోయిన్ గా పరిచయం చేయగా... మొదటి సినిమాతోనే అందరినీ మాయ చేసింది ఆ చిన్నది. ఆమె ఎవరో కాదు సమంత రూత్ ప్రభు. 
 

మొదటి చిత్రమే సూపర్ హిట్. 102కేంద్రాలలో 50రోజులు ఆడింది ఏమాయ చేశావే. సమంతకు డెబ్యూ మూవీ కాగా, నాగ చైతన్యకు డెబ్యూ హిట్.

ఆ ఒక్క సినిమాతో దర్శక నిర్మాతలను తనవైపు తిప్పుకుంది సమంత. అందం, అభినయం మరియు అదృష్టం కలగలిసిన రేర్ కాంబినేషన్ సమంత.

తెలుగులో సమంత ఎంట్రీతోనే హ్యాట్రిక్ హిట్స్ కొట్టారు. ఏమాయ చేశావే తరువాత ఎన్టీఆర్ కి జంటగా నటించిన బృందావనం హిట్ కాగా, ఆ తరువాత మహేష్ కి జంటగా నటించిన దూకుడు బ్లాక్ బస్టర్ హిట్.

దూకుడు మూవీ విజయంతో సమంత స్టార్ హీరోయిన్ లిస్ట్ లో చేరిపోయారు. సమంత ఉంటే సినిమా హిట్ అనుకునేంతలా ఆమె సక్సెస్ రేట్ ఉంది.

దూకుడు తరువాత రాజమౌళి దర్శకత్వంలో నానికి జంటగా సమంత నటించిన ఈగ బ్లాక్ బస్టర్ హిట్.

తెలుగుతో పాటు తమిళంలో కూడా స్టార్ హీరోయిన్ గా ఎదిగారు సమంత. ఏక కాలంలో టాలీవుడ్, కోలీవుడ్ టాప్ స్టార్స్ చిత్రాలలో ఆమె హీరోయిన్ గా నటించారు.

దూకుడు, అత్తారింటికి దారేది, రంగస్థలం వంటి బ్లాక్ బస్టర్ హిట్స్ ఆమె ఖాతాలో ఉన్నాయి.  సోలోగా కూడా భారీ హిట్స్ కొట్టిన ఘనత సమంతది.

2019లో సమంత ప్రధాన పాత్రలో తెరకెక్కిన ఓ బేబీ సూపర్ హిట్ కొట్టింది.  తెలుగు రాష్ట్రాలతో పాటు యూఎస్ లో కూడా ఓ బేబీ సత్తా చాటింది.

వన్ మిలియన్ వసూళ్లు అందుకున్న లేడీ ఓరియెంటెడ్ చిత్రంగా నిలిచింది.

కెరీర్ సక్సెస్ ఫుల్ గా కొనసాగుతున్నప్పుడే సమంత ప్రేమ వివాహం చేసుకున్నారు.

తన మొదటి చిత్ర హీరో నాగ చైతన్యను సమంత గోవాలో 2017లో హిందూ, క్రిస్టియన్ సాంప్రదాయాల్లో పెళ్లి చేసుకున్నారు.

పెళ్లి తరువాత కూడా పాత్రల ఎంపిక విషయంలో బోల్డ్ నెస్ చూపింది సమంత. సూపర్ డీలక్స్ లాంటి ఛాలెంజింగ్ రోల్ చేయడం జరిగింది.

రంగస్థలం, మజిలీ, ఓ బేబీ, జాను వంటి చిత్రాలు సమంత నటనకు కొన్ని మచ్చు తునకలు.

ఇక హోస్ట్ గా కూడా తన పవర్ చూపించారు సమంత. అత్యంత ప్రజాదరణ కలిగిన బిగ్ బాస్ రియాలిటీ షోకి హోస్ట్ గా ఒక ఎపిసోడ్ చేశారు సమంత .

ఆహా యాప్ కోసం సామ్ జామ్ పేరుతో ఓ టాక్ షోని సమంత నిర్వహించడం జరిగింది. చిరంజీవితో పాటు అనేక మంది టాలీవుడ్ స్టార్స్ ని ఇంటర్వ్యూ చేశారు సమంత.

దర్శకుడు గుణశేఖర్ సమంత ప్రధాన పాత్రలో శాకుంతలం అనే భారీ పాన్ ఇండియా మూవీ తెరకెక్కించనున్నారు.

అలాగే సమంత వెబ్ సిరీస్ లో కూడా నటించారు. ఫ్యామిలీ మాన్ 2లో ఆమె నెగెటివ్ షేడ్స్ ఉన్న రోల్ చేయడం జరిగింది.

అమెజాన్ ప్రైమ్ లో ఫ్యామిలీ మాన్ 2 సిరీస్ ప్రసారం కానుంది. మనోజ్ బాజ్ పై, ప్రియమణి ఈ సిరీస్లో ప్రధాన పాత్రలు చేయడం జరిగింది.

11ఏళ్ల కెరీర్ లో నటిగా సమంత అనేక మైలు రాళ్లు చేరుకున్నారు.

ఇక తన మొదటి చిత్రం ఏమాయ చేశావే విడుదలై 11ఏళ్ళు పూర్తి చేసుకున్న సందర్భంగా సమంత ఓ ఎమోషనల్ పోస్ట్ చేశారు.

వీడియో సందేశంలో ఏమాయ చిత్రానికి దర్శకత్వం వహించిన, గౌతమ్ మీనన్, నిర్మాత మంజుల ఘట్టమనేని మరియు హీరో నాగ చైతన్యకు ధన్యవాదాలు తెలిపారు.

తనకు కూడా తెలియని తన ప్రతిభ మీరు గుర్తించారు అంటూ... దర్శకుడు గౌతమ్ మీనన్ ని ఉద్దేసింది అన్నారు .

సమంత ఫ్యాన్స్ అమీర్ మరిన్ని చిత్రాలలో నటించాలని, తమను అలరించాలని కోరుకుంటున్నారు.