సీఎం స్టాలిన్ ఇంట్లో బాంబ్ పెట్టా... తమిళనాడు పోలీసులకు చెమటలు పట్టించిన దివ్యాంగుడు

చెన్నై: తమిళనాడు ముఖ్యమంత్రి స్టాలిన్ నివాసంలో బాంబ్ పెట్టానని... ఏ క్షణమయినా అది పేలవచ్చంటూ ఓ దివ్యాంగుడు పోలీసులకు చెమటలు పట్టించాడు. చెన్నై పోలీస్ కంట్రోల్ రూం కు ఫోన్ చేసిన 28ఏళ్ల అయ్యప్పన్ స్టాలిన్ నివాసంలో బాంబు పెట్టానని బెదిరించాడు. ఈ ఫోన్ కాల్ తో పోలీసులు, సీఎం భద్రతా సిబ్బంది అప్రమత్తమయ్యారు. బాంబ్ స్వాడ్ సాయంతో సీఎం నివాసమంతా జల్లెడపట్టినా బాంబు జాడ లభించలేదు. దీంతో ఇది ఫేక్ కాల్ గా గుర్తించిన పోలీసులు అయ్యప్పన్ ఈ పనిచేసినట్లు నిర్దారించుకున్నారు. అతడిని అరెస్ట్ చేసారు.