Gold Price Fall: పసిడి ప్రియులకు స్వల్ప ఊరట...మరోసారి దిగొచ్చిన బంగారం ధరలు
Gold Price Fall: దేశీయ బులియన్ మార్కెట్లో బంగారం ధరలు మరోసారి దిగివచ్చాయి. వారం ప్రారంభం నుంచి వరుసగా తగ్గుతూ వచ్చిన గోల్డ్ రేట్లు...ఇవాళ స్వల్పంగా తగ్గాయి. మరోసారి ధరలు తగ్గడంతో ఊరటనిచ్చింది.
పసిడి ప్రియులకు స్వల్ప ఊరట
అంతర్జాతీయ మార్కెట్లో బంగారం ధరల్లో వచ్చిన మార్పులు, డాలర్ బలపడటం, పెట్టుబడిదారుల కొనుగోలు ధోరణిలో మార్పులు వంటి అంశాలు దేశీయ మార్కెట్పై ప్రభావం చూపుతున్నాయని మార్కెట్ నిపుణులు చెబుతున్నారు. హైదరాబాద్ బులియన్ మార్కెట్లో 10 గ్రాముల 24 క్యారెట్ల బంగారం ధర రూ.280 తగ్గి రూ.1,43,290కు చేరుకుంది. అలాగే 22 క్యారెట్ల 10 గ్రాముల బంగారం ధర రూ.250 తగ్గి రూ.1,31,350 వద్ద కొనసాగుతోంది. ఇదే ధరలు విజయవాడ, విశాఖపట్నం నగరాల్లో కూడా నమోదయ్యాయి. రెండు తెలుగు రాష్ట్రాల్లో దాదాపు ఒకే ధరలు కొనసాగుతున్నాయి.
ప్రాంతం బట్టి ధరలు
చెన్నైలో 10 గ్రాముల 24 క్యారెట్ల బంగారం ధర రూ.1,43,790గా ఉంది. 22 క్యారెట్ల బంగారం రూ.1,31,810 వద్ద ట్రేడవుతోంది. బెంగళూరులో మాత్రం హైదరాబాద్తో సమానంగానే ధరలు ఉన్నాయి. అక్కడ 24 క్యారెట్ల బంగారం రూ.1,43,290 కాగా... 22 క్యారెట్ల గోల్డ్ రేటు రూ.1,31,350గా కొనసాగుతోంది. నగరాలను బట్టి ధరల్లో స్వల్ప తేడాలు కనిపించినా... ఈరోజు ట్రెండ్ మాత్రం తగ్గుదల వైపే ఉంది.
వెండి ధరలు ఇలా ఉన్నాయి
వెండి ధరల విషయానికి వస్తే... బంగారంలా మార్పులు కనిపించలేదు. హైదరాబాద్లో కిలో వెండి ధర రూ.2 లక్షల 40 వేల వద్ద స్థిరంగా కొనసాగుతోంది. చెన్నైలో కూడా ఇదే ధర ఉంది. బెంగళూరులో కిలో వెండి రూ.2 లక్షల 35 వేలుగా నమోదైంది.
మళ్లీ పెరుగుతుందా?
అంతర్జాతీయ మార్కెట్లో బంగారం ధరలు ఇంకా ఒడిదొడుకులకు లోనయ్యే అవకాశం ఉంది. అమెరికా ఫెడరల్ రిజర్వ్ వడ్డీ రేట్లపై అంచనాలు, డాలర్ ఇండెక్స్, అంతర్జాతీయ ఆర్థిక పరిస్థితులు, భౌగోళిక ఉద్రిక్తతలు వంటి అంశాలు బంగారం ధరలపై ప్రభావం చూపుతూనే ఉంటాయి. అందుకే బంగారం కొనుగోలు చేయాలనుకునేవారు ప్రతిరోజూ మార్కెట్ ధరలను గమనిస్తూ నిర్ణయం తీసుకోవాలని నిపుణులు సూచిస్తున్నారు.
ఒక్కరోజు పెరిగిన బంగారం ధరలు మళ్లీ తగ్గుముఖం పట్టాయి. దీంతో కొనుగోలుదారులకు మరోసారి ఊరట లభించింది. రాబోయే రోజుల్లో ఈ తగ్గుదల కొనసాగుతుందా? లేక మళ్లీ పెరుగుదల మొదలవుతుందా? అనేది అంతర్జాతీయ మార్కెట్ కదలికలపై ఆధారపడి ఉంటుంది.
