రవిచంద్రన్ అశ్విన్ మోడ్రన్ డే లెజెండ్... ఇషాంత్ ఫీల్ అయ్యాడు... విరాట్ కోహ్లీ కామెంట్!
స్వదేశంలో అత్యధిక విజయాలు అందుకున్న భారత సారథిగా రికార్డు క్రియేట్ చేసిన విరాట్ కోహ్లీ, ఆల్రౌండర్ రవిచంద్రన్ అశ్విన్ను ‘మోడ్రన్ డే లెజెండ్’గా అభివర్ణించాడు. మ్యాచ్ అనంతరం ఇచ్చిన ఇంటర్వ్యూలో పిచ్ బ్యాటింగ్కి చక్కగా సహకరిస్తోందని, అయితే ఇరు జట్ల బ్యాటింగ్ ఏ మాత్రం బాగోలేదని బోల్డ్ కామెంట్లు చేశాడు విరాట్ కోహ్లీ...
‘నిజం చెప్పాలంటే పిచ్ బ్యాటింగ్కి చక్కగా సహకరిస్తోంది. బ్యాటు పైకి బంతి వస్తోంది. అయితే ఇక్కడ రెండు టీమ్ బ్యాట్స్మెన్ కూడా ఘోరంగా ఫెయిల్ అయ్యారు. మేం కూడా తొలి ఇన్నింగ్స్ 100/3 ఉన్నాం, కానీ 150 లోపే ఆలౌట్ అయ్యాం...
పిచ్ బాగున్నా బౌలర్లు అద్భుతంగా బౌలింగ్ చేశారు. ముఖ్యంగా 30 వికెట్లలో 21 వికెట్లు స్ట్రైయిక్ బాల్స్ ద్వారా రావడం వింతగా అనిపించింది.. టెస్టు క్రికెట్ అంటే డిఫెన్స్ని నమ్మడం. కానీ రెండు రోజుల్లోనే మ్యాచ్ ముగిసిందంటే డిఫెన్స్ అసలు వర్కవుట్ కాలేదని తెలుస్తోంది...
బుమ్రా, ఇషాంత్ శర్మలకు బౌలింగ్ వేయడానికి అవకాశం రాలేదు... బుమ్రా నా దగ్గరికి వచ్చి, నేను ఆడుతున్నప్పటికీ వర్క్లోడ్ మేనేజ్మెంట్ చేస్తున్నట్టు ఉందని చెప్పాడు...
100వ టెస్టు ఆడుతున్న ఇషాంత్ శర్మ అయితే బౌలింగ్ ఇవ్వడం లేదని చాలా ఫీల్ అయ్యాడు. అయితే అక్షర్ పటేల్ అద్భుతంగా బౌలింగ్ చేస్తున్నప్పుడు, ఏం చేయగలం. చూస్తూ ఉండగానే అంత అయిపోయింది...
బౌలింగ్ ఆప్షన్లు మార్చాలనే ఆలోచన కూడా రాకుండానే త్వరత్వరగా వికెట్లు పడ్డాయి. తొలి ఇన్నింగ్స్లో బౌలింగ్ చేయలేకపోయాడు వాషింగ్టన్ సుందర్. పాపం బ్యాటింగ్లో కూడా పెద్దగా ఆడడానికి అవకాశం రాలేదు..
అందుకే అతనిలో బౌలింగ్ చేయించాలని అనుకున్నా. కానీ అతనికి కేవలం నాలుగు బంతులు మాత్రమే వేసే అవకాశం దక్కింది... జడేజా గాయం కారణంగా తప్పుకున్న తర్వాత అక్షర్ పటేల్ను తీసుకోవాలని అనుకున్నాం...
గుజరాతీ, లెఫ్ట్ ఆర్మ్ స్పిన్నర్లలో ఏదో స్పెషల్ పవర్ ఉన్నట్టుంది. అక్షర్ బౌలింగ్ చేస్తుంటే స్వీప్ చేయలేం, అలాగని డిఫెన్స్ ఆడుతూ ఉండలేం. అతని బౌలింగ్ చాలా డేంజర్...
అక్షర్ పటేల్తో పాటు రవిచంద్రన్ అశ్విన్ సాధించిన దాన్ని కూడా మనం గుర్తించాలి. టెస్టుల్లో అశ్విన్ ఓ మోడ్రన్ డే లెజెండ్... ఓ కెప్టెన్గా, అశ్విన్ లాంటి ప్లేయర్ నా జట్టులో ఉండడం చాలా గర్వంగా ఉంటుంది...
రెండు రోజుల్లోనే టెస్టు ముగియడం వల్ల మూడు రోజుల పాటు విశ్రాంతి తీసుకునే అదనపు అవకాశం దక్కింది. బిజీ షెడ్యూల్లో ఇలాంటి బ్రేక్ రావడం చాలా సంతోషం...’ అంటూ వ్యాఖ్యానించాడు విరాట్ కోహ్లీ...