ముంబైలోని బాంద్రా కుర్లాలో దేశంలోనే తొలి యాపిల్ ఆఫ్ లైన్ స్టోర్ ప్రారంభం..యాపిల్ సీఈఓ టిమ్ కుక్ హాజరు...

ముంబై బాంద్రా కుర్లా కాంప్లెక్స్ లో దేశంలోనే తొలి ఆఫ్ లైన్ ఆపిల్ స్టోర్ ప్రారంభించారు. ఈ కార్యక్రమంలో కంపెనీ CEO టిమ్ కుక్ స్వయంగా పాల్గొన్నారు. ఆయన తన స్వంత చేతులతో భారతదేశంలోని మొదటి ఆపిల్ స్టోర్  గేట్‌ను తెరిచారు. ఇది Apple కంపెనీ మొదటి ఆఫ్‌లైన్ స్టోర్.

ఐఫోన్ తయారీ సంస్థ యాపిల్ మంగళవారం తన తొలి యాపిల్ స్టోర్‌ను భారతదేశంలో ప్రారంభించింది. యాపిల్ సీఈఓ టిమ్ కుక్ ముంబైలోని బాంద్రా కుర్లా కాంప్లెక్స్‌లో భారతదేశపు మొట్టమొదటి ఆపిల్ స్టోర్‌ను ప్రారంభించారు. ముంబైలో జరిగిన ఈ కార్యక్రమంలో సంస్థ సీఈవో టిమ్ కుక్ తో పాటు, బాలివుడ్ నటి మాధురి దీక్షిత్ కూడా హాజరయ్యారు. 

ఇదీ స్టోర్ ప్రత్యేకత
మరోవైపు,  ముంబైలో ఓపెన్ స్టోర్ గురించి మాట్లాడినట్లయితే, ఈ స్టోర్ 20,000 చదరపు అడుగుల విస్తీర్ణంలో విస్తరించి ఉంది. యాపిల్ స్టోర్ డిజైన్ చాలా వెరైటీగా ఉంది. యాపిల్ స్టోర్ విషయంలో భారతీయత కనిపించేలా జాగ్రత్త పడ్డారు. అలాగే ఆపిల్ స్టోర్ గ్రీన్ ఎనర్జీతో నడుస్తోంది.  అంటే, ఇది పూర్తిగా పునరుత్పాదక శక్తితో నడుస్తుంది. దుకాణంలో కనీస లైటింగ్ మాత్రమే ఉపయోగంలో ఉంది.

20 భాషల్లో సేవలను అందించగల సామర్థ్యం
మీడియా నివేదికల ప్రకారం, ముంబైలో తెరిచిన ఈ స్టోర్‌లో 100 మంది సభ్యుల బృందం పనిచేస్తున్నట్లు తెలిసింది. ఈ యాపిల్ స్టోర్ ఎగ్జిక్యూటివ్‌లు 20 భాషల్లో కస్టమర్ సర్వీస్‌ను అందించగల సామర్థ్యాన్ని కలిగి ఉంటుందని కంపెనీ ప్రతినిధులు తెలిపారు. 

ఢిల్లీలో త్వరలో ఆపిల్ స్టోర్ ప్రారంభం 
మీడియా నివేదికల ప్రకారం, ఏప్రిల్ 20 న ఢిల్లీలోని సాకేత్‌లో మరో ఆపిల్ స్టోర్ తెరవబోతోంది. ఐఫోన్ తయారీదారు ఆపిల్ CEO టిమ్ కుక్,  Apple మొదటి స్టోర్‌ను తెరవడానికి ఒక రోజు ముందుగానే భారతదేశానికి చేరుకున్నారు.  ముంబైలో ప్రారంభించిన మొదటి ఆపిల్ స్టోర్‌ను Apple BKC అని పిలుస్తారు. ఈ స్టోర్ కోసం కంపెనీ నెలవారీ రూ.42 లక్షల అద్దె చెల్లిస్తుంది. ఆదాయంలో కొంత భాగాన్ని స్టోర్ యజమానితో పంచుకుంటుంది.