సూపర్ హిట్ ‘స్త్రీ 2’ OTT స్ట్రీమింగ్ డేట్ ఫిక్స్

బాలీవుడ్‌ లో ఈ మధ్యకాలంలో సెన్సేషన్ గా నిలిచిన చిత్రం  ‘స్త్రీ 2’. శ్రద్ధాకపూర్ (Shraddha Kapoor), రాజ్‌కుమార్‌ రావు (Rajkummar Rao) జంటగా నటించిన రీసెంట్‌ మూవీ ‘స్త్రీ 2’ (Stree 2). కామెడీ హారర్‌ ఫిల్మ్‌గా తెరకెక్కిన ఈ చిత్రానికి అమర్‌ కౌశిక్ దర్శకత్వం వహించారు.

ఆగస్టు 15న విడుదలైన ఈ చిత్రం బాక్సాఫీస్‌ వద్ద సూపర్ హిట్టై , అదిరిపోయే కలెక్షన్స్‌తో దూసుకుపోతోంది. కేవలం ఎనిమిది రోజుల వ్యవధిలోనే రూ.400 కోట్లు వసూలుచేసి.. అతి తక్కువ సమయంలో ఈ ఘనత సాధించిన బాలీవుడ్‌ మూవీగా నిలిచింది. 
 

ఆగస్టు 15న బాక్సాఫీసు ముందుకొచ్చిన ఈ హారర్‌ కామెడీ మూవీ ఇప్పటి వరకూ రూ. 750 కోట్లకు (గ్రాస్‌)పైగా వసూళ్లు చేసింది. ఈ ఏడాదిలో అత్యధిక కలెక్షన్స్‌ రాబట్టిన రెండో భారతీయ చిత్రమిది. మరోవైపు, అత్యధిక వసూళ్లు రాబట్టిన 11వ భారతీయ సినిమాగా నిలిచింది. ఆ స్దాయి ఘన విజయం సాధించిన చిత్రాన్ని ఓటిటిలో చూద్దామనుకునే వాళ్లకు ఇది శుభవార్తే. ఈ సినిమా ఓటిటి డేట్ ఫిక్సైంది.

బాలీవుడ్ మీడియా వర్గాల నుంచి అందుతున్న సమాచారం మేరకు ఈ చిత్రం  సెప్టెంబర్ 27 నుంచి ప్రముఖ ఓటీటీ ప్లాట్ ఫామ్ అమెజాన్ ప్రైమ్ వీడియోలో స్ట్రీమింగ్ కాబోతున్నట్లు తెలుస్తోంది. స్త్రీ 2 చిత్రం ఓటీటీ రిలీజ్ డేట్ పై త్వరలోనే అఫీషియల్ అనౌన్మెంట్ రానున్నట్లు సమాచారం.

స్త్రీ 2 సినిమాను హిందీతోపాటు తెలుగు, తమిళం, మలయాళం, కన్నడ భాషలలోనూ రిలీజ్ కానున్నట్లు తెలుస్తోంది. హారర్ కామెడీ నేపథ్యంలో తెరకెక్కించిన ఈ సినిమా స్టార్టింగ్ నుంచి ఎండింగ్ వరకు నవ్విస్తూనే భయపెడుతుంది కాబట్టి ఓటిటిలలోనూ బాగానే ఆకట్టుకుంటుందని నమ్ముతున్నారు. 
 

చిత్రం కథేంటి

స్త్రీ’కి సీక్వెల్ గా  తెరకెక్కిన చిత్రమే ‘స్త్రీ 2’. పార్ట్‌-1లో నటించిన నటీనటులతోనే దర్శకుడు అమర్‌ కౌశిక్‌ దీనిని రూపొందించారు. చందేరీ గ్రామంలో ‘స్త్రీ’ సమస్య తొలగిందని అందరూ ఊపిరి పీల్చుకునేలోగా ‘సర్కట’తో కొత్త సమస్య మొదలవుతుంది. గ్రామంలో మోడ్రన్‌గా ఉండే అమ్మాయిలను ఇబ్బందులు పెడుతుంటాడు సర్కట.

ఈ సమస్యను విక్కీ (రాజ్ కుమార్ రావు), రుద్ర (పంకజ్ త్రిపాఠి), జన (అభిషేక్ బెనర్జీ), బిట్టు (అపర్ శక్తి )తోపాటు శ్రద్ధా కపూర్ ఎలా ఎదుర్కొంటారు? అనే కథాంశంతో తెరకెక్కిన చిత్రం ‘స్త్రీ 2’ (Stree 2).
 

‘స్త్రీ 2’ విడుదలయ్యాక.. మూవీ మేకింగ్ గురించి సినీ ప్రముఖులు ప్రశంసల వర్షం కురిపించారు. ‘స్త్రీ’ మాదిరిగానే ‘స్త్రీ 2’ కూడా మంచి ఫన్‌ అందించిందని మూవీ లవర్స్‌ అభిప్రాయపడ్డారు. శ్రద్ధాకపూర్‌ - రాజ్‌కుమార్‌రావు జోడీ మరోసారి హిట్‌ అయ్యిందని కామెంట్స్ చేశారు. ఆగస్టు 15న విడుదలైన పలు స్టార్‌ హీరోల చిత్రాలు ‘వేదా’ (జాన్‌ అబ్రహం), ఖేల్‌ ఖేల్‌ మే (అక్షయ్‌కుమార్‌)కు  ఇది గట్టి పోటీ ఇచ్చింది. 

బిగ్ బాస్ హౌజ్ నుంచి రెండో వారం ఎగ్జిట్ అయ్యేది ఎవరు?
 

 బాలీవుడ్‌కు చెందిన స్టార్‌ హీరోలు షారుక్‌ ఖాన్‌, రణ్‌బీర్‌ కపూర్‌ చిత్రాలు ఈ రికార్డును ఇంత తక్కువ రోజుల్లో అందుకోలేకపోయాయని పలువురి అంచనా. తాజా రికార్డుతో శ్రద్ధాకపూర్‌ కెరీర్‌లో అత్యధిక వసూళ్లు రాబట్టిన చిత్రంగా ఇది నిలవడం విశేషం.

దీనికంటే ముందు సుమారు రూ.400 కోట్లతోనే ‘సాహో’ ఆ జాబితా మొదటి ప్లేస్‌లో ఉండేది. ఈ ఏడాది ఇప్పటివరకూ విడుదలైన చిత్రాల్లో అత్యధిక వసూళ్లు రాబట్టిన చిత్రాల జాబితాలో ‘కల్కి 2898 ఏడీ’ తొలి స్థానంలో ఉండగా.. ‘స్త్రీ 2’ రెండో స్థానాన్ని సొంతం చేసుకుందని అంచనా.