ఇండియాలోని ఫేమస్ సెలిబ్రిటీల మొదటి కార్లు: సచిన్ టెండూల్కర్ నుండి కత్రినాకైఫ్ వరకు వాడిన కార్లు ఇవే..
మనకు నచ్చిన మొదటి సొంత వాహనం జీవితాంతం మన హృదయాల్లో గుర్తుండిపోతుంది. చాలా మంది వారి జీవితకాలంలో ఎన్నో కొత్త కొత్త వాహనాలను కొనుగోలు చేసేవారిని మీరు చూస్తూనే ఉంటారు, వారిలో కొంతమంది తమ మొదటి వాహనాన్ని జ్ఞపకార్ధంగా వారితోనే ఉంచుకుంటారు. అయితే దేశంలోని ప్రముఖుల లిస్ట్ లో కొందరి మొదటి వాహనాల జాబితా ఇక్కడ ఉంది. ఇందులో చాలావరకు ప్రముఖులు ఇప్పటికీ వారి మొదటి కార్లను వారి వద్దనే ఉన్నాయి.
Followసచిన్ టెండూల్కర్
మాస్టర్ బ్లాస్టర్ సచిన్ టెండూల్కర్ గ్యారేజ్ లో చాలా ఖరీదైన కార్లు ఉన్నాయి. కానీ అతని మొదటి వాహనం మారుతి సుజుకి 800. భారతదేశంలో మారుతి సుజుకిని ప్రారంభించిన వెంటనే సచిన్ టెండూల్కర్ తన మొదటి కారును 1980 చివరలో కొనుగోలు చేశాడు. అతను తన మొదటి వాహనాన్ని తిరిగి పొందటానికి సహాయం కోరుతూ సోషల్ మీడియాలో ఒక పోస్ట్ కూడా చేశాడు. కానీ ఇప్పటివరకు తన మొదటి కారు ఆచూకీ తెలియలేదు.
దీపికా పదుకొనే - ఆడి క్యూ 7
బాలీవుడ్ నటి దీపికా పదుకొనే విలాసవంతమైన కార్లను ఇష్టపడతారు. మెర్సిడెస్-మేబాచ్‌ కారు కలిగి ఉన్న దేశంలోని కొద్దిమంది ప్రముఖులలో ఆమె ఒకరు. ఆమె భర్త రణవీర్ సింగ్ వద్ద కూడా స్పోర్టి, లగ్జరీ కార్లను కలిగి ఉన్నారు. దీపిక మొట్టమొదటి కారు ఆడి క్యూ 7 కాగా, ఆడి ఎ8ఎల్‌ను కూడా చాలాకాలం పాటు ఉపయోగించారు.
కత్రినా కైఫ్ - ఆడి క్యూ 7
బాలీవుడ్ నటి కత్రినా కైఫ్ చాలా కాలం పాటు ఆడి క్యూ 7ను కలిగి ఉంది. కొత్త వాహనానికి ఇంకా అప్‌గ్రేడ్ కాలేదు. ఇటీవల, ఆమె సల్మాన్ ఖాన్ నుండి బహుమతిగా ల్యాండ్ రోవర్ రేంజ్ రోవర్ను అందుకుంది.
శ్రద్ధా కపూర్ - మెర్సిడెస్ బెంజ్ ఎంఎల్-క్లాస్
బాలీవుడ్ నటి శ్రద్ధా కపూర్ తన వ్యక్తిగత జీవితం విషయానికి వస్తే చాలా వాటిని ప్రైవసీగా ఉంచుతుంది. అయితే కారుని ఎంత ప్రైవేట్ గా దాచిన ఉండదు. ఆమె కొన్ని సంవత్సరాల క్రితం తన మొదటి కారు సరికొత్త బ్లాక్ ఎంఎల్ క్లాస్ ఎస్‌యూ‌విని కొనుగోలు చేసింది. ఈ కారు కొనుగోలుతో ఆమే సంపూర్ణ న్యాయం చేసింది. ఆమెకు ఉన్న ఏకైక కారు ఇదే.
ప్రియాంక చోప్రా - మెర్సిడెస్ బెంజ్ ఎస్-క్లాస్
బాలీవుడ్ నటి ప్రియాంక చోప్రా ప్రస్తుతం యుఎస్ఎలో స్థిరపడింది. భారతదేశంలో ఆమె కస్టమైజేడ్ రెడ్ ఇంటీరియర్‌లతో రోల్స్ రాయిస్ ఘోస్ట్‌ను కొనుగోలు చేసింది. ప్రియాంక చోప్రా భారతదేశంలో మొట్టమొదటి కారు మెర్సిడెస్ బెంజ్ ఎస్-క్లాస్ సెడాన్, ఇది కొన్ని సంవత్సరాలుగా ఆమె వద్ద ఉంది.
