Voice మెసేజ్ని Text మెసేజ్గా మార్చడం ఎలా? సింపుల్ టిప్ ఇదిగో..
అందరి ముందు వాయిస్ మెసేజ్ ఓపెన్ చేయడం ఇబ్బందిగా ఉందా? దాన్ని టెక్ట్స్ మెసేజ్గా మారిస్తే చదువుకోవడానికి బాగుంటుంది కదా? అదెలా చేయాలో ఇక్కడ తెలుసుకోండి.
వాట్సాప్ లో చాటింగ్ అంటే ఒకప్పుడు టెక్ట్స్ మెసేజస్ పంపేవారు. మరి ఇప్పుడు సింపుల్ గా వాయిస్ మెసేజస్ పంపుతున్నారు. మరింత టెక్నాలజీ ఉపయోగిస్తూ వీడియో మెసేజస్ కూడా పంపుతున్నారు. అయితే ఏదైనా మీటింగ్ లో ఉన్నా, చుట్టూ జనం ఉన్నా వాయిస్ మెసేజ్ ఓపెన్ చేయడానికి ఇబ్బందిగా ఉంటుంది కదా..
ఎందుకంటే ఆ వాయిస్ మెసేజ్ లో ఏదైనా పర్సనల్ విషయం ఉండొచ్చు. లేదా సీక్రెట్స్ గురించి చెప్పి ఉండొచ్చు. లేదా మీ పక్కనే ఉన్న వ్యక్తి గురించిన విషయం కూడా అయి ఉండొచ్చు. మరి ఇలాంటి ఇన్ఫరేషన్ ని అందరి ముందు వింటే ఇబ్బందే కదా.
అయినా ఫోన్ కాల్, మెసేజ్ అంటేనే ప్రైవసీకి సంబంధించిన విషయం. మరి అలాంటి విషయం ఏదైనా సరై అందరి ముందు వినడం వల్ల లేనిపోని కష్టాలు పడాల్సి ఉంటుంది. అందుకే ఇలాంటి వాయిస్ మెసేజస్ ని టెక్ట్స్ రూపంలో మారిస్తే చదువుకోవడానికి చాలా సింపుల్ గా ఉంటుంది. మరి వాయిస్ మెసేజస్ ని టెక్ట్స్ మెసేజస్ లా కన్వర్ట్ చేయాలంటే ఏం చేయాలో ఇక్కడ తెలుసుకుందాం.
వాట్సాప్ కి వచ్చే వాయిస్ మెసేజస్ ని చిన్న సెట్టింగ్ మార్చడం ద్వారా టెక్ట్స్ మెసేజ్ గా మార్చవచ్చు. ఆ సెట్టింగ్ ఏంటో ఇక్కడ చూద్దాం.
Whatsapp ఓపెన్ చేసి మీ ప్రొఫైల్ లోకి వెళ్లండి.
పైన కనిపించే 3 Dots పై క్లిక్ చేసి Settings ఓపెన్ చేయండి.
తర్వాత Chats పైన క్లిక్ చేయండి.
అందులో Voice Message Transcript ఆప్షన్ పై క్లిక్ చేయండి.
తర్వాత Choose Language క్లిక్ చేసి ఇంగ్లీష్ భాషను ఎంచుకోండి.
తర్వాత మీ వాట్సాప్ కు వచ్చిన వాయిస్ మెసేజ్ దగ్గరకు వెళ్లి, దానిపై Long Press చేయండి.
వచ్చిన ఆప్షన్స్ లో Transcribeపై క్లిక్ చేయండి.
అంతే మీకు వచ్చిన వాయిస్ మెసేజ్ కాస్త టెక్టస్ మెసేజ్ గా మారిపోతుంది.