తెలంగాణ ఖాకీలపై కరోనా పంజా... థర్డ్ వెేవ్ లో 500పైచిలుకు పోలీసులకు పాజిటివ్

హైదరాబాద్: కేంద్ర, రాష్ట్ర ప్రభుత్వాల నిబంధనలు అమలయ్యేలా చూస్తూ కరోనా వ్యాప్తిని అడ్డుకోడానికి ప్రయత్నిస్తున్న పోలీసులను సైతం ఈ మహమ్మారి వదిలిపెట్టడం లేదు. తెలంగాణ రాష్ట్రవ్యాప్తంగా ఈ థర్డ్ వేవ్ లో సుమారు 500మంది పోలీసులు కోవిడ్ బారిన పడినట్లు తేలింది. మొదటి దశలో 2,000మందికి, రెండో దశలో 700మంది ఈ వైరస్ బారిన పడగా ఇప్పుడు థర్డ్ వేవ్ ఆరంభంలోనే 500మంది ఈమహమ్మారి బారిన పడటంతో తెలంగాణ పోలీస్ శాఖలో కలకలం మొదలయ్యింది.