డబ్ల్యూటీసీ టోర్నీలో ది బెస్ట్ పర్ఫామెన్స్‌లు ఇవే... అందులోనూ, ఇందులోనూ రెండింట్లోనూ మనమే...

వరల్డ్ టెస్టు ఛాంపియన్‌షిప్ టోర్నీ ఫైనల్‌కి ఇంకా మూడు రోజులే ఉంది. రెండేళ్ల పాటు సాగిన ఈ సుదీర్ఘ టోర్నీలో కొన్ని అద్భుతమైన పర్ఫామెన్స్‌లు చూసే అవకాశం క్రికెట్ ఫ్యాన్స్‌కి దక్కింది. ఐసీసీ వరల్డ్ టెస్టు ఛాంపియన్‌షిప్ టోర్నీలో నమోదైన అత్యధిక వ్యక్తిగత స్కోరు, బెస్ట్ బౌలింగ్ ఫిగర్స్ ఇవే...

డేవిడ్ వార్నర్: పాకిస్తాన్‌తో 2019లో జరిగిన టెస్టులో ఆస్ట్రేలియా బ్యాట్స్‌మెన్ డేవిడ్ వార్నర్ 335 పరుగులతో చెలరేగాడు. 418 బంతుల్లో 39 ఫోర్లు, ఓ సిక్సర్‌తో 335 పరుగులు చేసి నాటౌట్‌గా నిలిచాడు. డబ్ల్యూటీసీలో ఇదే అత్యధిక వ్యక్తిగత స్కోరు...

జాక్ కార్లే: ఇంగ్లాండ్ బ్యాట్స్‌మెన్ జాక్ కార్లే, పాకిస్తాన్‌తో జరిగిన టెస్టులో 267 పరుగుల భారీ స్కోరు చేశాడు. సౌంతిప్టన్‌లో జరిగిన ఈ టెస్టులో 393 బంతుల్లో 34 ఫోర్లు, ఓ సిక్సర్‌తో ఈ భారీ స్కోరు చేశాడు కార్లే..

విరాట్ కోహ్లీ: భారత సారథి విరాట్ కోహ్లీ, సౌతాఫ్రికాపై పూణెలో జరిగిన టెస్టులో 254 పరుగులు చేసి నాటౌట్‌గా నిలిచాడు. 336 బంతుల్లో 33 ఫోర్లు, 2 సిక్సర్లతో తన అత్యధిక వ్యక్తిగత స్కోరు నమోదుచేసిన కోహ్లీ, డబ్ల్యూటీసీ టోర్నీలో టీమిండియా నుంచి టాప్ స్కోరర్‌గా నిలిచాడు.

కేన్ విలియంసన్: వెస్టిండీస్‌తో జరిగిన టెస్టు మ్యాచ్‌లో న్యూజిలాండ్ కెప్టెన్ కేన్ విలియంసన్ 412 బంతుల్లో 34 ఫోర్లు, 2 సిక్సర్లతో 251 పరుగులు చేశాడు. కేన్ విలియంసన్ టెస్టు కెరీర్‌లో ఇదే అత్యధిక స్కోరు కావడం విశేషం.

దిముత్ కరుణరత్నే: శ్రీలంక క్రికెటర్ దిముత్ కరుణరత్నే, బంగ్లాదేశ్‌తో జరిగిన టెస్టులో 437 బంతుల్లో 26 ఫోర్లతో 244 పరుగులు చేశాడు....

వరల్డ్ టెస్టు ఛాంపియన్‌షిప్ టోర్నీలో టాప్ స్కోరర్లుగా నిలిచిన టాప్ 5 బ్యాట్స్‌మెన్లలో విరాట్ కోహ్లీ, కేన్ విలియంసన్ ఇద్దరు మాత్రమే కెప్టెన్లు కావడం, వారి జట్లే ఫైనల్‌కి దూసుకురావడం విశేషం.

లసిత్ ఎంబ్లూదియా: ఇంగ్లాండ్‌తో జరిగిన మ్యాచ్‌లో ఒకే ఇన్నింగ్స్‌లో 7 వికెట్లు తీసిన శ్రీలంక యంగ్ స్పిన్నర్ ఎంబ్లూదియా, టోర్నీలో బెస్ట్ బౌలింగ్ ఫిగర్స్ నమోదుచేశాడు. 42 ఓవర్లు బౌలింగ్ చేసి 137పరుగులిచ్చి 7 వికెట్లు తీశాడు ఎంబ్లూదియా....

రవిచంద్రన్ అశ్విన్: సౌతాఫ్రికాతో జరిగిన టెస్టులో ఒకే ఇన్నింగ్స్‌లో 7 వికెట్లు తీశాడు అశ్విన్. అయితే 46.2 ఓవర్లు బౌలింగ్ చేసి 145 పరుగులు ఇవ్వడంతో టోర్నీలో రెండో బెస్ట్ పర్ఫామర్‌గా నిలిచాడు అశ్విన్.

జస్ప్రిత్ బుమ్రా: వెస్టిండీస్‌తో జరిగిన మ్యాచ్‌లో 27 పరుగులు మాత్రమే ఇచ్చి 6 వికెట్లు తీసి సంచలన స్పెల్ వేశాడు జస్ప్రిత్ బుమ్రా...

స్టువర్ట్ బ్రాడ్: ఇంగ్లాండ్ సీనియర్ పేసర్ స్టువర్ట్ బ్రాడ్, వెస్టిండీస్‌పై 31 పరుగులు ఇచ్చి 6 వికెట్లు తీశాడు. ఈ మ్యాచ్‌లో మొత్తంగా 67 పరుగులిచ్చి 10 వికెట్లు పడగొట్టాడు బ్రాడ్.

అక్షర్ పటేల్: ఇంగ్లాండ్‌తో జరిగిన రెండో టెస్టులో ఎంట్రీ ఇచ్చిన అక్షర్ పటేల్, మొదటి మ్యాచ్‌లోనే 38 పరుగులిచ్చి 6 వికెట్లు తీసి అదరగొట్టాడు. ఈ మ్యాచ్‌లో అక్షర్ పటేల్ 70 పరుగులకే 11 వికెట్లు తీసి,... డబ్ల్యూటీసీలో మ్యాచ్‌లో బెస్ట్ బౌలింగ్ ఫిగర్స్ నమోదుచేశాడు.

బెస్టు బౌలింగ్ ఫిగర్స్ నమోదుచేసిన టాప్ 5 బౌలర్లలో ముగ్గురు భారత బౌలర్లే ఉండగా, మిగిలిన ఇద్దరు బౌలర్ల దేశాలు ఫైనల్‌కి అర్హత సాధించలేకపోవడం విశేషం. బౌలింగ్ అండ్ బ్యాటింగ్‌, రెండింట్లోనూ బెస్ట్ ఫిగర్స్ నమోదుచేసింది టీమిండియా ప్లేయర్లే.

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి