Malaika Arora : పాతికేళ్లకే జీవితం ముగిసిపోతుందా? మలైకా అరోరా ఘాటు స్పందన

బాలీవుడ్ నటి, మోడల్ మలైకా అరోరా, నిర్మాత-నటుడు అర్జున్ కపూర్ తో ప్రేమ వ్యవహారం కొనసాగిస్తున్న విషయం తెలిసిందే. అయితే కొంత మంది  నెటిజెన్లు వీరిద్దరి ప్రేమ వ్యవహారం పై కామెంట్లు చేస్తున్నారు. మలైకా అరోరాకు, అర్జున్ కపూర్ కు 12 ఏండ్ల ఏజ్ గ్యాప్ ఉందని కామెంట్లు చేస్తున్నారు. 
 

అయితే వీరి ప్రేమ వ్యవహారానికి స్వస్తి పలుకుతూ త్వరలోనే వీడిపోతారేమోనంటూ పూకర్లు చక్కర్లు కొడుతున్నాయి. ఈ రూమర్లపై  మలైకా అరోరా కొంచెం ఘాటూగానే స్పందించారు. ఈ మేరకు కాంమెంటర్లకు సమాధానంగా ఇన్‌స్టాగ్రామ్‌ స్టోరీస్‌లో ఓ పోస్టు కూడా పెట్టింది.

‘40 ఏండ్లలో ప్రేమలో పడటం సాధారణం విషయంగా భావించండి.  మీ 30 ఏండ్లలో కొత్త కలలను కనుగొని సాధించడాన్ని అంగీకరించండి. 50 ఏండ్లలో మిమ్మల్ని, మీ లక్ష్యాన్ని గుర్తుంచండి.  జీవితం  25 ఏండ్లకే ముగియదు. అలా  ఆలోచించడం, నటించడం మానేద్దాం’ అంటూ భావోద్వేగమైన పోస్ట్ పెట్టారు. అర్జున్ కపూర్ తో తమ రిలేషన్  షిప్ బ్రేకప్ పై వస్తున్న రూమర్లను కొట్టిపారేశారు

అయితే గతంలోనూ వీరిద్దరి ప్రేమ వ్యవహారం త్వరలోనే ముగియనుందనే రూమర్లను అర్జున్ కపూర్ కూడా  ఖండించారు. అయినా మరి కొందరు వారి రిలేషన్ షిప్ పై పెట్టుకున్న అనుమానాలను మలైకా  అరోరా తెంచేశారు.  
 

నాలుగేండ్ల కింద మలైకా ఒక టాక్ షోలో అర్జున్‌తో తనకున్న సంబంధాన్ని తెలిపింది. తనకు  అర్జున్ కపూర్ అంటే ఇష్టం ఉందని బహిర్గతం చేసింది. ఓ ఇంటర్వూల్లో మలైకా అరోరా తమ రిలేషన్ షిప్ పై స్పందిస్తూ  ఇది చాలా సాధారణమైన విషయమన్నారు. ఓల్డ్ ఏజ్ ఉన్న వ్యక్తి  యుక్త వయస్సు గల అమ్మాయితో ప్రేమలో ఉండటం చూడటం లేదా అని ప్రశ్నించింది. ఈ సమాజంలో అమ్మాయి వయస్సు ఎక్కువగా ఉండటం ఇబ్బందికరంగా మారింది అంటూ  ఆవేదన వ్యక్తం చేశారు. 
 

అర్జున్ కపూర్ కూడా ఇటీవల ఓ ఇంటర్వ్యూలో తమ రిలేషన్ షిప్ పై స్పందిస్తూ రిలేషన్ షిప్ లో  వయస్సును చూడటం, సంబంధాన్ని సందర్భోచితంగా  ఎత్తి చూపడం ఒక వెర్రి ఆలోచనగా భావిస్తున్నట్టు తెలిపారు.  ఎంత ట్రోల్స్ చేసినా, ఎన్ని కామెంట్లు  చేసినా మలైకా, అర్జున్ ప్రేమ విషయంలో వయస్సు కేవలం సంఖ్య మాత్రమే. అది కూడా నిరూపితమైందని పేర్కొన్నారు.