‘హిట్ మ్యాన్’ రోహిత్ శర్మ ఆస్తులు ఎంతో తెలుసా... యేటా శర్మగారి అబ్బాయి ఎంత ఆదాయం ఆర్జిస్తున్నాడంటే...
సచిన్ టెండూల్కర్, మహేంద్ర సింగ్ ధోనీ, విరాట్ కోహ్లీ... ఈ వరుసలో తర్వాత స్థానం భారత ఓపెనర్ ‘హిట్ మ్యాన్’ రోహిత్ శర్మకే దక్కుతుంది. క్రేజ్, ఫ్యాన్ ఫాలోయింగ్, పాపులారిటీ విషయంలో విరాట్‌తో పోటీపడే రోహిత్ శర్మ, సంపాదన విషయంలో మాత్రం భారత కెప్టెన్ కోహ్లీకి చాలా దూరంలో ఉన్నాడు...
కోహ్లీ కంటే ముందే టీమిండియాలోకి ఎంట్రీ ఇచ్చిన రోహిత్ శర్మ, కొన్నాళ్ల పాటు ఫామ్‌లేమితో జట్టులోకి వస్తూ పోతూ ఉన్నాడు. 2013లో ముంబై ఇండియన్స్‌కి కెప్టెన్‌గా నియమితుడయ్యాక, రోహిత్ కెరీర్‌ పూర్తిగా మారిపోయింది.
2013 నుంచి టీమిండియా వన్డే, టీ20 జట్టులో స్టార్ ప్లేయర్‌గా గుర్తింపు తెచ్చుకున్న రోహిత్ శర్మ, వన్డేల్లో మూడు డబుల్ సెంచరీలు బాది, ఎవ్వరికీ అందనంత ఎత్తులో నిలిచాడు.
టీ20 ఫార్మాట్‌లో నాలుగు సెంచరీలు బాదిన రోహిత్ శర్మ, టెస్టుల్లోనూ రాణించగలనని నిరూపించుకున్నాడు. 2019 వన్డే వరల్డ్‌కప్‌లో వరుసగా ఐదు సెంచరీలు బాది, సరికొత్త చరిత్ర క్రియేట్ చేశాడు..
2021 వరల్డ్ ఛాంపియన్‌షిప్ ఫైనల్‌లో అందరి దృష్టి విరాట్ కోహ్లీ, రిషబ్ పంత్‌, పూజారాలపై ఉన్నప్పటికీ రోహిత్ శర్మ రాణిస్తే, టీమిండియాకి విజయావకాశాలు ఎక్కువగా ఉంటాయని క్రికెట్ విశ్లేషకులకు బాగా తెలుసు.
బీసీసీఐ ప్లేయర్ల సెంట్రల్ కాంట్రాక్ట్‌లో A+ కేటగిరి దక్కించుకున్న ముగ్గురిలో ఒకడిగా ఉన్నాడు రోహిత్ శర్మ. రోహిత్‌తో పాటు విరాట్ కోహ్లీ, జస్ప్రిత్ బుమ్రాలకు మాత్రమే ఏ ప్లస్ కేటగిరీ కాంట్రాక్ట్ దక్కింది.
బీసీసీఐ కాంట్రాక్ట్ ద్వారా రోహిత్ శర్మకు ఏటా రూ.7 కోట్ల రూపాయలు పారితోషంగా అందనుంది. ఇదీకాకుండా టెస్టు మ్యాచ్ ఆడినందుకు ఒక్కో మ్యాచ్‌కి రూ.15 లక్షలు, వన్డే మ్యాచ్ ఆడితే రూ.6 లక్షలు, టీ20 మ్యాచ్‌కి రూ.3 లక్షలు వేతనంగా దక్కుతుంది...
ఐపీఎల్‌లో ముంబై ఇండియన్స్‌కి 8 ఏళ్లలో 5 టైటిల్స్ అందించిన మోస్ట్ సక్సెస్‌ఫుల్ కెప్టెన్ రోహిత్ శర్మ. ఏటా ముంబై ఇండియన్స్, రోహిత్ శర్మకి రూ.15 కోట్ల వేతనాన్ని అందిస్తోంది...
ఇండియన్ ప్రీమియర్ లీగ్ ద్వారా దాదాపు రూ.130+ కోట్లు ఆర్జించిన రోహిత్ శర్మ, ఎమ్మెస్ ధోనీ (రూ.150 కోట్లు) తర్వాత ఎక్కువ మొత్తం ఆర్జించిన రెండో ప్లేయర్‌గా ఉన్నాడు...
ఇదీ కాకుండా జియో వంటి కొన్ని కంపెనీలకు బ్రాండ్ అంబాసిడర్‌గా కూడా వ్యవహారిస్తున్నాడు రోహిత్ శర్మ. ఇలా వ్యాపార ప్రకటనల ద్వారా ఏడాదికి దాదాపు రూ.7 నుంచి రూ.10 కోట్ల వరకూ ఆర్జిస్తున్నాడట శర్మగారి అబ్బాయి..
ఇవీకాకుండా ‘మ్యాన్ ఆఫ్ ది మ్యాచ్’, ‘మ్యాన్ ఆఫ్ ది సిరీస్’ వంటి అవార్డుల ద్వారా వచ్చే మొత్తం అదనం... రోహిత్ శర్మకు ముంబైలో 6000 చదరపు అడగుల విస్తీర్ణంలో విశాలవంతమైన ఇళ్లు ఉంది...
రోహిత్ శర్మ ఇంటి ఖరీదు దాదాపు రూ.30 కోట్ల పైమాటే ఉంటుందట. ఇవీకాకుండా రోహిత్ శర్మకు కార్లంటే చాలా ఇష్టం. ఇప్పటికే మనోడి దగ్గర మెర్సడేంజ్ బెంజ్‌తో పాటు ఏడు రకాల కార్లు కూడా ఉన్నాయి...
ఇలా బీసీసీఐ కాంట్రాక్ట్, మ్యాచ్ ఫీజులు, ఐపీఎల్ ఆదాయం, బ్రాండ్ అంబాసిడర్‌గా వ్యవహారిస్తూ రోహిత్ శర్మ దాదాపు రూ.170 కోట్లకు పైగా ఆర్జిస్తున్నాడట రోహిత్ శర్మ...
అత్యధిక వార్షిక ఆదాయం ఆర్జిస్తున్న క్రికెటర్ల జాబితాలో విరాట్ కోహ్లీ (రూ.600+ కోట్లు) టాప్‌లో ఉండగా, మాజీ సారథి మహేంద్ర సింగ్ ధోనీ (రూ.500+ కోట్లతో) రెండో స్థానంలో ఉండగా రోహిత్ శర్మ మూడో స్థానంలో ఉన్నాడు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
