కారుల్లో మసాజ్ సీట్లు: ఇక ఎంత దూరమైనా హాయిగా ప్రయాణం చేయొచ్చు. ఈ ఫీచర్ ఏ కార్లలో ఉందంటే..

కారులో ఎక్కువ సేపు కూర్చొని ప్రయాణం చేయడం కష్టమే కదా.. కాని కారుల్లో కూడా మసాజ్ చేసే సీట్లు ఉంటే చాలా బాగుంటుంది కదా.. లాంగ్ జర్నీలను హాయిగా మార్చడానికి మసాజ్ సీట్లతో కూడిన కార్లు మార్కెట్లో అందుబాటులో ఉన్నాయి. ఆ కార్ల కంపెనీలు, అవి ఇచ్చే ఫీచర్ల గురించి మరిన్ని వివరాలు ఇప్పుడు తెలుసుకుందాం. 

సాధారణంగా లాంగ్ జర్నీలు చేసేటప్పుడు బాగా అలసిపోతారు. అందుకే బస్టాండ్లు, రైల్వే స్టేషన్లలో మసాజ్ కుర్చీలు ఉంటాయి. ప్రయాణ అలసట తీర్చుకోవడానికి ఈ మసాజ్ కుర్చీలు బాగా ఉపయోగపడతాయి. అందుకే మసాజ్ సీట్లు కలిగిన కొన్ని కార్లు మార్కెట్ లోకి వచ్చేశాయి. ఇవి మీ నడుము నొప్పిని తగ్గిస్తాయి. మసాజ్ సీట్లు ప్రధానంగా హై ఎండ్ వాహనాల్లో కనిపిస్తాయి. మాల్స్, బస్టాండ్, రైల్వే స్టేషన్, విమానాశ్రయాల్లో మీరు చూసే మసాజ్ కుర్చీల మాదిరిగానే ఈ కార్లలో సీట్లు పనిచేస్తాయి.

మసాజ్ సీట్ కలిగిన ప్రీమియం కార్లు

ఈ కార్లలో ప్రయాణీకుల సీట్లన్నీ అంతర్నిర్మిత మసాజ్ మెకానిజమ్‌లతో పని చేస్తాయి. ఈ ఫీచర్ కలిగిన కారుల్లో స్కోడా కోడియాక్, వోక్స్ వ్యాగన్ టిగువాన్ ఆర్ లైన్ వంటి ప్రముఖ మోడల్స్ మార్కెట్ లో అమ్మకాల్లో ముందంజలో ఉన్నాయి. ఈ రెండు కంపెనీల కార్లు దాదాపు రూ.50 లక్షల ధరలో ఉన్నాయి.

ఒక వేళ మీరు తక్కువ ధరలో మసాజ్ సీట్లున్న కారు కావాలనుకుంటే MG గ్లోస్టర్ తీసుకోండి. దీని ధర రూ.39.57 లక్షలతో ప్రారంభమవుతుంది. హై ఎండ్ ధర రూ.44.74 లక్షల వరకు ఉంటుంది.

లగ్జరీ కార్లు

BMW, Mercedes-Benz, Land Rover, Lamborghini వంటి లగ్జరీ కార్ల తయారీదారులు తమ మోడళ్లలో బెస్ట్ ఫీచర్లతో ఉన్న మసాజ్ సీట్లను అందిస్తున్నాయి. లాంగ్ డ్రైవ్, ట్రాఫిక్ రద్దీగా ఉండే ప్రయాణాల సమయంలో డ్రైవర్, ప్రయాణీకులు ఈ మసాజ్ సీట్ల ద్వారా అలసట తగ్గించుకోవచ్చు. 

రూ.20 లక్షల లోపు కార్లు

మీ బడ్జెట్‌ రూ.20 లక్షల లోపు అయితే అనేక కార్లలో అందుబాటులో ఉన్నాయి. ఈ సీట్లలో సీట్ కుషన్ ద్వారా చల్లటి గాలిని ప్రసరింపజేసే అంతర్నిర్మిత హోల్స్ ఉన్నాయి. అవి అలసటను తగ్గిస్తాయి. దీంతో లాంగ్ డ్రైవ్ మరింత హాయిగా, భద్రంగా చేయవచ్చు.

ఈ కార్లలో వెంటిలేషన్‌ కూడా ఉంది..

తక్కువ ధరలో వెంటిలేటెడ్ సీట్లను అందించే కార్లలో టాటా పంచ్ EV, టాటా నెక్సాన్, కియా సోనెట్, కియా కారెన్స్ (సైరస్), మారుతి సుజుకి XL6, హ్యుందాయ్ వెర్నా, స్కోడా స్లావియా వంటి మోడల్స్ ఉన్నాయి. అవి పూర్తి మసాజ్ ఫంక్షన్‌లను అందించకపోయినా, ఈ వెంటిలేటెడ్ సీట్లు రోజువారీ డ్రైవర్లకు ఉత్తేజకరమైన రిలాక్సింగ్ అనుభవాన్ని అందిస్తాయి.

ఇది కూడా చదవండి జస్ట్ రూ.50 వేలు చెల్లించి టొయోటా ఫార్చూనర్ కారుని మీ సొంతం చేసుకోండి!