'RRR' లీక్: రామ్ చరణ్ లుక్ కాన్సెప్ట్ పోస్టర్...కేక పెట్టిస్తోంది
బాహుబలి వంటి ప్రతిష్టాత్మక సినిమా తో అంతర్జాతీయ స్థాయిలో గుర్తింపు తెచ్చుకున్నాడు దర్శకధీరుడు రాజమౌళి.. ఆ సినిమా తర్వాత రాజమౌళి తెరకెక్కిస్తున్న చిత్రం ఆర్.ఆర్.ఆర్ ( వర్కింగ్ టైటిల్ మాత్రమే ). పిరియాడిక్ యాక్షన్ డ్రామాగా తెరకెక్కుతున్న ఈ చిత్రంలో రామ్ చరణ్, ఎన్టీఆర్ ప్రధాన పాత్రలలో నటిస్తున్నారు. ఇందులో ఎన్టీఆర్ కొమరం భీమ్ గా నటిస్తుండగా, రామ్ చరణ్ అల్లూరి సీతారామరాజుగా నటిస్తున్నాడు.
ఎంతో పటిష్టమైన భద్రత మధ్య షూట్ చేస్తున్నా ఈ సినిమాకు లీక్ లు తప్పటం లేదు. ఆ మధ్యన ఎన్టీఆర్ పోస్టర్ లీక్ అయితే ఇప్పుడు రామ్ చరణ్ కాన్సెప్టు పోస్టర్ లీకై షాక్ ఇస్తోంది.
ఈ పోస్టర్ లో రామ్ చరణ్ ..బ్రిటీష్ కాలంనాటి అధికారి గా కనిపిస్తున్నారు. ముందుగా కాన్సెప్టు పోస్టర్ డిజైన్ చేసుకుని ఆ తర్వాత షూట్ చేస్తున్నారు. ఇఫ్పుడీ పోస్టర్ లీక్ తో రామ్ చరణ్ ఎలా ఉండబోతున్నాడో అందరికీ అర్దమైంది.
అలాగే ఇంతకు ముందు సైతం ఈ సినిమాలో ఎన్టీఆర్ పాత్రకి సంబంధించిన కొన్ని ఫోటోలు లీక్ అయి సోషల్ మీడియాలో హాల్ చల్ చేస్తున్నాయి..ఈ సినిమాలో ఎన్టీఆర్ కొమరం భీం పాత్రలో నటిస్తున్న సంగతి తెలిసిందే.. అయితే అదే పాత్రలో ఎన్టీఆర్ ఉన్న ఓ వీడియోతో లీక్ అయ్యింది.
అంతేకాకుండా అడవిలో ఎన్టీఆర్ కేవలం డ్రాయర్‌తో కనిపిస్తున్న మరొక ఫోటో కూడా లీక్ అవడంతో చిత్ర యూనిట్ తలలు పట్టుకుంటున్నారు. చిత్ర లీకుల నుంచి బయటపడేందుకు చిత్ర యూనిట్ ఎన్ని జాగ్రత్తలు తీసుకున్నప్పటికి జరగాల్సింది జరిగిపోతుంది.
మరిదీనిపైన చిత్ర యూనిట్ ఎలా స్పందిస్తుందో చూడాలి మరి.. దాదాపుగా 10 బాషలలో ఈ సినిమాని విడుదల చేస్తున్నారు. ఈ సినిమాలో అజయ్ దేవగన్, సముద్రఖని ముఖ్యపాత్రాలలో కనిపించనున్నారు.
బాహుబలి లాంటి బ్లాక్ బస్టర్ హిట్ తర్వాత జక్కన్న చేస్తున్న సినిమా కావడంతో సినిమాపైన భారీ అంచనాలు నెలకొన్నాయి. కీరవాణి సంగీతం అందిస్తున్నారు.
ఇక ఇందులో చరణ్‌కు జోడీగా బాలీవుడ్ భామ ఆలియా భట్ నటిస్తుండగా, తారక్‌కు జోడీగా ఒలీవియా మోరిస్ నటిస్తోంది. ఈ సినిమాని భారీ బడ్జెట్ తో డివివి దానయ్య నిర్మిస్తున్నారు.
శరవేగంగా షూటింగ్ జరుపుకుంటున్న ఈ సినిమాని జూలై 30న భారీ అంచనాల నడుమ రిలీజ్ చేసేందుకు ప్లాన్ చేస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
