బాబర్ అజమ్ నన్ను పెళ్లి చేసుకుంటానని నమ్మించి, తల్లిని చేశాడు... చిత్ర హింసలు పెట్టి...
టీ20 క్రికెట్‌లో విరాట్ కోహ్లీ కంటే బెస్ట్ ప్లేయర్ అని చెప్పుకునే పాక్ క్రికెటర్ బాబర్ అజమ్‌పై సంచలన ఆరోపణలు చేసింది ఓ మహిళ. జింబాబ్వే, ఆఫ్ఘాన్ వంటి క్రికెట్ పసికూన దేశాలపై సంచలన ప్రదర్శన ఇచ్చే ఈ పాక్ క్రికెటర్, ప్రస్తుతం న్యూజిలాండ్‌తో టీ20, టెస్టు సిరీస్ కోసం న్యూజిలాండ్‌లో ఉన్నాడు. న్యూజిలాండ్ చేరిన ఏడుగురు పాక్ క్రికెటర్లకు కరోనా సోకడంతో ఆందోళన పడుతున్న బాబర్ అజమ్‌పై సంచలన ఆరోపణలు చేసింది ఓ పాక్ మహిళ.
‘బాబర్ అజమ్ నన్ను పెళ్లి చేసుకుంటానని నమ్మించి మోసం చేశాడు. గర్భవతిని చేసి వదిలించుకోవాలని చూస్తున్నాడు. ఇదేంటని అడిగితే చిత్రహింసలు పెట్టాడు...’ అంటూ బాబర్ అజమ్‌పై ఆరోపణలు చేసిందో మహిళ.
‘బాబర్ అజమ్ నన్ను పెళ్లి చేసుకుంటానని నమ్మించి మోసం చేశాడు. గర్భవతిని చేసి వదిలించుకోవాలని చూస్తున్నాడు. ఇదేంటని అడిగితే చిత్రహింసలు పెట్టాడు...’ అంటూ బాబర్ అజమ్‌పై ఆరోపణలు చేసిందో మహిళ.
అయితే మా పెళ్లికి పెద్దలు అంగీకరించలేదు... దాంతో కోర్టులో పెళ్లి చేసుకోవాలని భావించాం. 2011లో బాబర్ అజమ్‌తో కలిసి నేను ఇంట్లో నుంచి బయటికి వచ్చేశాను.. అతను కోర్టులో పెళ్లి చేసుకుంటానని మాటిచ్చాడు...
అద్దె ఇంట్లో ఉండేవాళ్లం. నన్ను శారీరకంగా తన కోరిక తీర్చుకునేందుకు వాడుకున్న బాబర్ అజమ్... పెళ్లి విషయం ఎత్తితే ఏదో ఒక సాకు చెప్పి వాయిదా వేసేవాడు...
నేను గర్భవతిని అని తెలిసిన తర్వాత రోజు కొట్టేవాడు. చిత్ర హింసలు పెట్టేవాడు. చంపేస్తానని బెదిరించి, నాపై తన కోరికలు తీర్చుకునేవాడు... ’ అంటూ పాక్ కెప్టెన్‌పై తీవ్ర ఆరోపణలు చేసింది సదరు మహిళ.
పాకిస్తాన్‌లో లాహోర్ ఏరియాలో జన్మించిన 26 ఏళ్ల బాబర్ అజమ్... క్రికెట్‌లో ఎంట్రీ ఇచ్చిన కొన్నేళ్లలోనే సత్తా ఉన్న క్రికెటర్‌గా నిరూపించుకున్నాడు... తనపై వచ్చిన ఆరోపణలపై ఇంకా స్పందించలేదీ పాక్ క్రికెటర్.
ఐసీసీ టీ20 ర్యాంకింగ్స్‌లో రెండో స్థానంలో కొనసాగుతున్న బాబర్ అజమ్.. వన్డేల్లో మూడో స్థానంలో ఉన్నాడు. 77 వన్డేలు, 44 టీ20 మ్యాచులతో పాటు 29 టెస్టులు ఆడిన బాబర్ ఆజమ్.. మొత్తంగా 7 వేలకు పైగా పరుగులు చేశాడు.
పాకిస్థాన్ సూపర్ లీగ్‌లో తన కెప్టెన్సీలోని కరాచీ కింగ్స్‌కి టైటిల్ అందించిన బాబర్ అజమ్... న్యూజిలాండ్‌లో క్వారంటైన్ నిబంధనలను అతిక్రమించి వివాదాల్లో నిలిచాడు. పాక్ టీమ్ కరోనా ప్రోటోకాల్‌ను అస్సలు పాటించడం లేదంటూ ఆరోపించింది న్యూజిలాండ్ క్రికెట్ బోర్డు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
