అద్భుతమైన ఆఫర్: ఉచితంగా క్రెడిట్ కార్డు కావాలా? ఆ బ్యాంకును సంప్రదించండి

క్రెడిట్ కార్డు తీసుకోవాలనుకుంటున్నారా? ఓ బ్యాంకు మీకోసం అద్భుతమైన ఆఫర్ తీసుకొచ్చింది. తన కస్టమర్లకు ఉచితంగా క్రెడిట్ కార్డులు ఇస్తోంది. ఇంత కన్నా బంపర్ ఆఫర్ ఏ బ్యాంకు ఇస్తుంది చెప్పండి. ఆ బ్యాంకు పేరు, క్రెడిట్ కార్డు డీటైల్స్ తెలుసుకుందాం రండి.  

ఈ కాలంలో అప్పు అడిగితే ఒకటి అధిక వడ్డీ అయినా వసూలు చేస్తున్నారు. లేదా వస్తువులు తాకట్టు పెట్టుకొని డబ్బు ఇస్తున్నారు. అయితే క్రెడిట్ కార్డులు మాత్రం చిన్న చిన్న అవసరాలు తీరుస్తూ సమయానికి ఆర్థిక ఇబ్బందులు లేకుండా కాపాడుతున్నాయి. చాలా మంది ఎంప్లాయిస్ ని ఆర్థిక కష్టాల నుంచి గట్టెక్కించేవి క్రెడిట్ కార్డులే. వడ్డీ ఎక్కువైనా అవసరానికి ఆదుకుంటాయి. చాలా మంది ఎంప్లాయిస్ నెలంతా క్రెడిట్ కార్డు ఉపయోగించి ఇంటి అవసరాలు తీరుస్తారు. చివరిలో శాలరీ పడిన వెంటనే క్రెడిట్ కార్డు బిల్ కడుతుంటారు. ఇది ప్రతి నెల జరిగే ఓ రెగ్యులర్ సైకిల్.

ఇంతలా ఆదుకుంటున్న క్రెడిట్ కార్డును మీకెవరైనా ఉచితంగా ఇస్తానంటే హ్యాపీగా తీసుకుంటారు కదా.. ఇలాంటి బంపర్ ఆఫర్ ని స్టేట్ బ్యాంక్ ఆఫ్ ఇండియా(SBI) అందిస్తోంది. స్టేట్ బ్యాంక్ ఆఫ్ ఇండియా అనుబంధ సంస్థ అయిన ఎస్బీఐ కార్డ్స్ అండ్ పేమెంట్ సర్వీసెస్ ద్వారా ఎస్బీఐ ఉన్నతి కార్డ్ పేరుతో ఇస్తున్న ఈ క్రెడిట్ కార్డు ఎన్నో సౌకర్యాలను అందిస్తోంది. ఇంకో గొప్ప విషయం ఏంటంటే నాలుగు సంవత్సరాల పాటు ఎటువంటి యాన్యువల్ ఫీ(వార్షిక రుసుము) కట్టనవసరం లేదు. ఇదే కాకుండా ఆకర్షణీయమైన రివార్డులు, క్యాష్ బ్యాక్, ఇంధన సర్‌చార్జ్ మినహాయింపు, సౌకర్యవంతమైన చెల్లింపు ఎంపికలను కూడా అందిస్తోంది. 

మొదటి నాలుగు సంవత్సరాల వార్షిక రుసుములను మాఫీ చేయడం ద్వారా ఎస్బీఐ కార్డ్ ఉన్నతి ప్రత్యేకంగా నిలిచింది. ఈ నాలుగేళ్లలో ఎలాంటి వార్షిక రుసుము లేకుండా కార్డ్ హోల్డర్లు ఈ క్రెడిట్ కార్డును ఉపయోగించవచ్చు. అయితే ఐదవ సంవత్సరం నుండి రూ.499 వార్షిక రుసుము చెల్లించాల్సి ఉంటుంది. కొన్ని బ్యాంకుల క్రెడిట్ కార్డులు మొదటి సంవత్సరం నుంచే వార్షిక రుసుములు వసూలు చేస్తున్నాయి. 

‘ఎస్బీఐ కార్డ్ ఉన్నతి’ ఆకర్షణీయమైన రివార్డ్ ప్రోగ్రామ్‌ను అందిస్తుంది. కార్డ్ హోల్డర్లు ప్రతి రూ. 100కి ఒక రివార్డ్ పాయింట్‌ను పొందుతారు. అయితే నగదు లావాదేవీలు, బ్యాలెన్స్ బదిలీలు, ఫ్లెక్సీ చెల్లింపు, ఇంధన కొనుగోళ్లు వంటి లావాదేవీలకు రివార్డ్ పాయింట్ల రావు. సంవత్సరానికి రూ.50,000 లేదా అంతకంటే ఎక్కువ ఖర్చు చేసే వారికి, కార్డ్ అదనపు ప్రయోజనంగా రూ.500 క్యాష్ బ్యాక్‌ను అందిస్తుంది.

‘ఎస్బీఐ కార్డ్ ఉన్నతి’ వల్ల కలిగే ముఖ్యమైన బెనిఫిట్ ఏంటంటే.. 1 % ఇంధన సర్‌చార్జ్ మినహాయింపు లభిస్తుంది. అంటే ఈ కార్డును ఉపయోగించి రూ.500 నుండి రూ.3,000 వరకు ఫ్యూయల్ కొంటే 1 శాతం సర్ చార్జ్ మినహాయింపు లభిస్తుంది. రెగ్యులర్ గా ఆఫీసులకు తిరిగే వారికి, దూర ప్రయాణాలు చేసే వారికి ఇది చాలా ఉపయోగకరంగా ఉంటుంది. 

‘ఎస్బీఐ కార్డ్ ఉన్నతి’ని పొందడం ఎస్బీఐ కస్టమర్లకు చాలా సులభం. ఎస్బీఐ బ్రాంచిల్లో రూ.25,000 లేదా అంతకంటే ఎక్కువ ఫిక్స్‌డ్ డిపాజిట్ ఉన్నవారు ఈ కార్డుకు దరఖాస్తు చేసుకోవచ్చు. ఎస్బీఐ 'ఉన్నతి' క్రెడిట్ కార్డ్ భారతదేశంలో 3.25 లక్షలకు పైగా అవుట్‌లెట్‌లలో ఉపయోగించవచ్చు. ప్రపంచవ్యాప్తంగా 2.4 కోట్లకు పైగా అవుట్‌లెట్‌లలో వీసా లేదా మాస్టర్ కార్డ్ యాక్సెప్ట్ చేసే చోట ఉపయోగించవచ్చు. అదనంగా కార్డ్ హోల్డర్లు తమ కుటుంబ సభ్యుల కోసం యాడ్-ఆన్ కార్డులకు దరఖాస్తు కూడా చేసుకోవచ్చు. 

యూజర్ సౌలభ్యాన్ని మెరుగుపరచడానికి ‘ఎస్బీఐ కార్డ్ ఉన్నతి’ ఫ్లెక్సీ చెల్లింపు సౌకర్యాన్ని కూడా అందిస్తుంది. రూ.2,500 లేదా అంతకంటే ఎక్కువ విలువైన ట్రాన్సాక్షన్స్ జరిగిన 30 రోజుల్లోపు EMIలుగా మార్చవచ్చు. ఇది కార్డ్ హోల్డర్లు తమ ఖర్చులను బాగా నిర్వహించడానికి, ఆర్థిక భారాన్ని తగ్గించడానికి సహాయపడుతుంది.