Medical Insurance: మెడికల్ ఇన్సూరెన్స్ తీసుకునే ముందు ఈ విషయాలు తప్పకుండా తెలుసుకోండి

మెడికల్ ఇన్సూరెన్స్ ప్రస్తుతం ప్రతి ఒక్కరికి తప్పనిసరై పోయింది. అనుకోకుండా ఏమైనా జరిగినా లేక ఆరోగ్య సమస్యలు వచ్చినా మెడికల్ ఇన్సూరెన్స్ ఉంటే ఈజీగా బయటపడవచ్చు. అయితే మెడికల్ ఇన్సూరెన్సు తీసుకునేటప్పుడు ఎలాంటి జాగ్రత్తలు తీసుకోవాలో ఇప్పుడు చూద్దాం.

ప్రస్తుత లైఫ్ స్టైల్, ఫుడ్ హ్యాబిట్స్ కారణంగా వయసుతో సంబంధం లేకుండా అందరూ అనారోగ్యం పాలవుతున్నారు. దానికితోడు ఈ మెడికల్ ఖర్చుల వల్ల ఆర్థిక ఇబ్బందులు పడుతున్నారు. చాలామంది మెడికల్ ఇన్సూరెన్స్ తీసుకుంటున్నారు కానీ వాటి ప్రయోజనాలను సరిగ్గా పొందలేకపోతున్నారు.

ఎక్కువ ప్రీమియం కట్టినా..

ఎక్కువ ప్రీమియం కట్టినా చాలా మందికి నిజమైన ప్రయోజనాలు దక్కడం లేదు. మెడికల్ ఇన్సూరెన్స్ కార్డ్ ఉన్నా.. హాస్పిటల్‌లో చేరినప్పుడు ఎక్కువ డబ్బు చెల్లించాల్సి వస్తుంది.

సరైన పాలసీ

ఇన్సూరెన్స్ తీసుకునేటప్పుడు సరైన పాలసీని ఎంచుకోవడం చాలా ముఖ్యం. మెడికల్ పాలసీ తీసుకునేటప్పుడు ఈ విషయాలను తప్పకుండా గుర్తుంచుకోవాలి.

పాలసీ పరిమితి

ముందుగా పాలసీ పరిమితిని అర్థం చేసుకోవాలి. ప్రీ-హాస్పిటలైజేషన్, పోస్ట్-హాస్పిటలైజేషన్ ఖర్చులు, సర్జరీ, మందులు, డయాగ్నస్టిక్ టెస్ట్‌లు ఇందులో కవర్ అవుతాయా లేదా అని అడిగి తెలుసుకోవాలి.

వెయిటింగ్ పీరియడ్ ముఖ్యం

పాలసీ వెయిటింగ్ పీరియడ్ గురించి కూడా తెలుసుకోవాలి. ఏ వ్యాధికి డబ్బు కావాలంటే, అది పాలసీలో ఉందా అని చూసుకోవాలి. పాలసీ కవర్ చేసే నెట్‌వర్క్ హాస్పిటల్స్‌ని ముందుగానే చెక్ చేసుకోవాలి. అది క్యాష్‌లెస్ సౌకర్యమా అని తెలుసుకోవాలి.

క్లెయిమ్ ప్రాసెస్

పాలసీ క్లెయిమ్ ప్రాసెస్ గురించి ముందుగానే తెలుసుకోవాలి. ఏ వ్యాధులు పాలసీలో కవర్ అవుతాయి, ఏవి కావు అని గుర్తించాలి. ప్రీమియంతో పోల్చితే ఎంత కవరేజ్ లభిస్తుందో తెలుసుకోవడం మంచిది.

సరైన పెట్టుబడి

చాలా మంది చౌక పాలసీలు తీసుకుంటారు. కానీ, డబ్బు అవసరమైనప్పుడు, ఏమీ దొరకదు. కాబట్టి, పాలసీ తీసుకునే ముందు, వివరాలు తెలుసుకోవాలి. సరైన చోట పెట్టుబడి పెట్టాలి. లేదంటే, తర్వాత ఇబ్బంది పడాల్సి వస్తుంది.