Silver: బంగారం కంటే వెండిలో పెట్టుబడి పెడితే 77 శాతం లాభాలు: రికార్డ్స్ ఇవే చెబుతున్నాయి

Silver: మీరు బంగారంలో పెట్టుబడి పెట్టాలని అనుకుంటున్నారా? ఎక్కువ డబ్బులు లేవని చింతిస్తున్నారా? అయితే వెండిలో ఇన్వెస్ట్ చేయండి. తక్కువ పెట్టుబడి, నమ్మకమైన ఆదాయం పొందొచ్చు. వెండిలో ఇన్వెస్ట్ చేస్తే ఎలాంటి లాభాలు కలుగుతాయో ఇప్పుడు తెలుసుకుందాం. 

Image Credit : iSTOCK

పెరుగుతున్న వెండి మోజు

బంగారం మాదిరిగా వెండిలోనూ పెట్టుబడి పెట్టే ఆలోచన పెరుగుతోంది. ఇప్పుడు వెండి ఆభరణాలు కూడా బంగారం రంగులో లభించడంతో వినియోగదారులు ఎక్కువగా వెండికి మొగ్గు చూపుతున్నారు. అనేక నకిలీ మాల్స్, నగల షాపుల్లో వెండికి కూడా సీట్ టోకెన్లు ఇవ్వడం ప్రారంభమైంది. ముఖ్యంగా పెళ్లిళ్లలో వెండి వస్తువులకు ప్రాధాన్యం పెరిగింది. వెండి పట్టీలు, గొలుసులు, తాళి చైన్, ముక్కుపుడక, వంకీలు, మెట్టెలు ఇలా వెండి ఆభరణాల కొనుగోళ్లు పెరిగాయి. 

Image Credit : iSTOCK

లాభాలు తెచ్చిన వెండి

బంగారం బిస్కెట్ల మాదిరిగానే వెండి బార్ల అమ్మకాలు కూడా భారీగా పెరిగాయి. గత సంవత్సరం కాలంలో వెండి సగటున 15% లాభం తెచ్చింది. గత 10 సంవత్సరాల్లో వెండి 9% వృద్ధిని నమోదు చేసింది. ఇది బంగారంతో పోలిస్తే తక్కువేం కాదు. 2015 నుంచి 2020 మధ్య కాలంలో వెండి ధర 14–19 డాలర్ల మధ్య నడిచింది. 2020 ఏప్రిల్ నుంచి తిరిగి పెరుగుదల ప్రారంభమైన వెండి, ఆగస్టు 2020 నాటికి 28 డాలర్లను తాకింది.

Image Credit : Pinterest

77% లాభాన్ని తెచ్చిన వెండి

2020లో భారత మార్కెట్లో వెండి ధర కిలో రూ.75,000 కాగా, ప్రస్తుతం రూ.1.10 లక్షలకు పైగా ఉంది. 2022లో ఇది తిరిగి 18 డాలర్లకి పడిపోయినా, ఇప్పుడే మళ్లీ 33 డాలర్లకి చేరుకుంది. అంటే వెండి 77% లాభాన్ని ఇచ్చినట్లు గణాంకాలు చెబుతున్నాయి.

Image Credit : Pinterest

వెండి పెట్టుబడిపై నిపుణులు ఏమంటున్నారు

నిపుణులు చెబుతున్నట్లు వెండిని సాధారణంగా ఆభరణాలుగా లేదా బార్ల రూపంలో కాకుండా ETF (ఎక్స్ఛేంజ్ ట్రేడెడ్ ఫండ్) రూపంలో కొనుగోలు చేస్తే పెట్టుబడికి మంచి మార్గమవుతుంది. ఇది తక్కువ ఖర్చుతో కూడిన పెట్టుబడి. వ్యక్తిగత పెట్టుబడి పోర్ట్ ఫోలియోలో వెండిని కనీసం 10% చేర్చితే మంచి లాభం పొందవచ్చని నిపుణులు చెబుతున్నారు.

Image Credit : Getty

ఎప్పుడు వెండిని కొనాలి?

2025 మే 22న 24 క్యారెట్ బంగారం ధర రూ.9,790/గ్రా కాగా, వెండి ధర రూ.112/గ్రా ఉంది. ఓ అధ్యయనం ప్రకారం బంగారం, వెండి ధరల నిష్పత్తి 70కు పైగా ఉన్నపుడే వెండిని కొనడం మంచిదని తేలింది.

చిన్న పెట్టుబడిదారులు ఇప్పుడు వెండిని ఎంచుకుని లాభాలను పొందుతున్నారు. పేద ప్రజలు కూడా ఆభరణాల రూపంలో వెండిని కొనుగోలు చేసినా, అది మంచి పెట్టుబడిగా మారే అవకాశముందని మార్కెట్ నిపుణులు అభిప్రాయపడుతున్నారు.