ఎలాన్ మస్క్ తుగ్లక్ నిర్ణయం, వారానికి 7 రోజులు, రోజుకు 12 గంటలు పని చేయాలని ట్విట్టర్ ఉద్యోగులకు ఫర్మానా…

ట్విట్టర్ సోషల్ మీడియా ప్లాట్ ఫామ్ కొనుగోలు చేసిన తర్వాత ఎలాన్ మస్క్ తీసుకుంటున్న నిర్ణయాలు ఉద్యోగులను భయకంపితులను చేస్తున్నాయి.  మరోవైపు మస్తు తీసుకుంటున్నా నిర్ణయాలను పిచ్చి తుగ్లక్ నిర్ణయాలుగా కొట్టిపారేస్తున్నారు. తాజాగా ఎలాన్ మస్క్ ట్విట్టర్ ఉద్యోగులను రోజుకు  12 గంటలు పని చేయాలని,  వారానికి ఏడు రోజులు వరుసగా పనిచేయాలని,  ఆదివారం కూడా సెలవు లేదని హెచ్చరించాడు.  దీంతో ఉద్యోగులంతా ఆందోళన చెందుతున్నారు.  

ఎలాన్ మస్క్ ట్విట్టర్ పగ్గాలు చేపట్టడంతో, దాని టాప్ మేనేజ్‌మెంట్ , ఉద్యోగులకు కష్టకాలం ప్రారంభం అయ్యింది. ఇప్పటికే కంపెనీ సీఈవోతో సహా టాప్ ఎగ్జిక్యూటివ్‌లు తమ ఉద్యోగాలను కోల్పోయారు.  ఇప్పుడు చిన్న, పెద్ద ఉద్యోగులందరికీ కొత్త ఫర్మానా వచ్చింది. ఈ సోషల్ మీడియా సంస్థలోని ఉద్యోగులు రోజుకు 12 గంటలు, వారానికి ఏడు రోజులు పని చేయడానికి సిద్ధంగా ఉండాలని, లేకపోతే వారు తమ ఉద్యోగాలను కోల్పోతారని మస్క్ హెచ్చరించడంతో అంతా ఈ నిర్ణయాన్ని తుగ్లక్ నిర్ణయంగా భావిస్తున్నారు. 

టెస్లా CEO ఎలాన్ మస్క్ ఇటీవల 44 బిలియన్ డాలర్లకు ట్విట్టర్‌ని కొనుగోలు చేశారు. ఇప్పుడు దాన్ని భర్తీ చేయడానికి అనూహ్య నిర్ణయాలు తీసుకుంటున్నారు. దీని కింద, ట్విట్టర్‌లోని కొంతమంది ఇంజనీర్లు వారానికి ఏడు రోజులు , 12 గంటల పాటు పని చేయాలని కోరారు. ఎలాన్ మస్క్ కొత్త నిర్ణయాలకు అనుగుణంగా ఎక్కువ గంటలు పని చేయాల్సి ఉంటుందని కంపెనీ మేనేజర్లు ఉద్యోగులకు చెప్పారు. సోర్సెస్ ప్రకారం మస్క్, దూకుడు నిర్ణయాలను నెరవేర్చడానికి ఉద్యోగులు రోజుకు 12 గంటల వరకు పని చేస్తున్నారు.

సోష‌ల్ మీడియా ప్లాట్‌ఫామ్‌లో మస్క్ చాలా మార్పులు చేయడానికి సిద్ధమవుతున్నట్లు వర్గాలు చెబుతున్నాయి. వినియోగదారులకు కొన్ని సౌకర్యాలు కల్పించడానికి  8 డాలర్లు వసూలు చేయాలని కూడా అతను చెప్పాడు. నవంబరు మొదటి వారంలోగా ఈ మార్పులు పూర్తి చేయాలని, గడువులోగా పని ముగియడానికి చాలా మంది ఇంజనీర్లు రోజుకు 12 గంటల పాటు కష్టపడి పని చేయాలని మస్క్ సూచించారు. దీనికి బదులు ఉద్యోగులకు అదనపు జీతం, ఉద్యోగ భద్రత విషయంలో ఎలాంటి హామీ ఇవ్వకపోవడం గమనార్హం.

ఇది మాత్రమే కాదు, నవంబర్ మొదటి వారంలో లక్ష్యాన్ని పూర్తి చేయకపోతే, చాలా మంది ఉద్యోగాలు సైతం కోల్పోతారని చెప్పడం విశేషం. 

50 శాతం ఉద్యోగాల తొలగింపు హెచ్చరిక

ఇంతకుముందు కొన్ని మీడియా నివేదికలలో, ఎలాన్ మస్క్ తన ఉద్యోగులను ఎక్కువ పని చేయమని , ఆదేశాలను పాటించమని బలవంతం చేస్తున్నాడని , తొలగింపుల పేరుతో ఉద్యోగులకు  బెదిరిస్తున్నాడనే ఆరోపణలు వస్తున్నాయి. ఇటీవల, మస్క్ ట్విట్టర్‌లో 50 శాతం తొలగింపుల గురించి మాట్లాడినట్లు వార్తలు వచ్చాయి. అయితే, ఎలాన్ తర్వాత ఈ నివేదికలను ఖండించారు , మాకు అలాంటి ప్రణాళికలు లేవని చెప్పారు.

వార్తల ప్రకారం, ట్విట్టర్‌లో బ్లూ టిక్‌లతో ఖాతాల వెరిఫికేషన్ ప్రక్రియను మార్చడానికి ఎలాన్ మస్క్ సిద్ధమవుతున్నారు. ఇందులోభాగంగా కొన్ని మార్పులు చేయాలని తన ఇంజనీర్లకు సూచించారు. బ్లూ టిక్ కోసం  8 డాలర్లు వసూలు చేసే ప్లాన్‌ను అమలు చేయడానికి Twitter చెల్లింపు ధృవీకరణ ఫీచర్‌ను త్వరలో ప్రారంభించనుంది. దాని గడువు నవంబర్ 7గా నిర్ణయించారు. మస్క్ ఈ ఫీచర్‌ను త్వరలో ప్రారంభించేందుకు మాత్రమే ఎక్కువ పని చేయాలని తన ఉద్యోగులపై ఒత్తిడి తెచ్చేందుకు కారణం ఇదే.