కంగనా రనౌత్ - బిఎమ్‌డబ్ల్యూ 7-సిరీస్
బాలీవుడ్ నటి కంగనా తన అభిప్రాయాలను సోషల్ మీడియా ద్వారా వ్యక్తపర్చడంలో చాలా ప్రసిద్ది. బాలీవుడ్ లో కూడా ఐకానిక్ సినిమాలను అందించింది. ఆమె తన మొదటి కారుగా బిఎమ్‌డబ్ల్యూ 7-సిరీస్ లగ్జరీ సెడాన్‌ను కొనుగోలు చేసింది. పార్టీల నుండి ఈవెంట్స్ వరకు, షూట్స్ వరకు ప్రతిచోటా వెళ్ళడానికి కంగనా బిఎమ్‌డబ్ల్యూ 7 సిరీస్ ఉపయోగిస్తుంది. ఆమె ఇటీవల మెర్సిడెస్ బెంజ్ జిఎల్‌ఇని కూడా కొనుగోలు చేసింది.
అలియా భట్ - ఆడి క్యూ 7
ఆడి క్యూ 7 బాలీవుడ్‌లో హాట్ అండ్ యంగ్ గా బాగా ప్రాచుర్యం పొందింది. బాలీవుడ్ నటి అలియా భట్ కూడా క్యూ 7ను తన మొదటి కారుగా ఎంచుకుంది. ల్యాండ్ రోవర్ రేంజ్ రోవర్ ఆటోబయోగ్రఫీని కొనుగోలు చేయడానికి ముందు బ్లాక్ ఆడి క్యూ 7 ను ఆమె సాధారణ రాకపోకలకు ఉపయోగించింది. ఆడి క్యూ7 ఇప్పటికీ ఆమె గ్యారేజీలో ఉంది.
సారా అలీ ఖాన్ - హోండా సిఆర్-వి
బాలీవుడ్ నటి సైఫ్ అలీ ఖాన్ కుమార్తె అయిన నటి సారా అలీ ఖాన్ జీప్ కంపాస్‌లో తరచూ ప్రయాణిస్తుంటారు. కానీ ఆమె మొదటి కారు హోండా సిఆర్-వి. ఆమె వద్ద ఇప్పటికీ తెలుపు రంగు సిఆర్-వి కార్ ఉంది. తరచూ వివిధ ప్రదేశాలలో ఈ ఎస్‌యూ‌వి కారుతో కనిపిస్తుంది. ఆమె తన సోదరుడు తైమూర్ తో కలిసి కూడా ఈ కారులో వెళ్తుంటుంది. అయితే సిఆర్-వి కారు చాలా కాలం పాటు ఆమె వద్ద ఉన్న ఏకైక డిస్పోజల్ కారుగా మిగిలిపోయింది.
ఇంతియాజ్ అలీ
ప్రముఖ సినీ దర్శకుడు ఇంతియాజ్ అలీ మొదటి కారు కూడా మారుతి సుజుకి 800. ఈ విషయాన్ని సోషల్ మీడియా ప్లాట్‌ఫామ్‌ ద్వారా వెల్లడించారు. ఇంతియాజ్ ఒక అందమైన జీవనశైలిని గడుపుతారు. అతని కార్ల గ్యారేజ్ లో ఇప్పుడు యూరోపియన్ కంపెనీకి చెందిన కొన్ని విలాసవంతమైన కార్లు ఉన్నప్పటికీ అతని మొదటి కారు ఇప్పటికీ అతని వద్దే ఉంది.
కాజోల్ - మారుతి సుజుకి 1000
ప్రముఖ బాలీవుడ్ నటి కాజోల్ తన భర్త అజయ్ దేవ్‌గన్ కి ఆటోమొబైల్/ కార్లు అంటే చాలా ఇష్టం. రోల్స్ రాయిస్ కుల్లినన్తో సహా దాదాపు అన్ని లగ్జరీ బ్రాండెడ్ కార్లు వారి వద్ద ఉన్నాయి. మరోవైపు కాజోల్ ఆటోమొబైల్ ఓనర్ షిప్ ప్రయాణాన్ని మారుతి సుజుకి 1000తో ప్రారంభించింది. మారుతి సుజుకి 1000 మారుతి సుజుకి 800 పై ఆధారపడుతుంది కాని ఇది సెడాన్ కారు. ఆ రోజుల్లో ఇది స్టేటస్ గుర్తుగా మారింది.
రజనీకాంత్ - పద్మిని ప్రీమియర్
ప్రముఖ హీరో రజనీకాంత్ సింపుల్ లైఫ్ స్టయిల్ గడుపుతాడు. ఇటీవలే అతను ఇన్నోవా లగ్జరీ ఎస్‌యూవీ కొన్నాడు. రజనీకాంత్ కుటుంబం అతని మొదటి కారు ప్రీమియర్ పద్మిని కారుని తన ఇంటి వద్ద ఆపి ఉన్నపుడు తీసిన ఫోటోని పోస్ట్ చేసింది. సూపర్ స్టార్ రజనీకాంత్ మొదటి కారు ఇప్పటికీ వర్కింగ్ కండిషన్ లో ఉండటం విశేషం.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
