ఏపీలో విద్యుత్ సంక్షోభం... వైసిపి ఫ్యాన్ గాలిని తగ్గించేనా?

అమరావతి: ఆంధ్ర ప్రదేశ్ కరెంట్ కష్టాలు పెరిగిపోయాయి. ఎండలు మండిపోతూ ఉక్కపోతతో జనాలు అల్లాడుతున్న సమయంలో విద్యుత్ కోతలు మొదలయ్యాయి. గ్రామీణ ప్రాంతాల్లో పగటిపూట 4 గంటలు, మున్సిపాలిటీల్లో 2 గంటల వరకు కరెంట్ కోతలు విధిస్తున్నట్లు అధికారులే చెబుతున్నారు. అయితే ఈ పవర్ కటింగ్ సమయం అధికారులు చెప్పిన సమయంకంటే చాలా ఎక్కువగా వుంటోందని ఏపీ ప్రజలు చెబుతున్నారు. తాజాగా ఏపీ ప్రభుత్వం పరిశ్రమలకు కూడా పవర్ హాలిడే ప్రకటించిందంటేనే రాష్ట్రంలో కరెంట్ కష్టాలు ఏ స్థాయిలో వున్నాయో అర్థమవుతుంది.