వార్ వన్సైడ్ చేసిన రవీంద్ర జడేజా... ఆర్సీబీ జోరుకి ధోనీ సేన బ్రేకులు... భారీ లక్ష్యచేధనలో...
CSKvsRCB: వరుసగా నాలుగు మ్యాచుల్లో గెలిచి, జోరు మీదున్న రాయల్ ఛాలెంజర్స్ బెంగళూరు దూకుడికి చెన్నై సూపర్ కింగ్స్ బ్రేకులు వేసింది. 192 పరుగుల భారీ లక్ష్యచేధనతో బరిలో దిగిన రాయల్ ఛాలెంజర్స్ బెంగళూరు, రవీంద్ర జడేజా ఆల్రౌండ్ షో కారణంగా చిత్తుగా ఓడింది...192 పరుగుల టార్గెట్తో బరిలో దిగిన ఆర్సీబీ 20 ఓవర్లు ముగిసేసరికి 9 వికెట్లు కోల్పోయి 122 పరుగులకు పరిమితమైంది.
యంగ్ ప్లేయర్ దేవ్దత్ పడిక్కల్ మెరుపులు మెరిపించడంతో రాయల్ ఛాలెంజర్స్ బెంగళూరుకి శుభారంభం దక్కింది. 3 ఓవర్లలోనే 44 పరుగులు చేసి మంచి పోటీ ఇచ్చేలా కనిపించింది ఆర్సీబీ..
అయితే నాలుగో ఓవర్ మొదటి బంతికే విరాట్ కోహ్లీని అవుట్ చేసి సీఎస్కేకి బ్రేక్ అందించాడు సామ్ కుర్రాన్. 7 బంతుల్లో ఓ ఫోర్తో 8 పరుగులు చేసి, ధోనీకి క్యాచ్ ఇచ్చి అవుట్ అయ్యాడు కోహ్లీ...
15 బంతుల్లో 4 ఫోర్లు, 2 సిక్సర్లతో 34 పరుగులు చేసిన దేవ్దత్ పడిక్కల్, శార్దూల్ ఠాకూర్ బౌలింగ్లో సురేశ్ రైనాకి క్యాచ్ ఇచ్చి అవుట్ అయ్యాడు. ఆ తర్వాత వరుస వికెట్లు కోల్పోయింది ఆర్సీబీ...
కీలకమైన మ్యాచ్లో వాషింగ్టన్ సుందర్కి వన్డౌన్ ప్లేయర్గా ప్రమోషన్ ఇవ్వడం కూడా రాయల్ ఛాలెంజర్స్కి కలిసి రాలేదు. 11 బంతుల్లో ఓ ఫోర్తో 7 పరుగులు చేసిన వాషింగ్టన్ సుందర్, రవీంద్ర జడేజా బౌలింగ్లో అవుట్ అయ్యాడు.
ఆ తర్వాత 15 బంతుల్లో 3 ఫోర్లతో 22 పరుగులు చేసిన గ్లెన్ మ్యాక్స్వెల్, రవీంద్ర జడేజా బౌలింగ్లో క్లీన్బౌల్డ్ అయ్యాడు. ఆ తర్వాత డానియల్ క్రిస్టియన్ కూడా జడేజా త్రోకి రనౌట్ అయ్యాడు..
ఆదుకుంటాడని భావించిన ఏబీ డివిల్లియర్స్ 9 బంతుల్లో 4 పరుగులు చేసి రవీంద్ర జడేజా బౌలింగ్లో క్లీన్బౌల్డ్ అయ్యాడు. ఆ తర్వాత హర్షల్ పటేల్ 8 బంతులు ఆడి ఇమ్రాన్ తాహీర్ బౌలింగ్లో డకౌట్ అయ్యాడు...
13 బంతుల్లో ఓ ఫోర్, సిక్సర్తో 16 పరుగులు చేసిన కేల్ జెమ్మీసన్ రనౌట్ కాగా మహ్మద్ సిరాజ్, యజ్వేంద్ర చాహాల్ కలిసి నాలుగు ఓవర్ల పాటు బ్యాటింగ్ చేశారు. సిరాజ్ 14 బంతుల్లో ఓ సిక్సర్తో 12, చాహాల్ 21 బంతుల్లో 8 పరుగులు చేశాడు.
చెన్నై సూపర్ కింగ్స్, రాయల్ ఛాలెంజర్స్ బెంగళూరు మధ్య హోరాహోరీ పోరు సాగుతుందని భావించిన అభిమానులకు రవీంద్ర జడేజా మొదట బ్యాటుతో ఆ తర్వాత బౌలింగ్, ఫీల్డింగ్తో వార్ వన్సైడ్ చేసేశాడు...
చెన్నై సూపర్ కింగ్స్ తరుపున 100 వికెట్లు పూర్తి చేసుకున్న రవీంద్ర జడేజా, ఒకే మ్యాచ్లో 50+ స్కోరు, మూడు వికెట్లు పడగొట్టిన మొట్టమొదటి చెన్నై ప్లేయర్గా కూడా రికార్డు క్రియేట్ చేశాడు.