IRCTC Kashi Tour: కాశీ, అయోధ్య, ప్రయాగ్ రాజ్ ఐఆర్‌సీటీసీ ఫ్లైట్ టూర్ ప్యాకేజీ.. ఎన్ని రోజులు, ఎంత చెల్లించాలి?

ఐఆర్‌సీటీసీ కాశీ యాత్ర (IRCTC Kashi Tour)ను ప్రవేశపెట్టింది.  కోయంబత్తూరు నుండి ఈ  కాశీ యాత్రం మొదలవుతుంది. ఈ ఆధ్యాత్మిక యాత్ర విమానంలో సాగుతుంది. దీనికి ఎంత ఖర్చవుతుంది, ఎన్ని రోజులు పడుతుందో తెలుసుకోండి. 

Image Credit : Google

ఐఆర్‌సీటీసీ కాశీ టూర్ ప్యాకేజీ

విమానంలో అన్ని వసతులతో ఐఆర్‌సీటీసీ కాశీ టూర్ ప్యాకేజీని ప్రకటించింది. ఉత్తర భారతదేశంలోని ప్రధాన ఆలయాలను సందర్శించాలనుకుంటే ఈ టూర్ ప్యాకేజీ అద్భుతమైనదని చెప్పాలి.  ఈ యాత్ర నవంబర్ 18న కోయంబత్తూరులో మొదలవుతుంది.  నవంబర్ 23 వరకు కొనసాగుతుంది. ఈ యాత్ర మొత్తం ఐదు రాత్రులు, ఆరు పగళ్లు పాటూ సాగుతుంది. విమాన టిక్కెట్లు, వసతి, గైడ్ సేవలు అన్నీ ఈ ప్యాకేజీలో భాగమే.

Image Credit : IRCTC

కాశీ

ఈ యాత్రలో ప్రధానమైనది వారణాసి. కాశీలోని కాశీ విశ్వనాథ ఆలయం తప్పక చూడాల్సిన ప్రదేశం. సాయంత్రం గంగా హారతిలో కూడా కచ్చితంగా పాల్గొనాలి. ఉదయాన్నే గంగానదిలో పడవ ప్రయాణం చేస్తే ఎంతో ప్రశాంతంగా ఉంటుంది. పురాతన వీధుల్లో నడుస్తూ ఆ అనుభూతే వేరు. కాశీ వెళ్లిన వారు కచ్చితంగా ఈ పనులన్నీ చేయాలి.

Image Credit : Google

ప్రయాగ్‌రాజ్

ఈ యాత్రలో ప్రయాగ్‌రాజ్ ను కూడా సందర్శించవచ్చు. ఇందులో  గంగా, యమున, సరస్వతి నదులు కలిసే త్రివేణి సంగమాన్ని చూడవచ్చు. ఈ ప్రాంతంంలో పవిత్ర స్నానం చేస్తే ఎంతో మంచిదని చెబుతారు. ఈ నగరం చరిత్ర, పురాతన ఆలయాలు, కళాత్మక ప్రదేశాలను కచ్చితంగా కన్నులారా చూడాల్సిందే.

Image Credit : our own

అయోధ్య

అయోధ్యను జీవితంలో ఒక్కసారైనా సందర్శించాలని ప్రతి హిందువు కోరుకుంటారు. ఇక్కడ ఉన్న రామాలయం  చరిత్రతో ముడిపడి ఉంది. ఇది ఒక ఆధ్యాత్మిక కేంద్రం. రామాయణ గాథను గుర్తుకు తెచ్చే ఆలయాలు, ప్రదేశాలు ఈ యాత్రలో ముఖ్యమైనవి. అలాగే బుద్ధగయను కూడా ఈ యాత్రలో చూడవచ్చు. 

Image Credit : IRCTC

ఎంత ఖర్చు అవుతుంది?

మీరు ఈ యాత్రకు వెళ్లాలనుకుంటే అధికారిక ఐఆర్‌సీటీసీ టూరిజం వెబ్‌సైట్ లో టిక్కెట్లు బుక్ చేసుకోవాలి. ఒక్కొక్కరికి టిక్కెట్ ధర రూ.39,750 నుండి మొదలవుతుంది. మరిన్ని వివరాలకు ఐఆర్‌సీటీసీ అధికారిక సైట్‌ను చూడండి.