Earthquake: భూకంపం వస్తే ఏం చేయాలి? చాట్ జీపీటీ ఏం చెప్పిందో తెలుసా?

Earthquake Safety Tips: భూకంపం వస్తే అందరూ ప్రాణభయంతో ఇళ్లలోంచి రోడ్ల మీదకు వచ్చేస్తారు. అయితే ఈ లోగానే ఇళ్లు నేలకూలి చాలా మంది చనిపోతుంటారు. మరి భూకంపం వచ్చినప్పుడు ఏం చేస్తే ప్రాణాలకు రక్షణ కలుగుతుంది? ఇదే ప్రశ్నను చాట్ జీపీటీని అడిగితే ఏం చెప్పిందో తెలుసా? ఆ సూచనలు తెలుసుకుందాం రండి.

భూమి కంపించందంటే పెద్ద పెద్ద భవనాలే నేలమట్టం అయిపోతాయి. ఇక అందులో ఉండే వారు ప్రాణాలతో బయట పడటం చాలా కష్టం. అయితే చాలా మంది ప్రాణ భయంతో పరుగులు పెట్టేస్తారు. ఆ సమయంలో శిథిలాలు మీద పడి ప్రాణాలు కోల్పోతుంటారు. అయితే భయపడకుండా తెలివితేటలతో ప్రవర్తిస్తే భూకంప తీవ్రత నుంచి బయట పడవచ్చని చాట్ జీపీటీ చెబుతోంది. దానికి ఏం చేయాలో సూచనలు కూడా ఇచ్చింది. అవేంటంటే..  

భూకంపం వచ్చినప్పుడు ఇలా తప్పించుకోండి

• భూకంపం వచ్చినప్పుడు ఇంట్లోనే ఉంటే వెంటనే చేతులు, మోకాళ్లపై నేలపైకి వంగండి.
• బలమైన టేబుల్ లేదా డెస్క్ కింద మీ తల, మెడను ఉంచి రక్షణ పొందండి. లేదా చేతులతో కవర్ చేసుకోండి. 
• భూమి కంపించడం ఆగే వరకు అలాగే ఉండండి. 
• కిటికీలు, అద్దాలు, పడిపోయే ఫర్నీచర్‌కు దూరంగా ఉండండి.
• బయటకు పరిగెత్తకండి. వస్తువులు మీ మీద పడే ప్రమాదం ఉంటుంది. 

భూకంపం వచ్చినప్పుడు బయట ఉంటే..

• భవనాలు, స్తంభాలు, చెట్లు, విద్యుత్తు తీగలకు దూరంగా ఖాళీ ప్రదేశానికి వెళ్లండి.
• నేలపై వంగి, తల, మెడను రక్షించుకోండి.
• ఒకవేళ మీరు వెహికల్ నడుపుతుంటే సేఫ్ ప్లేస్ లో కారు లేదా బైక్ పార్క్ చేయండి. 
• వంతెనలు, ఫ్లైఓవర్లు, సొరంగాలకు దూరంగా పార్క్ చేయండి. 
• కంపనం ఆగేవరకు వాహనంలోనే ఉండండి.

భూకంపం ఆగిపోయిన తర్వాత ఇలా చేయండి..

• మీకు ఎక్కడైనా గాయాలు అయ్యాయేమో చెక్ చేసుకోండి.
• మీతో ఉన్న వారికి కూడా ఏమైనా గాయాలు అయ్యాయేమో చెక్ చేయండి. 
• మీరు దెబ్బతిన్న భవనంలో ఉంటే జాగ్రత్తగా బయటకు వెళ్లండి. లిఫ్ట్‌లను వాడకండి.
• గ్యాస్ లేదా విద్యుత్ లీకేజీ ఉంటే వెంటనే ఆపండి.
• రేడియో, మొబైల్ లేదా ఇంటర్నెట్ ద్వారా అత్యవసర ప్రకటనలు వినండి.
• అత్యవసరమైతేనే ఫోన్ వాడండి.
• ఎందుకంటే ఛార్జింగ్ ఇష్యూ ఉంటుంది. అత్యవసర కాల్స్ మాట్లాడండి. 

భూకంపం జరిగిన కొన్ని గంటలు లేదా రోజుల తరవాత ఏం చేయాలి..

• మీరున్న ప్రదేశాన్ని ఖాళీ చేయమని అధికారులు అంటే చేయడానికి సిద్ధంగా ఉండండి.
• అవసరమైన వస్తువులు అంటే.. నీరు, ఆహారం, టార్చ్‌లైట్, మందులు, డాక్యుమెంట్లు, డబ్బు, పవర్ బ్యాంక్ ఇలాంటివి దగ్గర పెట్టుకోండి. 
• అధికారిక సమాచారాన్ని మాత్రమే నమ్మండి. 
• పొరుగువారికి, ముఖ్యంగా పిల్లలు, వృద్ధులు, వికలాంగులకు సహాయం చేయండి.